പ്ലാസ്റ്റിക് പ്രകൃതിയ്ക്ക് എത്ര ദൂഷ്യമാണെന്ന് പറയേണ്ടതല്ലല്ലൊ. എന്നാല്‍ അതിലും ദോഷമുള്ളതാണ് ചില മനുഷ്യര്‍. അത്തരത്തിലുള്ളവരുടെ ചെയ്തികള്‍ പലപ്പോഴും സമൂഹത്തെ നന്നേ വേദനിപ്പിക്കും.
അത്തരത്തിലുള്ള ഒരു കാഴ്ചയില്‍ രൂക്ഷ വിമര്‍ശനം നടത്തുകയാണ് നെറ്റിസണ്‍സ്. അതിനു കാരണമായ സംഭവം അങ്ങ് ഇന്തോനേഷ്യയിലെ ഒരു പാര്‍ക്കില്‍ ആണുണ്ടായത്. തമന്‍ സഫാരി പാര്‍ക്കിലാണ് സംഭവം.
എക്‌സില്‍ എത്തിയ ദൃശ്യങ്ങളില്‍ വൈല്‍ഡ് ലൈഫ് സഫാരിക്കെത്തിയ ഒരാള്‍ ഹിപ്പോയുടെ വായിലേക്ക് പ്ലാസ്റ്റിക് ബാഗ് വലിച്ചെറിയുകയാണ്. പ്ലാസ്റ്റിക് എന്തോ ആഹാരസാധനമാണെന്ന് വിചാരിച്ച പാവം ഹിപ്പോ അത് ചവച്ചരയ്ക്കുകയാണ്.
ഒമ്പത് സെക്കന്‍ഡ് ദൈര്‍ഘ്യമുള്ള വീഡിയോയ്ക്ക് രൂക്ഷ വിമര്‍ശനമാണ് സോഷ്യല്‍ മീഡിയയിലുണ്ടായത്. ക്രൂരവും അപകടകരവുമായ പെരുമാറ്റം എന്നാണെരാള്‍ പ്രതികരിച്ചത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.