താറാവ് കർഷകൻ മുങ്ങി മരിച്ചു
Thursday, July 18, 2024 5:44 PM IST
കോട്ടയം: താറാവുകളെ മേയിക്കുന്നതിനിടെ കർഷകൻ മുങ്ങി മരിച്ചു. വ്യാഴാഴ്ച ഉച്ചയ്ക്ക് 12 ന് കോട്ടയം മാളിയേക്കടവിലുണ്ടായ അപകടത്തിൽ പടിയറക്കടവ് സ്വദേശി സദാനന്ദൻ (65) ആണ് മരിച്ചത്.
മൃതദേഹം ചങ്ങനാശേരി താലൂക്ക് ആശുപത്രിയിൽ സൂക്ഷിച്ചിരിക്കുകയാണ്. എങ്ങനെയാണ് സദാനന്ദൻ വള്ളത്തിൽ നിന്നും വെള്ളത്തിലേക്ക് വീണതെന്ന കാര്യത്തിൽ വ്യക്തത വന്നിട്ടില്ലെന്ന് പോലീസ് പറഞ്ഞു.
താറാവുകളെ പാടത്തിറക്കിയതിനുശേഷം വള്ളത്തിലാണ് കർഷകർ കൊണ്ടുപോകാറുള്ളത്. ഇങ്ങനെ കൊണ്ടുപോകുന്ന സമയത്താണ് അപകടമുണ്ടായതെന്നാണ് സൂചന.