ഷൂ ധരിച്ചെത്തിയ പ്ലസ് വൺ വിദ്യാർഥിക്ക് സീനിയേഴ്സിന്റെ മർദനം
Thursday, July 11, 2024 5:10 PM IST
കാസർഗോഡ്: സ്കൂളിൽ ഷൂ ധരിച്ചെത്തിയ പ്ലസ് വൺ വിദ്യാർഥിക്ക് സീനിയർ വിദ്യാർഥികളുടെ മർദനം. ചിത്താരിയിലുള്ള സ്വകാര്യ ഹയർ സെക്കൻഡറി സ്കൂളിൽ കഴിഞ്ഞ തിങ്കളാഴ്ചയായിരുന്നു ആക്രമണം.
വിവരം പുറത്തു പറഞ്ഞാൽ മർദനം തുടരുമെന്നു ഭീഷണി ഉണ്ടായിരുന്നതിനാൽ പള്ളിക്കര സ്വദേശിയായ വിദ്യാർഥി സംഭവം രഹസ്യമാക്കി വക്കുകയായിരുന്നു. എന്നാൽ മർദനത്തിന്റെ ദൃശ്യങ്ങൾ സമൂഹ മാധ്യമങ്ങളിലൂടെ പുറത്തായി.
ദൃശ്യങ്ങൾ പ്രചരിച്ചതോടെ കുടുംബം പരാതിയുമായി രംഗത്തെത്തി.