കൊല്ലത്ത് പ്ലസ് വണ് വിദ്യാര്ഥിയെ സഹപാഠികള് മര്ദിച്ചു
Tuesday, July 9, 2024 9:44 AM IST
കൊല്ലം: അഞ്ചലില് പ്ലസ് വണ് വിദ്യാര്ഥിക്ക് സഹപാഠികളുടെ ക്രൂരമര്ദനം. അഞ്ചല് വെസ്റ്റ് ഗവ. ഹയര് സെക്കണ്ടറി സ്കൂളിലെ വിദ്യാര്ഥിക്കാണ് മര്ദനമേറ്റത്.
ഇയാളെ ആശുപത്രിയിലേക്ക് മാറ്റിയിട്ടുണ്ട്. പരിക്ക് ഗുരുതരമല്ലെന്നാണ് വിവരം. കഴിഞ്ഞ ദിവസം നടന്ന സംഭവത്തിന്റെ ദൃശ്യങ്ങള് സമൂഹമാധ്യമങ്ങളില് പ്രചരിച്ചതോടെയാണ് കുട്ടിയുടെ രക്ഷിതാക്കള് അടക്കം വിവരം അറിഞ്ഞത്.
മൂന്ന് വിദ്യാര്ഥികള് ചേര്ന്ന് ഒരാളെ മര്ദിക്കുന്നതിന്റെ ദൃശ്യങ്ങളാണ് പുറത്തുവന്നത്. സംഘര്ഷത്തിന്റെ കാരണം എന്താണെന്ന് വ്യക്തമല്ല. സംഭവത്തില് പോലീസ് അന്വേഷണം തുടങ്ങിയിട്ടുണ്ട്.