പ്രാ​ഗ്: ചെ​ക്ക് റി​പ്പ​ബ്ലി​ക്കി​ന്‍റെ ത​ല​സ്ഥാ​ന​ നഗരിയായ പ്രാ​ഗി​ലെ ചാ​ള്‍​സ് സ​ർ​വ​ക​ലാ​ശാ​ല​യി​ലു​ണ്ടാ​യ വെ​ടി​വെ​പ്പി​ല്‍ കൊ​ല്ല​പ്പെ​ട്ട​വ​രു​ടെ എ​ണ്ണം 15 ആ​യെ​ന്ന് റി​പ്പോ​ർ​ട്ട്. മാ​ത്ര​മ​ല്ല വെ​ടി​വ​ച്ച അ​ക്ര​മി സ​ർ​വ​ക​ലാ​ശാ​ല​യി​ലെ പൂ​ർ​വ്വ വി​ദ്യാ​ർ​ഥി​യാ​ണെ​ന്നും പോ​ലീ​സ് അ​റി​യി​ച്ചു. ന​ഗ​ര​മ​ധ്യ​ത്തി​ൽ പ്ര​വ​ർ​ത്തി​ക്കു​ന്ന സ​ർ​വ​ക​ലാ​ശാ​ല​യു​ടെ പ​രി​സ​ര​ത്ത് ക​യ​റി​യ പ്ര​തി അ​ധ്യാ​പ​ക​രു​ടേ​യും വി​ദ്യാ​ർ​ഥി​ക​ളു​ടേ​യും നേ​ർ‌​ക്ക് വെ​ടി​വ​ക്കു​ക​യാ​യി​രു​ന്നു.

അ​ക്ര​മം ന​ട​ത്തി​യ ശേ​ഷം ഇ​യാ​ൾ ആ​ത്മ​ഹ​ത്യ ചെ​യ്തെ​ന്നാ​ണ് പ്രാ​ഥ​മി​ക നി​ഗ​മ​നം. മാ​ത്ര​മ​ല്ല ഇ​യാ​ളു​ടെ അ​ച്ഛ​നേ‍​യും വീ​ട്ടി​ല്‍ കൊ​ല്ല​പ്പെ​ട്ട നി​ല​യി​ല്‍ ക​ണ്ടെ​ത്തി​യെ​ന്നും പോ​ലീ​സ് അ​റി​യി​ച്ചു. അ​ച്ഛ​നെ കൊ​ന്ന ശേ​ഷ​മാ​ണ് സ​ർ​വ​ക​ലാ​ശാ​ല​യി​ൽ ഇയാൾ വെ​ടി​വെ​പ്പ് ന​ട​ത്തി​യ​തെ​ന്നാ​ണ് സൂ​ച​ന. അ​ക്ര​മ​ത്തി​ന് പി​ന്നി​ൽ ആ​ഗോ​ള ഭീ​ക​ര​വാ​ദ ബ​ന്ധ​മി​ല്ലെ​ന്ന് സ​ർ​ക്കാ​ർ വ്യ​ക്ത​മാ​ക്കി.

36 പേ​രെ​യാ​ണ് വെ​ടി​വ​പ്പി​ന് പി​ന്നാ​ലെ ആ​ശു​പ​ത്രി​യി​ലെ​ത്തി​ച്ച​ത്. ചാ​ൾ​സ് സ​ർ​വ​ക​ലാ​ശാ​ല​യു​ടെ ആ​ർ​ട്സ് ഫാ​ക്ക​ൽ​റ്റി കെ​ട്ടി​ട​ത്തി​ലാ​ണ് അ​ക്ര​മി എ​ത്തി പ​ല​രേ​യും വെ​ടി​വ​ച്ച​ത്. യൂ​റോ​പ്പി​ലെ ത​ന്നെ ഏ​റ്റ​വും പ​ഴ​ക്കം ചെ​ന്ന ക്യാ​ന്പ​സു​ക​ളി​ലൊ​ന്നാ​ണി​ത്. വ്യാ​ഴാ​ഴ്ച ഉ​ച്ച​ക​ഴി​ഞ്ഞ് 3. 40 നാ​യി​രു​ന്നു ഇ​വി​ടെ വെ​ടി​വെ​പ്പു​ണ്ടാ​യ​ത്.