ചരക്കുകപ്പലിന്‍റെ നടത്തിപ്പ് മലയാളിയുടെ കന്പനിക്ക് : Deepika.com Kerala News |

Click here for detailed news of all items

ചരക്കുകപ്പലിന്‍റെ നടത്തിപ്പ് മലയാളിയുടെ കന്പനിക്ക്

Thursday, March 28, 2024 1:52 AM IST

പാലക്കാട്: അമേരിക്കയിലെ ബാള്‍ട്ടിമോറിൽ പാലം തകര്‍ത്ത് അപകടത്തിൽപ്പെട്ട ചരക്കുകപ്പലിന്‍റെ നടത്തിപ്പു ചുമതലയുണ്ടായിരുന്നത് മലയാളിയുടെ ഉടമസ്ഥതയിലുള്ള കമ്പനിക്ക്.

പാലക്കാട് സ്വദേശിയായ ക്യാപ്റ്റന്‍ രാജേഷ് ഉണ്ണിയുടെ സിനര്‍ജി മറൈന്‍ ഗ്രൂപ്പിന്‍റെ കപ്പലാണ് ബാള്‍ട്ടിമോറിലെ പാലത്തില്‍ ഇടിച്ചത്. ലോകത്തെ മുന്‍നിര കപ്പല്‍ കമ്പനികളില്‍ ഒന്നാണ് സിനര്‍ജി മറൈന്‍ ഗ്രൂപ്പ്.

സിംഗപ്പുര്‍ ആസ്ഥാനമായുള്ള കമ്പനിയുടെ സ്ഥാപകനും സിഇഒയും രാജേഷാണ്. സിനര്‍ജിയുടെ വെബ്‌സൈറ്റ് നല്‍കുന്ന വിവരപ്രകാരം, 14 രാജ്യങ്ങളിലായി 28 ഓഫീസുകള്‍ കമ്പനിക്കുണ്ട്. 24,000 നാവികര്‍ ജോലിചെയ്യുന്നു.

668ല്‍പ്പരം ചരക്കുകപ്പലുകളുടെ നടത്തിപ്പുകാരാണ്. 2020ല്‍ ലോയ്ഡ്സ് ലിസ്റ്റ് മാഗസിന്‍ പുറത്തിറക്കിയ ഏറ്റവും സ്വാധീനമുള്ള 100 വ്യക്തികളുടെ പട്ടികയില്‍ ഇടംനേടി. 2006ലാണ് സിനര്‍ജി ഗ്രൂപ്പ് സ്ഥാപിച്ചത്.

കഴിഞ്ഞ ദിവസം അപകടത്തിൽപ്പെട്ട കപ്പലിലെ 22 ജീവനക്കാരും ഇന്ത്യക്കാരാണ്. ഇവരെല്ലാം സുരക്ഷിതരാണെന്ന് കമ്പനി അറിയിച്ചിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.