ചെക്ക്പോസ്റ്റുകളിൽ കാശ്‌ വേണം, കാഷ്‌ലെസ് വേണ്ട; സർക്കാർ നിർദേശവും തള്ളി മോട്ടോർ വാഹനവകുപ്പ് : Deepika.com Kerala News |

Click here for detailed news of all items

ചെക്ക്പോസ്റ്റുകളിൽ കാശ്‌ വേണം, കാഷ്‌ലെസ് വേണ്ട; സർക്കാർ നിർദേശവും തള്ളി മോട്ടോർ വാഹനവകുപ്പ്

Thursday, March 28, 2024 12:04 AM IST

റെനീഷ് മാത്യു

കണ്ണൂർ: സംസ്ഥാനത്തെ മോട്ടോർ വാഹന ചെക്ക്പോസ്റ്റുകൾ കാഷ്‌ലെസ് ആക്കാനുള്ള സർക്കാർ നിർദേശം തള്ളി മോട്ടോർ വാഹനവകുപ്പ്. തീരുമാനം നടപ്പാക്കാൻ ചെക്ക്പോസ്റ്റുകൾ പ്രവർത്തിക്കുന്ന കണ്ണൂർ ജില്ലയിലെ ആർടിഒമാരുടെയും ഡെപ്യൂട്ടി ട്രാൻസ്പോർട്ട് കമ്മീഷണർമാരുടെയും ബന്ധപ്പെട്ട ഉദ്യോഗസ്ഥരുടെയും യോഗം ചേർന്നിരുന്നു. ഈ യോഗത്തിലാണു സർക്കാർ നിർദേശം തള്ളിയത്.

2021 ജൂൺ 16നു ട്രാൻസ്പോർട്ട് കമ്മീഷണർ സർക്കുലർ ഇറക്കിയിട്ടും 2022 ഒക്‌ടോബർ 21നു ഗതാഗതമന്ത്രി വാളയാറിൽ പോയി വാഹൻ ചെക്ക്പോസ്റ്റ് മൊഡ്യൂൾ ഉദ്ഘാടനം ചെയ്തിട്ടും വാഹൻ ചെക്ക്പോസ്റ്റ് മൊഡ്യൂൾ നടപ്പായില്ല.

തുടർന്ന്, ഇക്കഴിഞ്ഞ ഫെബ്രുവരി 26 മുതൽ ഒരാഴ്ചത്തേക്കു സംസ്ഥാനത്തെ എല്ലാ മോട്ടോർ വാഹന ചെക്ക്പോസ്റ്റുകളും പഴയ സ്മാർട്ട് മൂവ് സോഫ്റ്റ്‌വേർ പിൻവലിച്ചു വാഹൻ ചെക്ക്പോസ്റ്റ് സോഫ്റ്റ്‌വേർ നടപ്പിലാക്കി കാഷ്‌ലെസായി പ്രവർത്തിക്കണമെന്നായിരുന്നു സർക്കാർ നിർദേശം.

പഴയ സ്മാർട്ട് മൂവ് സോഫ്റ്റ്‌വേർ ഉപയോഗിച്ചു വൻതോതിൽ സാന്പത്തികതിരിമറി ചെക്ക്‌പോസ്റ്റുകളിൽ നടക്കുന്നുവെന്ന വിവരത്തെ തുടർന്നാണ് വാഹൻ സോഫ്റ്റ്‌വേർ ഉപയോഗിക്കാനും ചെക്ക്പോസ്റ്റുകൾ കാഷ്‌ലെസാക്കാനും സർക്കാർ നിർദേശമുണ്ടായത്.

തീരുമാനം നടപ്പിലാക്കാൻ ചെക്ക്പോസ്റ്റുകൾ പ്രവർത്തിക്കുന്ന ജില്ലയിലെ ആർടിഒമാരുടെയും ഡെപ്യൂട്ടി ട്രാൻസ്പോർട്ട് കമ്മീഷണർമാരുടെയും ബന്ധപ്പെട്ട ഉദ്യോഗസ്ഥരുടെയും യോഗം ചേർന്നിരുന്നു.

എന്നാൽ, ബന്ധപ്പെട്ട ജില്ലയിലെ ആർടിഒമാരുടെയും ഡെപ്യൂട്ടി കമ്മീഷണർമാരുടെയും യോഗത്തിൽ പറയുന്നത് ‘വാഹൻ’ ചെക്ക്പോസ്റ്റിൽ നടപ്പാക്കാനോ ചെക്ക്പോസ്റ്റ് കാഷ്‌ലെസ് ആക്കാനോ സാധിക്കില്ലന്നുമാണ്.

ചെക്ക് പോസ്റ്റിൽ നെറ്റ്‌വർക്കില്ല, കറന്‍റില്ല, ജനറേറ്ററില്ല എന്നിവയാണ് കാരണമായി പറയുന്നത്. ‌എന്നാൽ 2021 ജൂൺ 16ന്‍റെ സർക്കുലറിൽ പറയുന്നത് വാഹൻ ചെക്ക്പോസ്റ്റ് മൊഡ്യൂൾ നടപ്പിലാക്കുന്പോൾ ഇന്‍റർനെറ്റ്, കറന്‍റ്, സെർവർ, കംപ്യൂട്ടർ ഒന്നും ആവശ്യമില്ലെന്നാണ്.

മീറ്റിംഗിൽ പങ്കെടുത്തതാകട്ടെ ചെക്ക്പോസ്റ്റുള്ള ജില്ലയിലെ ആർടിഒമാരും ഡെപ്യൂട്ടി കമ്മീഷണർമാരുമാണ്. അതുകൊണ്ട് ഒറ്റക്കെട്ടായി സർക്കാർ നിർദേശം തള്ളിക്കളയുകയായിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.