ടൊവിനോയ്ക്കൊപ്പമുള്ള ചിത്രം; എൽഡിഎഫ് സ്ഥാനാർഥിക്കെതിരേ പരാതി : Deepika.com Kerala News |

Click here for detailed news of all items

ടൊവിനോയ്ക്കൊപ്പമുള്ള ചിത്രം; എൽഡിഎഫ് സ്ഥാനാർഥിക്കെതിരേ പരാതി

Tuesday, March 19, 2024 2:19 AM IST

തൃശൂർ: തെരഞ്ഞെടുപ്പ് കമ്മീഷന്‍റെ ബ്രാൻഡ് അംബാസഡറായ സിനിമാനടൻ ടൊവിനോ തോമസിനൊപ്പമുള്ള ചിത്രം പ്രചാരണത്തിന് ഉപയോഗിച്ചെന്നാരോപിച്ചു തൃശൂർ ലോക്സഭാ മണ്ഡലം എൽഡിഎഫ് സ്ഥാനാർഥി വി.എസ്. സുനിൽ കുമാറിനെതിരേ പരാതി.

എൻഡിഎ ജില്ലാ കോ-ഓർഡിനേറ്റർ അഡ്വ. രവികുമാർ ഉപ്പത്താണു പരാതി നൽകിയത്. തെരഞ്ഞെടുപ്പ് കമ്മീഷൻ ബ്രാൻഡ് അംബാസഡറായ ടൊവിനോയുടെ ചിത്രം ദുരുപയോഗം ചെയ്തെന്നും ഇതു തെരഞ്ഞെടുപ്പുചട്ടത്തിന്‍റെ ലംഘനമാണെന്നും ചൂണ്ടിക്കാട്ടുന്ന പരാതിയിൽ സുനിൽകുമാറിനെ സ്ഥാനാർഥിയാക്കുന്നത് തടയണമെന്നും ആവശ്യപ്പെട്ടു.

ടൊവിനോയ്ക്കൊപ്പമുള്ള ചിത്രം തൃശൂർ പൂങ്കുന്നത്തെ ഷൂട്ടിംഗ് ലൊക്കേഷനിൽവച്ച് എടുത്തതാണെന്നും അദ്ദേഹം തെരഞ്ഞെടുപ്പ് കമ്മീഷൻ ബ്രാൻഡ് അംബാസഡറാണെന്ന് അറിയില്ലായിരുന്നെന്നുമാണ് വി.എസ്. സുനിൽകുമാർ പ്രതികരിച്ചത്.

ഇക്കാര്യം അറിഞ്ഞപ്പോൾത്തന്നെ ഫോട്ടോ പിൻവലിച്ചെന്നും അദ്ദേഹം വ്യക്തമാക്കി. ഇതിൽ തൃപ്തരാകാതെയാണു എൻഡിഎ പരാതിയുമായി ജില്ലാ കളക്ടറെ സമീപിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.