പിജി ഡിപ്പാർട്ട്മെന്റ് പ്രവേശനപരീക്ഷ ഹാള്ടിക്കറ്റ്
കണ്ണൂർ സർവകലാശാലയിലെ വിവിധ പഠനവകുപ്പുകളിലേക്ക് പ്രവേശനത്തിനായി ഓണ്ലൈൻ രജിസ്റ്റർ ചെയ്തവർ (ബിഎഎൽഎൽബി, എൽഎൽഎം, എംഎസ്സി മാത്തമാറ്റിക്സ്, എംഎസ്സി സ്റ്റാറ്റിസ്റ്റിക്സ് കോഴ്സുകൾ ഒഴികെ) Candidate Login ൽ Login ചെയ്ത് ഹാള്ടിക്കറ്റ് ഡൗണ്ലോഡ് ചെയ്യേണ്ടതാണ്. അപേക്ഷകർക്ക് പ്രത്യേകം ഹാള്ടിക്കറ്റ് അയക്കുന്നതല്ല.
പിജി പ്രവേശനം: ഓൺലൈൻ രജിസ്ട്രേഷൻ 13 മുതൽ
കണ്ണൂർ സർവകലാശാലയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സെല്ഫ് ഫിനാന്സിംഗ് കോളജുകളിലേക്കുള്ള 2019 20 അധ്യയനവർഷത്തെ ഒന്നാം വർഷ പിജി കോഴ്സുകളിലേക്കുള്ള പ്രവേശനത്തിന് 13 ന് വൈകുന്നേരം അഞ്ചുമുതൽ ഓൺലൈൻ രജിസ്ട്രേഷൻ നടത്താം. അവസാന തീയതി മേയ് 28 ആണ്. വിവിധ കോഴ്സുകളിലേക്ക് അപേക്ഷിക്കാനുള്ള യോഗ്യത, കോളജുകളുടെയും സീറ്റുകളുടെയും വിവരങ്ങൾ തുടങ്ങിയവ പ്രോസ്പെക്ടസിൽ ലഭ്യമാണ്. 2019ൽ ബിരുദം പൂർത്തിയാക്കിയ ഗ്രേസ് മാർക്കിന് അർഹതയുള്ള വിദ്യാർഥികൾ മേയ് 20 നുശേഷം മാത്രം ഓൺലൈൻ രജിസ്ട്രേഷൻ നടത്തിയാൽ മതിയാകും.
അക്ഷയ കേന്ദ്രങ്ങൾക്കുള്ള പരിശീലനം 13 ന്
കണ്ണൂർ, വയനാട് ജില്ലകളിലെ അക്ഷയ കേന്ദ്രങ്ങൾക്കുളള പരിശീലന പരിപാടി 13ന് രാവിലെ പത്തിന് കണ്ണൂർ സർവകലാശാല താവക്കര കാമ്പസിലെ ചെറുശേരി ഓഡിറ്റോറിയത്തിൽ നടക്കും. ഓൺലൈൻ രജിസ്ട്രേഷൻ സംബന്ധിച്ച് പരിശീലനം ലഭിക്കാൻ ആഗ്രഹിക്കുന്ന എല്ലാവർക്കും പങ്കെടുക്കാം. ഫോൺ: 04972715261, 04972715284.
പരീക്ഷാഫലം പ്രസിദ്ധീകരിച്ചു
2018 ജൂലൈയിൽ നടന്ന രണ്ടാം സെമസ്റ്റർ എംസിഎ (റഗുലർ /ഇംപ്രൂവ്മെന്റ്/സപ്ലിമെന്ററി) ജൂലൈ 2018 പരീക്ഷാഫലം പ്രസിദ്ധീകരിച്ചു. ഫലം കണ്ണൂർ സർവകലാശാലാ വെബ്സൈറ്റിൽ ലഭ്യമാണ്. ഗ്രേഡ് കാർഡുകൾ അതത് കോളജുകൾ മുഖാന്തിരം പിന്നീട് വിതരണം ചെയ്യും. പുനർമൂല്യനിർണയം/ഉത്തരക്കടലാസ് പരിശോധന/ഫോട്ടോകോപ്പി എന്നിവയ്ക്ക് അപേക്ഷിക്കുന്നതിനുള്ള അവസാന തീയതി 23 ആണ്. രണ്ടാം സെമസ്റ്റർ സപ്ലിമെന്ററി പരീക്ഷ ജൂലൈ 2019 ന് അപേക്ഷിക്കാനുള്ള ലിങ്ക് വെബ്സൈറ്റിൽ ലഭ്യമാണ്. അപേക്ഷിക്കാനുള്ള അവസാന തീയതി 15. പിഴയോടുകൂടിയ അവസാന തീയതി 17 ആണ്.
പ്രോജക്ട് മൂല്യനിർണയം, പ്രായോഗിക/വാചാ പരീക്ഷകൾ
തലശേരി ബ്രണ്ണൺ കോളജിലെ രണ്ടാം സെമസ്റ്റർ എംഎസ്സി കെമിസ്ട്രി ഡിഗ്രി (റഗുലർ/സപ്ലിമെന്ററി ഏപ്രിൽ 2019)യുടെ പ്രായോഗിക പരീക്ഷകൾ 14,15,17 തീയതികളിൽ നടക്കും. സർവകലാശാല പഠനവകുപ്പിലെ നാലാം സെമസ്റ്റർ എംഎസ്സി കെമിസ്ട്രി (സിസിഎസ്എസ് റഗുലർ/സപ്ലിമെന്ററി മേയ് 2019) യുടെ പ്രോജക്ട് മൂല്യനിർണയവും വാചാപരീക്ഷയും 14,15,16 തീയതികളിൽ പയ്യന്നൂർ സ്വാമി ആനന്ദതീർഥ കാന്പസിൽ നടത്തും.
നാലാം സെമസ്റ്റർ എംഎസ്സി വുഡ് സയൻസ് ആൻഡ് ടെക്നോളജി (സിസിഎസ്എസ് റഗുലർ/സപ്ലിമെന്ററി മേയ് 2019)യുടെ പ്രായോഗിക പരീക്ഷകൾ 17 മുതൽ ആരംഭിക്കും. രജിസ്റ്റർ ചെയ്ത വിദ്യാർഥികൾ കോളജ്/പഠനവകുപ്പുമായി ബന്ധപ്പെടണം.