കാലിക്കട്ട് സര്‍വകലാശാലാ വിദൂരവിദ്യാഭ്യാസ വിഭാഗം 2019 പ്രവേശനം എംഎം, എംഎസ്‌സി, എംകോം സപ്ലിമെന്‍ററി വിദ്യാര്‍ഥികള്‍ ഒന്ന്, രണ്ട് സെമസ്റ്ററുകളിലെ ഓഡിറ്റ് കോഴ്‌സ് പ്രകാരം തയാറാക്കേണ്ട ബുക്ക് റിവ്യൂ, അസൈന്‍മെന്‍റ്, റിപ്പോര്‍ട്ട് എന്നിവ സമര്‍പ്പിച്ചിട്ടില്ലെങ്കില്‍ 30ന് മുമ്പായി നിര്‍ദ്ദിഷ്ട മാതൃകയില്‍ എസ്ഡിഇ ഡയറക്ടര്‍ക്ക് നേരിട്ടോ തപാല്‍ വഴിയോ സമര്‍പ്പിക്കണം. വിശദവിവരങ്ങള്‍ എസ്ഡിഇ വെബ്‌സൈറ്റില്‍. ഫോണ്‍: 0494 2407494.
പരീക്ഷകളില്‍ മാറ്റം
മാര്‍ച്ച് 14ന് നടത്താന്‍ നിശ്ചയിച്ച് മാറ്റി വെച്ച ഒന്നാം സെമസ്റ്റര്‍ യുജി നവംബര്‍ 2022 പരീക്ഷകളും ബിവോക് നവംബര്‍ 2021, 2022 പരീക്ഷകളും ഏപ്രില്‍ അഞ്ചിലേക്കും മാര്‍ച്ച് 15ന് നടത്താന്‍ നിശ്ചയിച്ച് മാറ്റി വെച്ച ആറാം സെമസ്റ്റര്‍ യുജി ഏപ്രില്‍ 2023 പരീക്ഷകള്‍ മാര്‍ച്ച് 28ലേക്കും മാര്‍ച്ച് 28ന് നടത്താന്‍ നിശ്ചയിച്ച യുജി ഒന്നാം സെമസ്റ്റര്‍ നവംബര്‍ 2022 പരീക്ഷകളും ആറാം സെമസ്റ്റര്‍ ഏപ്രില്‍ 2023 പരീക്ഷകളും മാര്‍ച്ച് 31ലേക്കും മാറ്റിയിരിക്കുന്നു. വിശദവിവരങ്ങള്‍ വെബ്‌സൈറ്റില്‍.
പരീക്ഷ
സര്‍വകലാശാലാ എൻജിനീയറിംഗ് കോളജിലെ നാലാം സെമസ്റ്റര്‍ ബിടെക് ഏപ്രില്‍ 2022 റഗുലര്‍, സപ്ലിമെന്‍ററി, ഇംപ്രൂവ്‌മെന്‍റ് പരീക്ഷകള്‍ 28ന് തുടങ്ങും.
അഞ്ചാം സെമസ്റ്റര്‍ ബിവോക് നവംബര്‍ 2022 റഗുലര്‍, സപ്ലിമെന്‍ററി, ഇംപ്രൂവ്‌മെന്‍റ് പരീക്ഷകള്‍ ഏപ്രില്‍ അഞ്ചിന് തുടങ്ങും.
സര്‍വകലാശാലാ പഠനവിഭാഗങ്ങളിലെ മൂന്നാം സെമസ്റ്റര്‍ എംഎസ്‌സി അപ്ലൈഡ് സൈക്കോളജി, എംഎ കംപാരറ്റീവ് ലിറ്ററേച്ചര്‍, ജേണലിസം ആൻഡ് മാസ് കമ്മ്യൂണിക്കേഷന്‍ നവംബര്‍ 2022 റഗുലര്‍, സപ്ലിമെന്‍ററി, ഇംപ്രൂവ്‌മെന്‍റ് പരീക്ഷകള്‍ 24ന് തുടങ്ങും.
എസ്ഡിഇ മൂന്നാം സെമസ്റ്റര്‍ ബിജിഡിഎ നവംബര്‍ 2016 സപ്ലിമെന്‍ററി, ഇംപ്രൂവ്‌മെന്‍റ് പരീക്ഷകള്‍ ഏപ്രില്‍ 17ന് തുടങ്ങും.
പരീക്ഷാ ഫലം
രണ്ടാം സെമസ്റ്റര്‍ എംഎ ജേണലിസം ആൻഡ് മാസ് കമ്മ്യൂണിക്കേഷന്‍ ഏപ്രില്‍ 2022 റഗുലര്‍, സപ്ലിമെന്‍ററി പരീക്ഷകളുടെ ഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് 27 വരെ അപേക്ഷിക്കാം.