എംബിഎ (ജനറൽ), എംബിഎ (ടൂറിസം) - ഗ്രൂപ്പ് ഡിസ്കഷൻ, പേഴ്സണൽ ഇന്‍റർവ്യൂ - തിരുത്ത്
കാര്യവട്ടം കാന്പസിൽ പ്രവർത്തിക്കുന്ന ഇൻസ്റ്റിറ്റ്യൂട്ട് ഓഫ് മാനേജ്മെന്‍റ് ഇൻ കേരളയിൽ (ഐഎംകെ), സിഎസ്എസ് സ്കീമിൽ എംബിഎ (ജനറൽ), എംബിഎ (ടൂറിസം) കോഴ്സുകളിലേക്ക് 2022 23 അധ്യയന വർഷത്തെ പ്രവേശനത്തിനായി അപേക്ഷ സ്വീകരിക്കുന്ന തീയതി ജൂണ്‍ 20 വരെ നീട്ടിയിരുന്നു. അന്നേ ദിവസം വരെ അപേക്ഷ സമർപ്പിച്ച യോഗ്യരായ എല്ലാ പ്രവേശനാർഥികളും 27, 28 എന്നീ തീയതികളിലായി പുനഃക്രമീകരിച്ചിരിക്കുന്ന ഗ്രൂപ്പ് ഡിസ്കഷൻ, പേഴ്സണൽ ഇന്‍റർവ്യൂ എന്നിവയ്ക്ക് ഹാജരാകണം.
(ഈ പത്രക്കുറിപ്പ് ഗ്രൂപ്പ് ഡിസ്കഷൻ, പേഴ്സണൽ ഇന്‍റർവ്യൂ എന്നിവയുടെ തീയതി ജൂണ്‍ 27, 28 ന് പകരം ജൂലൈ 27, 28 എന്നായിരുന്നു. ആയതിനാൽ അത് ജൂണ്‍ 27, 28 എന്ന് തിരുത്തി വായിക്കണം).
പുതുക്കിയ വിജ്ഞാപനത്തിന് സർവകലാശാലയുടെ അഡ്മിഷൻ പോർട്ടൽ സന്ദർശിക്കുക.
പരീക്ഷാഫലം
2021 ഡിസംബറിൽ നടത്തിയ അഞ്ചാം സെമസ്റ്റർ സിബിസിഎസ് ബിഎസ്‌സി സ്പെഷൽ പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജൂലൈ നാലുവരെ ഓഫ്‌ലൈനായി അപേക്ഷിക്കാം. വിശദവിവരങ്ങൾ വെബ്സൈറ്റിൽ.
ടൈംടേബിൾ
ജൂലൈ നാലിന് ആരംഭിക്കുന്ന ബിപിഎഡ് (ദ്വിവത്സര കോഴ്സ് 2020 സ്കീം), രണ്ടാം സെമസ്റ്റർ (റെഗുലർ & സപ്ലിമെന്‍ററി), നാലാം സെമസ്റ്റർ (റെഗുലർ) പരീക്ഷകളുടെ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
യൂണിയൻ (2021 2022) ഭാരവാഹികളുടേയും സെനറ്റ്/സ്റ്റുഡന്‍റ്സ് കൗണ്‍സിലിലേക്കുള്ള വിദ്യാർഥിപ്രതിനിധികളുടേയും തെരഞ്ഞെടുപ്പ് 27 ന്
ഇന്നു നടത്താൻ നിശ്ചയിച്ചിരുന്ന കേരളസർവകലാശാല യൂണിയൻ (2021 2022) ഭാരവാഹികളുടേയും സെനറ്റ്/സ്റ്റുഡന്‍റ്സ് കൗണ്‍സിലിലേക്കുമുള്ള വിദ്യാർഥി പ്രതിനിധികളുടേയും തെരഞ്ഞെടുപ്പ് ജൂണ്‍ 27 ലേക്ക് മാറ്റിവച്ചു.
പരീക്ഷാ വിജ്ഞാപനം
യൂണിവേഴ്സിറ്റി കോളജ് ഓഫ് എൻജിനിയറിംഗ് കാര്യവട്ടത്തെ 2018 സ്കീം (2018 അഡ്മിഷൻ) ആറാം സെമസ്റ്റർ (ഇംപ്രൂവ്മെന്‍റ്), ജൂണ്‍ 2022 പരീക്ഷയുടെ വിജ്ഞാപനം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
യൂണിവേഴ്സിറ്റി കോളജ് ഓഫ് എൻജിനിയറിംഗ് കാര്യവട്ടത്തെ 2018 സ്കീം എട്ടാം സെമസ്റ്റർ (റെഗുലർ), ജൂണ്‍ 2022 പരീക്ഷയുടെ വിജ്ഞാപനം പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
ഓഗസ്റ്റ് അഞ്ചിന് ആരംഭിക്കുന്ന എട്ടാം സെമസ്റ്റർ ഇന്‍റഗ്രേറ്റഡ് പഞ്ചവത്സര ബിഎ/ ബികോം/ ബിബിഎ എൽഎൽബി പരീക്ഷക്ക് 28 വരെയും 150 രൂപ പിഴയോടെ ജൂലൈ ഒന്നുവരെയും 400 രൂപ പിഴയോടെ ജൂലൈ നാലുവരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
എംപിഇഎസ് ബിപിഎഡ് കോഴ്സുകളിലേക്ക് അപേക്ഷ ക്ഷണിക്കുന്നു
തിരുവനന്തപുരം കാര്യവട്ടത്തുള്ള ലക്ഷ്മീഭായി നാഷണൽ കോളജ് ഓഫ് ഫിസിക്കൽ എഡ്യൂക്കേഷൻ (എൽഎൻസിപിഇ) നടത്തുന്ന എംപിഇഎസ്, ബിപിഎഡ്. (നാല് വർഷം) ഇന്നോവേറ്റീവ് കോഴ്സുകളിലേക്കുളള 2022 23 അധ്യയന വർഷത്തേക്കുള്ള അഡ്മിഷനായി ജൂലൈ ഒന്നു മുതൽ അപേക്ഷിക്കാം. വിശദവിവരങ്ങൾക്ക് സർവകലാശാല വെബ്സൈറ്റ് സന്ദർശിക്കുക.
സന്പർക്ക ക്ലാസ്
വിദൂരവിദ്യാഭ്യാസവിഭാഗം മൂന്നാം സെമസ്റ്റർ പിജി (എംഎസ്‌സി ഒഴികെ) പ്രോഗ്രാമുകളുടെ സന്പർക്ക ക്ലാസുകൾ ഓണ്‍ലൈനായി നാളെ ആരംഭിക്കും. വിശദവിവരങ്ങൾക്ക് www.ideku.net സന്ദർശിക്കുക.