കണ്ണൂർ സർവകലാശാലയുടെ ധർമശാല, സ്കൂൾ ഓഫ് പെഡഗോഗിക്കൽ സയൻസസിൽ നടത്തുന്ന രണ്ടു വർഷ എംഎഡ് പ്രോഗ്രാമിന് (2022 പ്രവേശനം) അപേക്ഷ ക്ഷണിച്ചു. കുറഞ്ഞത് 50 ശതമാനം മാർക്ക്/തത്തുല്യ ഗ്രേഡോടെ ബിഎഡ് അല്ലെങ്കിൽ തത്തുല്യ യോഗ്യത നേടിയവർക്കും നാലു വർഷത്തെ ഇന്റഗ്രേറ്റഡ് ടീച്ചർ എഡ്യുക്കേഷൻ ഡിഗ്രി പ്രോഗ്രാം (B.El.Ed/B.Sc.Ed/B.A.Ed) യോഗ്യതയുള്ളവർക്കും അപേക്ഷിക്കാം. യോഗ്യതകൾ കണ്ണൂർ സർവകലാശാല അംഗീകരിച്ചവയായിരിക്കണം.
വിശദമായ പ്രോസ്പക്ടസും അപേക്ഷാഫോറവും സർവകലാശാലാ വെബ്സൈറ്റായ www.kannuruniversity.ac.in ൽനിന്ന് ഡൗൺലോഡ് ചെയ്യാം.
പൂരിപ്പിച്ച അപേക്ഷകൾ ജൂലൈ 20 വരെ വകുപ്പ് തലവൻ, സ്കൂൾ ഓഫ് പെഡഗോഗിക്കൽ സയൻസസ്, ധർമശാല, കണ്ണൂർ 670567 എന്ന വിലാസത്തിൽ സ്വീകരിക്കും. അപേക്ഷയോടൊപ്പം അപേക്ഷാ ഫീസിന്റെ ഓൺലൈൻ പേമെന്റ് രസീത് അടക്കം ചെയ്യേണ്ടതാണ്. കൂടുതൽ വിവരങ്ങൾക്ക് സ്ഥാപന മേധാവിയുമായി ബന്ധപ്പെടുക. ഫോൺ 04972781290
“അക്വാ യോഗ” പ്രദർശനം
കണ്ണൂർ: അന്താരാഷ്ട്ര യോഗാ ദിനാഘോഷത്തിന്റെ ഭാഗമായി കണ്ണൂർ സർവകലാശാല സ്കൂൾ ഓഫ് ഫിസിക്കൽ എഡ്യുക്കേഷൻ ആൻഡ് സ്പോർട്സ് സയൻസ് “അക്വാ യോഗ” പ്രദർശനം സംഘടിപ്പിക്കുന്നു. ഇന്നു രാവിലെ മങ്ങാട്ടുപറമ്പ് കാമ്പസിലെ നീന്തൽകുളത്തിലാണ് പ്രദർശനം. പരിപാടി രാവിലെ എട്ടിന് സർവകലാശാല രജിസ്ട്രാർ പ്രഫ. ജോബി കെ.ജോസ് ഉദ്ഘാടനം ചെയ്യും.
ഹാൾടിക്കറ്റ്
സ്കൂൾ ഓഫ് ലീഗൽ സ്റ്റഡീസ് ഡിപ്പാർട്ട്മെന്റിലെ മൂന്നാം സെമസ്റ്റർ ബിഎ എൽഎൽബി കോഴ്സ് (റഗുലർ/സപ്ലിമെന്ററി) നവംബർ 2021 പരീക്ഷകളുടെ ഹാൾടിക്കറ്റുകൾ സർവകലാശാല വെബ്സൈറ്റിൽ (www.kannuruniversity.ac.in) ലഭ്യമാണ്. ഓഫ്ലൈനായി അപേക്ഷിച്ച വിദ്യാർഥികളുടെ ഹാൾടിക്കറ്റ് പരീക്ഷാകേന്ദ്രത്തിൽനിന്നു കൈപ്പറ്റേണ്ടതാണ്. ഹാൾടിക്കറ്റ് ലഭിക്കാത്തവർ എത്രയും പെട്ടെന്ന് ഓഫീസുമായി ബന്ധപ്പെടേണ്ടതാണ്.
ലിങ്ക് ലഭ്യമാകും
ഒന്നാം സെമസ്റ്റർ ന്യൂ ജനറേഷൻ ബിരുദ പ്രോഗ്രാമുകളുടെ പരീക്ഷകൾക്കായുള്ള (റഗുലർ/സപ്ലിമെന്ററി/ഇപ്രൂവ്മെന്റ്നവംബർ 2021) രജിസ്ട്രേഷൻ ലിങ്ക് ഇന്നും നാളെയും സർവകലാശാല വെബ്സൈറ്റിൽ ലഭ്യമാകും.
പരീക്ഷാഫലം
വിദൂര വിദ്യാഭ്യാസ വിഭാഗം ഒന്നാംവർഷ എംഎസ്സി മാത്തമാറ്റിക്സ് ജൂൺ 2021 (സപ്ലിമെന്ററി) പരീക്ഷാഫലം സർവകലാശാല വെബ്സൈറ്റിൽ (www.kannuruniversity.ac.in) ലഭ്യമാണ്. പുനർ മൂല്യനിർണയം, സൂക്ഷ്മ പരിശോധന, പകർപ്പ് എന്നിവയ്ക്ക് 30 ന് വൈകുന്നേരം അഞ്ചുവരെ അപേക്ഷിക്കാം. മാർക്ക് ലിസ്റ്റ് വിതരണം ചെയ്യുന്ന തിയതി പിന്നീട് അറിയിക്കും.
വിദൂര വിദ്യാഭ്യാസ വിഭാഗം ഒന്നാം വർഷ എംഎ ഹിസ്റ്ററി ജൂൺ 2021 (സപ്ലിമെന്ററി/ഇപ്രൂവ്മെന്റ്) പരീക്ഷാഫലം സർവകലാശാല വെബ്സൈറ്റിൽ (www.kannuruniversity.ac.in) ലഭ്യമാണ്. പുനർ മൂല്യനിർണയം, സൂക്ഷ്മ പരിശോധന, പകർപ്പ് എന്നിവയ്ക്ക് ജൂലൈ ഒന്നിന് വൈകുന്നേരം അഞ്ചുവരെ അപേക്ഷിക്കാം. മാർക്ക് ലിസ്റ്റ് വിതരണം ചെയ്യുന്ന തീയതി പിന്നീട് അറിയിക്കും.