2022 മാർച്ചിൽ നടത്തിയ ബികോം ആന്വൽ സ്കീം പാർട്ട് മൂന്ന് സപ്ലിമെന്ററി (സെപ്റ്റംബർ 2021 സെഷൻ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഓണ്ലൈനായും ഓഫ്ലൈനായും 25 വരെ അപേക്ഷിക്കാം. വിശദവിവരങ്ങൾ വെബ്സൈറ്റിൽ.
മൂന്നാം സെമസ്റ്റർ ബിടെക് (2013 സ്കീം), ഒക്ടോബർ 2021 പരീക്ഷയിലെ കെമിക്കൽ എൻജിനിയറിംഗ്, മെക്കാനിക്കൽ പ്രൊഡക്ഷൻ എൻജിനിയറിംഗ് എന്നീ ബ്രാഞ്ചുകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 22 വരെ അപേക്ഷിക്കാം. മൂന്നാം സെമസ്റ്റർ ബിടെക് (2013 സ്കീം) പരീക്ഷയുടെ മറ്റു ബ്രാഞ്ചുകളുടെയും പുനർമൂല്യനിർണയത്തിന് അപേക്ഷിക്കുന്നതിനുള്ള അവസാന തീയതി 17 ൽ നിന്നും 22 വരെ നീട്ടി.
പ്രാക്ടിക്കൽ
രണ്ടാം സെമസ്റ്റർ എംഎസ്സി സ്റ്റാറ്റിസ്റ്റിക്സ് വിത്ത് സ്പെഷ്യലൈസേഷൻ ഇൻ ഡേറ്റ അനലിറ്റിക്സ് (ന്യൂജൻ കോഴ്സ്) പരീക്ഷയുടെ പ്രാക്ടിക്കൽ 17 ന് നടത്തും. വിശദമായ ടൈംടേബിൾ വെബ്സൈറ്റിൽ.
ടൈംടേബിൾ
28ന് ആരംഭിക്കുന്ന ആറാം സെമസ്റ്റർ സിബിസിഎസ് ബിഎ, ബിഎസ്സി, ബികോം (സപ്ലിമെന്ററി 2016 അഡ്മിഷൻ, മേഴ്സിചാൻസ് 2015 അഡ്മിഷൻ) പരീക്ഷയുടെ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
എട്ടാം സെമസ്റ്റർ ബിടെക് സപ്ലിമെന്ററി (2013 സ്കീം) & സെഷണൽ ഇംപ്രൂവ്മെന്റ് (2008 & 2013 സ്കീം), മേയ് 2022 പരീക്ഷ 27 മുതൽ ആരംഭിക്കും. വിശദവിവരങ്ങൾ വെബ്സൈറ്റിൽ.
ആറാം സെമസ്റ്റർ കരിയർ റിലേറ്റഡ് സിബിസിഎസ്എസ് (സിആർ) ബിഎ, ബിഎസ്സി, ബികോം, ബിപിഎ, ബിബിഎ, ബിസിഎ, ബിഎംഎസ്, ബിഎസ്ഡബ്ല്യൂ, മേയ് 2022 (സപ്ലിമെന്ററി 2016 അഡ്മിഷൻ, മേഴ്സിചാൻസ് 2015 അഡ്മിഷൻ) പരീക്ഷയുടെ ടൈംടേബിൾ പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ.
പെൻഷൻ/ഫാമിലി പെൻഷൻ മസ്റ്ററിംഗ് ജൂണ് 30 വരെ
തിരുവനന്തപുരം: കേരളസർവകലാശാലയിൽ നിന്നും പെൻഷൻ/ഫാമിലി പെൻഷൻ കൈപ്പറ്റുന്നവർക്കായുളള 2022 2023 വർഷത്തെ മസ്റ്ററിംഗ് 30 വരെ നീട്ടി. ഇതിനായി പെൻഷൻകാർക്ക് ജീവൻപ്രമാണ് പോർട്ടൽ വഴി ഓണ്ലൈനായോ ഗസറ്റഡ്ഓഫീസർ സാക്ഷ്യപ്പെടുത്തിയ ലൈഫ് സർട്ടിഫിക്കറ്റ് ഫിനാൻസ് ഓഫീസർ, കേരളസർവകലാശാല, പാളയം, തിരുവനന്തപുരം 34 എന്ന വിലാസത്തിൽ തപാൽ മാർഗം അയച്ചോ, നേരിട്ട് ഹാജരായോ മസ്റ്റർ ചെയ്യാം.
ജീവൻപ്രമാണ് പോർട്ടൽ വഴി പെൻഷൻകാർക്ക് പിപിഒ നന്പർ, ആധാർ നന്പർ, മൊബൈൽഫോണ് നന്പർ, ബാങ്ക് അക്കൗണ്ട് നന്പർ എന്നീ രേഖകളോടെ പോസ്റ്റ് ഓഫീസ്, അക്ഷയ ജനസേവന കേന്ദ്രങ്ങളിൽ നിന്നും ഓണ്ലൈനായി മസ്റ്റർ ചെയ്യാം.
സർട്ടിഫിക്കറ്റ് കോഴ്സ് ഇൻ അറബിക് ടൈപ്പിംഗ്
കാര്യവട്ടത്തുളള അറബിക് പഠനവകുപ്പ് നടത്തിവരുന്ന മൂന്നുമാസ പാർട്ട് ടൈം അറബിക് ടൈപ്പിംഗ് കോഴ്സിന്റെ ഏഴാമത് ബാച്ചിലേക്ക് അപേക്ഷ ക്ഷണിച്ചു. യോഗ്യത: പ്ലസ്ടു, ഫീസ്: 3000/, അപേക്ഷ ഫോം കാര്യവട്ടത്തുള്ള അറബിക് പഠനവകുപ്പിൽ/വെബ്സൈറ്റിൽ (www.arabicku.in) ലഭിക്കും. അപേക്ഷ സ്വീകരിക്കുന്ന അവസാന തീയതി 17. ഫോണ്: 9633812633/0471 2308846 (ഓഫീസ് പ്രവർത്തി സമയങ്ങളിൽ മാത്രം)