കണ്ണൂർ സർവകലാശാല പഠനവകുപ്പുകളിലെയും സെന്ററുകളിലെയും യുജി/പിജി അഡ്മിഷന് ഓൺലൈനായി അപേക്ഷിക്കുന്നതിനുള്ള അവസാന തീയതി 20ന് വൈകുന്നേരം അഞ്ചുവരെ നീട്ടി. വിശദ വിവരങ്ങൾ www.admission.kannuruniversity.ac.in എന്ന വെബ്സൈറ്റിൽ ലഭ്യമാണ്. നീലേശ്വരം, മാങ്ങാട്ടുപറമ്പ്, പാലയാട്, മാനന്തവാടി കാമ്പസുകളിലും കോഴിക്കോടും പ്രവേശന പരീക്ഷാകേന്ദ്രങ്ങൾ അനുവദിക്കും. പ്രവേശന പരീക്ഷാതീയതി പിന്നീട് അറിയിക്കും. ഹെൽപ്പ് ലൈൻ നമ്പർ: 7356948230 Email id:
[email protected] എൻഎസ്എസ് അവാർഡ് കണ്ണൂർ സർവകലാശാല നാഷണൽ സർവീസ് സ്കീം 202122 വർഷത്തെ സർവകലാശാലാതല അവാർഡിനായുള്ള അപേക്ഷകൾ 30 വരെ സർവകലാശാല എൻഎസ്എസ് വിഭാഗത്തിൽ സ്വീകരിക്കും. സർവകലാശാലാ അവാർഡ് ലഭിക്കുന്ന എൻട്രികൾ സംസ്ഥാന അവാർഡിനും തുടർന്ന് ദേശീയ അവാർഡിനും പരിഗണിക്കുന്നതാകയാൽ ബന്ധപ്പെട്ട മാർഗനിർദേശങ്ങൾ പാലിച്ച് അപേക്ഷകൾ സമർപ്പിക്കേണ്ടതാണ്. എൻഎസ്എസ് യൂണിറ്റ് ആൻഡ് പ്രോഗ്രാം ഓഫീസർ, വോളണ്ടിയർമാർ (ആൺ,പെൺ) എന്നീ വിഭാഗങ്ങളിൽ പ്രത്യേകം അപേക്ഷകൾ സമർപ്പിക്കേണ്ടതാണ്.
അസിസ്റ്റന്റ് പ്രഫസർ വാക്ക് ഇൻ ഇന്റർവ്യൂ കണ്ണൂർ സർവകലാശാലയുടെ മഞ്ചേശ്വരം നിയമ പഠനവകുപ്പിൽ നിയമ വിഷയത്തിൽ അസിസ്റ്റന്റ് പ്രഫസർ ഒഴിവിലേക്ക് (ദിവസവേതനാടിസ്ഥാനത്തിൽ) നാളെ വാക് ഇൻ ഇന്റർവ്യൂ നടക്കും. രാവിലെ 10.30 ന് മഞ്ചേശ്വരം നിയമ പഠനവകുപ്പിലാണ് അഭിമുഖം. നിയമത്തിൽ ബിരുദാനന്തര ബിരുദവും നെറ്റുമാണ് യോഗ്യത. പിഎച്ച്ഡി ഉള്ളവർക്ക് മുൻഗണന നൽകും. അഭിമുഖത്തിന് വരുന്നവർ യോഗ്യത തെളിയിക്കുന്ന സർട്ടിഫിക്കറ്റ്, ബയോഡാറ്റ എന്നിവ സഹിതം വരേണ്ടതാണ് . ഫോൺ : +918943006208
പരീക്ഷാഫലം ആറാം സെമസ്റ്റർ ബിഎസ്സി, ബിഎ (ഇക്കണോമിക്സ്, ഡവലപ്മെന്റൽ ഇക്കണോമിക്സ്, മ്യൂസിക് ഒഴികെ) റഗുലർ/സപ്ലിമെന്ററി/ഇംപ്രൂവ്മെന്റ്, ഏപ്രിൽ 2022 പരീക്ഷാഫലം പ്രസിദ്ധീകരിച്ചു. www.exam.kannuruniversity.ac.in, www.exam2.kannuruniversity.ac.in എന്നീ ലിങ്കുകളിൽ പരീക്ഷാഫലം ലഭ്യമാണ്. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും 27ന് വൈകുന്നേരം അഞ്ചുവരെ ഓൺലൈനായി അപേക്ഷിക്കാം.
സർവകലാശാല പഠനവകുപ്പുകളിലെ മൂന്നാം സെമസ്റ്റർ എൽഎൽഎം, എംഎസ്സി ഫിസ്ക്സ് (അഡ്വാൻസ്ഡ് മെറ്റീരിയൽസ്)/ കെമിസ്ട്രി (മെറ്റീരിയൽ സയൻസ്), എംലൈബ്എസ്സി റഗുലർ, നവംബർ 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും 27ന് വൈകുന്നേരം അഞ്ചുവരെ അപേക്ഷിക്കാം.
സർവകലാശാല പഠനവകുപ്പുകളിലെ ഒന്നാം സെമസ്റ്റർ എംഎ ട്രൈബൽ ആൻഡ് റൂറൽ സ്റ്റഡീസ് റെഗുലർ/സപ്ലിമെന്ററി, നവംബർ 2021 പരീക്ഷാഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും 25ന് വൈകുന്നേരം അഞ്ചു വരെ അപേക്ഷിക്കാം.
ടൈംടേബിൾ ജൂലൈ ഏഴിന് ആരംഭിക്കുന്ന മൂന്നാം സെമസ്റ്റർ പ്രൈവറ്റ് രജിസ്ട്രേഷൻ ബിരുദാനന്തര ബിരുദ (റഗുലർ), നവംബർ 2021 പരീക്ഷാ ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു.
ജൂലൈ അഞ്ചിന് ആരംഭിക്കുന്ന രണ്ടാം സെമസ്റ്റർ പിജിഡിഎൽഡി (റഗുലർ/സപ്ലിമെന്ററി), മേയ് 2021 പരീക്ഷകളുടെ പുതുക്കിയ ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു.
ജൂലൈ എട്ടിന് ആരംഭിക്കുന്ന ഒന്നാം സെമസ്റ്റർ പിജിഡിഎൽഡി (റഗുലർ/സപ്ലിമെന്ററി), നവംബർ 2021 പരീക്ഷകളുടെ പുതുക്കിയ ടൈംടേബിൾ സർവകലാശാല വെബ്സൈറ്റിൽ പ്രസിദ്ധീകരിച്ചു.