കേരളസർവകലാശാല ഡിഗ്രി ഫലം പ്രഖ്യാപിച്ചു
തിരുവനന്തപുരം: കേരളസർവകലാശാല ഡിഗ്രി പരീക്ഷാഫലം പ്രഖ്യാപിച്ചു. മൂല്യനിർണയം പൂർത്തിയാക്കി ഫലം പ്രഖ്യാപിക്കാൻ ഒരു മാസവും രണ്ടു ദിവസവും മാത്രമാണ് സർവകലാശാലയ്ക്ക് വേണ്ടിവന്നത്.
ബിഎക്ക് 90.68 ശതമാനവും ബികോമിന് 93.31,ബിഎസ്സി ക്ക് 96.46 ശതമാനവുമാണ് വിജയം.
2022 ഏപ്രിൽ 22 നായിരുന്നു ആറാം സെമസ്റ്റർ അവസാന പരീക്ഷ നടന്നത്.
സർവകലാശാല ആസ്ഥാനത്തും തിരുവനന്തപുരം, കൊല്ലം,ആലപ്പുഴ എന്നിവിടങ്ങളിലെ വിവിധ കോളജുകളും കേന്ദ്രമാക്കി ഒരുക്കിയ ക്യാന്പുകളിലാണ് മൂല്യനിർണയം പൂർത്തിയാക്കിയത്.
പ്രാക്ടിക്കൽ വൈവ പരീക്ഷകളും നിശ്ചിതസമയത്തിനുള്ളൽ പൂർത്തിയാക്കിയിരുന്നു.