കണ്ണൂർ സർവകലാശാലയുടെ കഴിഞ്ഞ അഞ്ചിന് ഫലം പ്രസിദ്ധീകരിച്ച ഒന്നാം സെമസ്റ്റർ എംഎഡ് (സിബിസിഎസ്എസ് റഗുലർ നവംബർ 2020) പരീക്ഷയുടെ ഗ്രേഡ് കാർഡുകൾ സർവകലാശാല വെബ്സൈറ്റിൽ ലഭ്യമാണ്. ഉത്തരക്കടലാസുകളുടെ പുനഃപരിശോധന, സൂക്ഷ്മ പരിശോധന, ഫോട്ടോകോപ്പി എന്നിവയ്ക്ക് 20ന് വൈകുന്നേരം അഞ്ചുവരെ അപേക്ഷിക്കാം.
പുനർമൂല്യനിർണയ ഫലം
ഒന്നാം സെമസ്റ്റർ ബിരുദ പരീക്ഷകളുടെ (നവംബർ 2020) പുനർമൂല്യനിർണയ ഫലം സർവകലാശാല വെബ്സൈറ്റിൽ പ്രസിദ്ധീകരിച്ചു. പുനർ മൂല്യനിർണയം പൂർത്തിയായ ഫലങ്ങളാണ് ഇപ്പോൾ പ്രസിദ്ധീകരിച്ചിട്ടുളളത്. പൂർണ ഫലപ്രഖ്യാപനം മൂല്യനിർണയം പൂർത്തിയാകുന്ന മുറയ്ക്ക് നടത്തും. മാർക്ക് മാറ്റമുള്ള പക്ഷം റഗുലർ വിദ്യാർഥികൾ ഒഴികെയുളളവർ അവരുടെ മാർക്ക് ലിസ്റ്റും റിസൽട്ട് മെമ്മോയുടെ ഡൗൺലോഡ് ചെയ്ത പകർപ്പും സഹിതം മാർക്ക് ലിസ്റ്റ് പുതുക്കി ലഭിക്കുന്നതിനുള്ള അപേക്ഷ ബന്ധപ്പെട്ട ടാബുലേഷൻ സെക്ഷനിൽ സമർപ്പിക്കേണ്ടതാണ്.
പരീക്ഷകൾ
പഠനവകുപ്പുകളിലെ മാറ്റിവച്ച മൂന്നാം സെമസ്റ്റർ ബിരുദാനന്തര ബിരുദ (നവംബർ 2021) പരീക്ഷകളും മൂന്നാം സെമസ്റ്റർ ബിപിഎഡ് (നവംബർ 2021) പരീക്ഷകളും 25ന് ആരംഭിക്കും.
പരീക്ഷാഫലം
ഇന്റഗ്രേറ്റഡ് എംഎസ്സി ഇൻ കംപ്യൂട്ടർ സയൻസ് വിത്ത് സ്പെഷലൈസേഷൻ ഇൻ ആർട്ടിഫിഷ്യൽ ഇന്റലിജൻസ് ആൻഡ് മെഷീൻ ലേണിംഗ് ന്യൂജനറേഷൻ പ്രോഗ്രാമിന്റെ ഒന്നാം സെമസ്റ്റർ (ജൂലൈ 2021) പരീക്ഷകളുടെ ഫലം സർവകലാശാല വെബ്സൈറ്റിൽ ലഭ്യമാണ്. ഉത്തരക്കടലാസുകളുടെ പുനഃപരിശോധന, സൂക്ഷ്മപരിശോധന, ഫോട്ടോകോപ്പി എന്നിവയ്ക്ക് 21ന് വൈകുന്നേരം അഞ്ചു വരെ അപേക്ഷിക്കാം.