പുതുക്കിയ പരീക്ഷാത്തീയതി
15, 17 തീയതികളിൽ നടത്താനിരുന്ന ആറാം സെമസ്റ്റർ സിബിസിഎസ്എസ്/സിആർ, യുജി (അണ്ട ർ ഗ്രാജ്വേറ്റ്) ഡിഗ്രി പരീക്ഷകൾ യഥാക്രമം 30, മേയ് മൂന്ന് തീയതികളിൽ നടത്തും. ആറാം സെമസ്റ്ററിന്‍റെ പ്രോജക്ട് റിപ്പോർട്ടുകൾ മേയ് 10 ന് മുൻപായി അതാതു കോളജുകളിൽ സമർപ്പിക്കണം.
15 ന് നടത്താനിരുന്ന ഏഴാം സെമസ്റ്റർ ഇന്‍റഗ്രേറ്റഡ് (പഞ്ചവത്സരം) എൽഎൽബി, പ്രോപർട്ടി ലോ പരീക്ഷ 21 ലേക്ക് പുനഃക്രമീകരിച്ചിരിക്കുന്നു.
22 ന് ആരംഭിക്കാനിരുന്ന നാലാം സെമസ്റ്റർ എംഎ/എംഎസ്‌സി/എംകോം/എംഎസ്ഡബ്ല്യൂ/എംഎംസിജെ (റെഗുലർ, സപ്ലിമെന്‍ററി/മേഴ്സി) പരീക്ഷകൾ 26 മുതൽ പുനഃക്രമീകരിച്ചിരിക്കുന്നു. പുതുക്കിയ ടൈംടേബിൾ വെബ്സൈറ്റിൽ.
സന്ദർശകർക്ക് കർശന നിയന്ത്രണം
കോവിഡ് 19 മാനദണ്ഡങ്ങൾ പാലിക്കുന്നതിന്‍റെ ഭാഗമായി കേരളസർവകലാശാല സന്ദർശകർക്ക് ഒരാഴ്ചത്തേയ്ക്ക് കർശനമായ നിയന്ത്രണം ഏർപ്പെടുത്തിയിരിക്കുന്നു. 17 മുതൽ 24 വരെയാണ് നിയന്ത്രണം.
വിവിധ ആവശ്യങ്ങൾക്കായി കേരളസർവകലാശാലയിൽ ബന്ധപ്പെടാൻ എൻക്വയറിയിലെ ഫോണ് നന്പറുകളിൽ പ്രവൃത്തി ദിനങ്ങളിൽ 10 മുതൽ അഞ്ചു വരെ പ്രയോജനപ്പെടുത്താം. 9188526670, 9188526674, 9188526671, 9188526675. പരീക്ഷാഫീസുൾപ്പെടെ എല്ലാ ഫീസുകളും ഓണ്‍ലൈൻ സംവിധാനം വഴി അടയ്ക്കാം. മറ്റു വിവരങ്ങൾ സർവകലാശാല വെബ്സൈറ്റിൽ ലഭ്യമാണ്.
സ്പെഷൽ പരീക്ഷ
കോവിഡ് കാരണം രണ്ടാം സെമസ്റ്റർ യൂണിറ്ററി (ത്രിവത്സരം) എൽഎൽബി ഡിഗ്രി, സെപ്റ്റംബർ 2020 എഴുതാൻ കഴിയാത്ത വിദ്യാർഥികൾക്ക് സ്പെഷൽ പരീക്ഷ എഴുതാം. സ്പെഷൽ പരീക്ഷയ്ക്ക് അപേക്ഷിക്കുന്നവർ അവരുടെ പേര്, കാൻഡിഡേറ്റ് കോഡ്, പ്രോഗ്രാം, കോഴ്സ് കോഡ് എന്നിവ അടങ്ങിയ അപേക്ഷ ആരോഗ്യ വകുപ്പിന്റെയോ തദ്ദേക സ്വയംഭരണ വകുപ്പിന്റെയോ സാക്ഷ്യപത്രങ്ങൾ സഹിതം 26 ന് മുൻപ് അതത് കോളജ് പ്രിൻസിപ്പൽമാർക്ക് സമർപ്പിക്കണം.
പ്രാക്ടിക്കൽ
ആറാം സെമസ്റ്റർ ബിപിഎ. (വോക്കൽ) പരീക്ഷയുടെ പ്രാക്ടിക്കൽ പരീക്ഷകൾ 19 മുതൽ ശ്രീ സ്വാതി തിരുനാൾ സംഗീത കോളജിൽ നടത്തും. വിശദവിവരങ്ങൾ വെബ്സൈറ്റിൽ.
പരീക്ഷാഫീസ്
മേയ് 17 ന് ആരംഭിക്കുന്ന നാലാം സെമസ്റ്റർ എംഎഎസ്എൽപി ഡിഗ്രി പരീക്ഷയ്ക്ക് 21 വരെയും 150 രൂപ പിഴയോടെ 24 വരെയും 400 രൂപ പിഴയോടെ 27 വരെയും അപേക്ഷിക്കാം.