സിയുസിഎസ്എസ്പിജി. 2017, 2018 പ്രവേശനം മൂന്നാം സെമസ്റ്റര് ബിരുദാനന്തര ബിരുദ കോഴ്സുകളുടെ നവംബര് 2020 സപ്ലിമെന്ററി, ഇംപ്രൂവ്മെന്റ് പരീക്ഷകള് 22ന് ആരംഭിക്കും.
പരീക്ഷാഫലം
സിയുസിഎസ്എസ്. നാലാം സെമസ്റ്റര് എംഎസ് സി. ഫുഡ് സയന്സ് ആന്ഡ് ടെക്നോളജി ജൂണ് 2020 പരീക്ഷയുടെ ഫലം പ്രസിദ്ധീകരിച്ചു. പുനര്മൂല്യനിര്ണയത്തിന് 18 വരെ ഓണ്ലൈനായി അപേക്ഷിക്കാം.
സിബിസിഎസ്എസ്. ഒന്നാം സെമസ്റ്റര് എംഎസ് സി ജ്യോഗ്രഫി നവംബര് 2019 പരീക്ഷയുടെ ഫലം പ്രസിദ്ധീകരിച്ചു. പുനര്മൂല്യ നിര്ണയത്തിന് 17 വരെ ഓണ്ലൈനായി അപേക്ഷിക്കാം.
സാദരം2021 ഉദ്ഘാടനം ചെയ്തു
തേഞ്ഞിപ്പലം: കൊമേഴ്സ് ആന്ഡ് മാനേജ്മെന്റ് പഠനവകുപ്പില് നിന്നും വിരമിക്കുന്ന പ്രഫ. എം.എ. ജോസഫിനെ ആദരിക്കുന്നതിനായി പഠനവകുപ്പ് സംഘടിപ്പിച്ച സാദരം2021 രജിസ്ട്രാര് ഡോ.ഇ.കെ. സതീഷ് ഉദ്ഘാടനം ചെയ്തു. മുന് പ്രൊവൈസ് ചാന്സലര് ഡോ. പി. മോഹന്, മുന് വകുപ്പ് തലവന്മാരായിരുന്ന ഡോ. കെ.പി. മുരളീധരന്, ഡോ. ബി. വിജയചന്ദ്രന് പിള്ള, ഡോ. അബൂബക്കര് സിദ്ദിഖ് എന്നിവര് പ്രസംഗിച്ചു.
വകുപ്പ് തലവന് ഡോ.ബി. ജോണ്സണ് അദ്ധ്യക്ഷത വഹിച്ചു. തുടര്ന്ന് കോവിഡ് പശ്ചാത്തലത്തില് ഉടലെടുത്ത നൂതന ബിസിനസ് മാതൃകകള് എന്ന വിഷയത്തില് നടന്ന ദേശീയ വെബിനാറില് സൂറത്കല് എന്ഐടി. അസോസിയേറ്റ് പ്രഫസര് ഡോ. എസ്. ഷീന പ്രബന്ധമവതരിപ്പിച്ചു.
റിമോട്ട് സെന്സിംഗ്, ജിഐഎസ്. എക്സ്പര്ട്ട് നിയമനം; അപേക്ഷ ക്ഷണിച്ചു
തേഞ്ഞിപ്പലം: പരിസ്ഥിതി വകുപ്പിലെ രണ്ടാം സെമസ്റ്റര് ബിരുദാനന്തര ബിരുദ വിദ്യാര്ഥികള്ക്ക് റിമോട്ട് സെന്സിംഗ്, ജിഐഎസ് വിഷയങ്ങളില് പ്രാക്ടിക്കല് ക്ലാസുകള് നല്കുന്നതിനായി വിദഗ്ധരില് നിന്ന് അപേക്ഷ ക്ഷണിച്ചു.
മണിക്കൂറിന് 750 രൂപ നിരക്കില് പരമാവധി 30 മണിക്കൂറാണ് സമയപരിധി. പരിസ്ഥിതി ശാസ്ത്രത്തില് ബിരുദാന്തര ബിരുദവും റിമോട്ട് സെന്സിംഗ്, ജിഐഎസ്. വിഷയങ്ങളില് പ്രാവീണ്യവുമുള്ള ഉദ്യോഗാർഥികള് വിശദമായ ബയോഡാറ്റ കോഓര്ഡിനേറ്റര്, പരിസ്ഥിതി ശാസ്ത്ര വകുപ്പ്, കാലിക്കട്ട് സര്വകലാശാല എന്ന വിലാസത്തില് 10നു മുമ്പായി സമര്പ്പിക്കണം. കൂടുതല് വിവരങ്ങള്ക്ക് 9447956226