ബിഎസ്സി നഴ്സിംഗ്: മൂന്നാംഘട്ട അലോട്ട്മെന്റ് പ്രസിദ്ധീകരിച്ചു
കൊച്ചി: കേരളത്തിലെ ക്രൈസ്തവ സ്വാശ്രയ നഴ്സിംഗ് കോളജുകളുടെ സംഘടനയായ എഎംസിഎസ്എഫ്എന്സികെയുടെ 202021 വര്ഷത്തെ ബിഎസ്സി നഴ്സിംഗ് പ്രവേശനത്തിനുള്ള മൂന്നാംഘട്ട ഓണ്ലൈന് അലോട്ട്മെന്റ് വെബ്സൈറ്റില് പ്രസിദ്ധീകരിച്ചു. ഇതനുസരിച്ച് അലോട്ട്മെന്റ് ലഭിച്ചവർ 27ന് വൈകിട്ട് അഞ്ചിനു മുമ്പ് അസോസിയേഷന് വെബ്സൈറ്റ് വഴി ഓണ്ലൈനായി തങ്ങളുടെ അലോട്ട്മെന്റ് സ്ഥിരീകരിക്കണം.
മൂന്ന് അലോട്ട്മെന്റുകളില് തങ്ങള്ക്ക് ലഭിച്ച അലോട്ട്മെന്റ് ഓണ്ലൈനായി സ്ഥിരീകരിച്ച അപേക്ഷകര് 28ന് വൈകുന്നേരം അഞ്ചിന് മുമ്പ് തങ്ങള്ക്ക് പ്രവേശനം ലഭിച്ച കോളജ് ഓഫീസിലെത്തി പ്രോസ്പെക്ടസ് പ്രകാരമുള്ള ഒറിജിനല് സര്ട്ടിഫിക്കറ്റുകള് സമര്പ്പിക്കുകയും ബാക്കി ഫീസടക്കുകയും ചെയ്ത് പ്രവേശന നടപടികള് പൂര്ത്തീകരിക്കണം. അടുത്ത അലോട്ട്മെന്റ് തീയതി പിന്നീട് വെബ്സൈറ്റില് അറിയിക്കും. കൂടുതല് വിവരങ്ങള്ക്ക് www.amcsfnck.com സന്ദര്ശിക്കുക.