ഐസിഎഐ പരിശീലന ക്ലാസ്
കൊച്ചി: ഇന്സ്റ്റിറ്റ്യൂട്ട് ഓഫ് ചാര്ട്ടേഡ് അക്കൗണ്ടന്റ്സ് ഓഫ് ഇന്ത്യ (ഐസിഎഐ) എറണാകുളം ശാഖ 2021 മേയിലെ സിഎ ഫൗണ്ടേഷന്, ഇന്റര്മീഡിയറ്റ്, ഫൈനല് പരീക്ഷകള്ക്കുള്ള ഓണ്ലൈന് ക്ലാസുകള് ആരംഭിക്കുന്നു. സിഎ ഫൗണ്ടേഷന്, ഇന്റര്മീഡിയറ്റ് ക്ലാസുകള് നവംബര് 16നും ഫൈനല് പരീക്ഷയ്ക്കുള്ള ഓണ്ലൈന് ക്ലാസുകള് ഡിസംബര് ഏഴിനുമാണ് ആരംഭിക്കുക.
സിഎ ഫൗണ്ടേഷന് ക്ലാസുകള് തിങ്കള് മുതല് ശനി വരെ രാവിലെ 10 മുതല് വൈകുന്നേരം നാല് വരെയും ഇന്റര്മീഡിയറ്റ്, ഫൈനല് പരീക്ഷയ്ക്കുള്ള ക്ലാസുകള് തിങ്കള് മുതല് ശനി വരെ രാവിലെയും രാത്രിയും ഏഴ് മുതല് ഒമ്പത് വരെയുമായിരിക്കും. ഞായറാഴ്ചകളിലും അവധി ദിവസങ്ങളിലും രാവിലെ ഒമ്പത് മുതല് വൈകുന്നേരം നാലു വരെയാണ് ക്ലാസുകള്. ക്ലാസുകള്ക്കുള്ള ഓണ്ലൈന് രജിസ്ട്രേഷന് ആരംഭിച്ചു. ഫോണ്: 8330885021, 04842910651/2910652.