2020 സെപ്റ്റംബർ 30നും ഒക്ടോബർ ഒന്ന്, രണ്ട് തീയതികളിലുമായി പ്രസിദ്ധീകരിച്ച ബികോം ആന്വൽ സ്കീം, ബികോം കംപ്യൂട്ടർ ആപ്ലിക്കേഷൻസ് 3 മെയിൻ സിസ്റ്റം, ബികോം എസ്ഡിഇ അഞ്ച്, ആറ് സെമസ്റ്ററുകളുടെ പരീക്ഷാഫലത്തിന്‍റെ പുനർമൂല്യനിർണയത്തിനും സൂക്ഷമപരിശോധനയ്ക്കും ഓണ്‍ലൈനായും ഓഫ്‌ലൈനായും 23വരെ അപേക്ഷിക്കാം.
2019 സെപ്റ്റംബറിൽ നടത്തിയ എട്ടാം സെമസ്റ്റർ ഇന്‍റഗ്രേറ്റഡ് എൽഎൽബി പരീക്ഷയുടെ സൂക്ഷമപരിശോധനയ്ക്ക് ഹാജരാകാത്ത വിദ്യാർഥികൾ ഫോട്ടോ പതിച്ച ഐഡി കാർഡും ഹാൾടിക്കറ്റുമായി റി വാല്യുവേഷൻ സെക്‌ഷനിൽ (ഇ.ജെ. X)ൽ ഇന്നോ, നാളെയോ ഹാജരാകണം.
പരീക്ഷാ ഫീസ്
ഒന്നാം സെമസ്റ്റർ എംഎഡ് (2015 സ്കീം സപ്ലിമെന്‍ററി) ഡിഗ്രി പരീക്ഷയ്ക്ക് പിഴകൂടാതെ 16വരെയും 150രൂപ പിഴയോടികൂടി 23വരെയും അപേക്ഷിക്കാം. വിശദവിവരങ്ങൾ വെബ്സൈറ്റിൽ.
പരീക്ഷാ തീയതി
ബാച്ചിലർ ഓഫ് ഹോട്ടൽ മാനേജ്മെന്‍റ് ആൻഡ് കാറ്ററിംഗ് ടെക്നോളജി കോഴ്സിന്റെ (ബിഎച്ച്എംസിടി) മൂന്നാം സെമസ്റ്റർ (ജൂണ്‍ 2020) പ്രാക്ടിക്കൽ പരീക്ഷകൾ 22,23,27,28 തീയതികളിലും ഒന്നാം സെമസ്റ്റർ പ്രാക്ടിക്കൽ പരീക്ഷകൾ നവംബർ രണ്ടുമുതൽ ആറുവരെയും അതാത് കേന്ദ്രങ്ങളിൽ നടത്തും. വിശദവിവരം വെബ്സൈറ്റിൽ.
യൂണിവേഴ്സിറ്റി കോളജ് ഓഫ് എൻജിനിയറിംഗ് കാര്യവട്ടത്തെ 2013 സ്കീമിലെ 2015, 2016, 2017 അഡ്മിഷൻ വിദ്യാർഥികളുടെ മൂന്നാം സെമസ്റ്റർ ബിടെക്ക് സപ്ലിമെന്‍ററി ഏപ്രിൽ 2020 പരീക്ഷയുടെ നോട്ടിഫിക്കേഷൻ പ്രസിദ്ധീകരിച്ചു. വിദ്യാർഥികൾക്ക് ഇന്നു മുതൽ ഓണ്‍ലൈൻ രജിസ്ട്രേഷൻ ചെയ്യാം. പിഴഇല്ലാതെ 22വരെയും, 150 രൂപ പിഴയോടുകൂടി 28വരെയും, 400 രുപ സൂപ്പർ ഫൈനോടുകൂടി 31വരെയും അപേക്ഷ സമർപ്പിക്കാം. വിശദവിവരം വെബ്സൈറ്റിൽ.
ബിരുദാനന്തര ബിരുദ പ്രവേശനം
സർവകലാശാലയോട് അഫിലിയേറ്റ് ചെയ്തിട്ടുള്ള എല്ലാ ആർട്ട്സ് ആൻഡ് സയൻസ് കോളജുകളിലേയും യുഐടി കളിലേയും ബിരുദാനന്തര ബിരുദ പ്രവേശനത്തിന് അപേക്ഷിക്കുന്നതിനുള്ള അവസാന തീയതി 27നു വൈകുന്നേരം അഞ്ച് വരെ നീട്ടി.
അടുത്ത സെമെസ്റ്റർ ഓണ്‍ലൈൻ ക്ലാസുകൾ തുടങ്ങാൻ നിർദേശം
കേരള സർവകലാശാലയുടെ അഫിലിയേറ്റഡ് കോളജുകളിൽ എസ് 4, എസ് 6 ഡിഗ്രി പ്രോഗ്രാമുകളുടെ ഓണ്‍ലൈൻ ക്ലാസുകൾ 21ന് ആരംഭിക്കേണ്ടതാണെന്നു സർവകലാശാല അറിയിച്ചു. എസ് 3, എസ് 5 പരീക്ഷാ തീയതി പിന്നീട് അറിയിക്കും.