ബിരുദ ഏകജാലക പ്രവേശനം ഫീസടക്കാന്‍ ഒരവസരം കൂടി
202021 അധ്യായന വര്‍ഷത്തെ ബിരുദ ഏകജാലക പ്രവേശനത്തില്‍ അപേക്ഷ ഫൈനല്‍ സബ്മിഷന്‍ നടത്തി ഫീസ് അടക്കാതെ പുറത്തായവര്‍ക്ക് ഫീസടക്കാന്‍ ഒരവസരം കൂടി നല്‍കുന്നു. 30, ഒക്ടോബർ ഒന്ന് തീയതികളില്‍ അപേക്ഷകര്‍ക്ക് ഫീസ് അടച്ച് അപേക്ഷ പൂര്‍ത്തീകരിക്കാം. പൂര്‍ത്തീകരിച്ച അപേക്ഷയുടെ പ്രിന്‍റ്ഔട്ട് എടുത്തു സൂക്ഷിക്കണം.
ബിരുദാനന്തരബിരുദ പ്രവേശനത്തിനുള്ള അപേക്ഷ തീയതി നീട്ടി
202021 അദ്ധ്യയന വര്‍ഷത്തെ ഏകജാലകം മുഖേനയുള്ള ബിരുദാനന്തര ബിരുദ പ്രവേശനത്തിനായുള്ള ഓണ്‍ലൈന്‍ രജിസ്ട്രേഷന് അപേക്ഷിക്കാനുള്ള തീയതി ഓക്ടോബർ മൂനിന്ന് വൈകീട്ട് അഞ്ച് വരെ നീട്ടി. എസ് സി, എസ്ടി വിഭാഗങ്ങള്‍ക്ക് 115 രൂപയും മറ്റുള്ളവര്‍ക്ക് 280 രൂപയുമാണ് അപേക്ഷാ ഫീസ്. രജിസ്ട്രേഷന് പൂര്‍ത്തിയാക്കിയ വിദ്യാര്‍ഥികള്‍ക്ക് ഡിഗ്രി രജിസ്റ്റര്‍ നമ്പര്‍, മൊബൈല്‍ നമ്പര്‍ എന്നിവ ഒഴികെയുള്ള വിവരങ്ങള്‍ തിരുത്തുന്നുതിനുള്ള സൗകര്യം രജിസ്ട്രേഷന് പോര്‍ട്ടലില്‍ ലഭ്യമാണ്. കൂടുതല്‍ വിവരങ്ങള്‍ക്ക് സര്‍വകലാശാലാ വൈബ്‌സൈറ്റ് സന്ദര്‍ശിക്കുക.
റാങ്ക് ലിസ്റ്റ് പ്രസിദ്ധീകരിച്ചു
അറബിക് വിഭാഗത്തില്‍ അസിസ്റ്റന്‍റ് പ്രഫസര്‍ തസ്തികയിലേക്ക് അപേക്ഷിച്ചവരില്‍ നിന്നും ഇന്‍റര്‍വ്യൂവിന് തെരഞ്ഞെടുക്കപ്പെട്ട ഉദ്യോഗാര്ഥികളുടെ ഷോര്‍ട്ട് ലിസ്റ്റ് സര്‍വകലാശാലാ വെബ്‌സൈറ്റില്‍ പ്രസിദ്ധീകരിച്ചു.
പരീക്ഷാഫലം
2019 നവംബറില്‍ നടത്തിയ ബിഎഡ് ഒന്നാം സെമസ്റ്റര്‍, ബിപിഎഡ് മൂന്നാം സെമസ്റ്റര്‍, 2018 നവംബറില്‍ നടത്തിയ ബിപിഎഡ് രണ്ടാം സെമസ്റ്റര്‍, 2019 ഏപ്രിലില്‍ നടത്തിയ എംഎസ് സി ബയോകെമിസ്ട്രി (സിയുസിഎസ്എസ്) നാലാം സെമസ്റ്റര്‍ പരീക്ഷകളുടെ ഫലം പ്രസിദ്ധീകരിച്ചു. ഈ പരീക്ഷകളുടെ പുനര്‍മൂല്യനിര്‍ണയത്തിന് ഒക്‌ടോബര്‍ 14 വരെ അപേക്ഷിക്കാം. 2019 ഏപ്രിലില്‍ നടത്തിയ എംഎ ഇസ്ലാമിക് ഹിസ്റ്ററി (സിയുസിഎസ്എസ്) നാലാം സെമസ്റ്റര്‍, 2020 ഏപ്രിലില്‍ നടത്തിയ എംഎസ് സി ഫാഷന്‍ ആൻഡ് ടെക്‌സ്റ്റൈല്‍ ഡിസൈനിംഗ് (സിയുസിഎസ്എസ്) നാലാം സെമസ്റ്റര്‍ പരീക്ഷകളുടെ ഫലം പ്രഖ്യാപിച്ചു. പുനര്‍മൂല്യനിര്‍ണയത്തിന് ഒക്‌ടോബര്‍ 12 വരെ അപേക്ഷിക്കാം. 2019 ഏപ്രിലില്‍ നടത്തിയ എംഎ ഫിലോസഫി (സിയുസിഎസ്എസ്) നാലാം സെമസ്റ്റര്‍ പരീക്ഷാഫലം പ്രസിദ്ധീകരിച്ചു. പുനര്‍മൂല്യനിര്‍ണയത്തിന് ഒക്‌ടോബര്‍ 13 വരെ അപേക്ഷിക്കാം. 2019 ഏപ്രിലില്‍ നടത്തിയ അദീബെ ഫാസില്‍ (പ്രിലിമിനറി) രണ്ടാം വര്‍ഷ പരീക്ഷാഫലം സര്‍വകലാശാലാ വെബ്‌സൈറ്റില്‍ ലഭ്യമാണ്.
എംഎസ് സി ബയോടെക്‌നോളജി പരീക്ഷ
നാഷണല്‍ സ്ട്രീം എംഎസ് സി ബയോടെക്‌നോളജി (2018 പ്രവേശനം) ജൂണ്‍ 2020 നാലാം സെമസ്റ്റര്‍ പരീക്ഷയുടെ ഭാഗമായുള്ള ഡെസര്‍ട്ടേഷന്‍ സമര്‍പ്പണം, ഡെസര്‍ട്ടേഷന്‍ ഇവാല്വേഷന്‍, വൈവാവോസീ എന്നിവ ഒക്‌ടോബര്‍ 16ലേക്ക് നീട്ടിയിരിക്കുന്നു.
സെനറ്റ് മീറ്റിംഗ്
സെനറ്റ് പ്രത്യേകയോഗം ഒക്‌ടോബര്‍ ആറിന് രാവിലെ 10 മുതല്‍ വീഡിയോ കോണ്‍ഫറന്‍സിംഗ് വഴി ചേരും.