ഇന്‍റഗ്രേറ്റഡ് എംഎസ്‌സി/എംഎ ഓണ്‍ലൈൻ രജിസ്ട്രേഷൻ ഇന്നുമുതൽ
എംജി സർവകലാശാലയിലെ ഐഐആർബിഎസ്, ഐഎംപിഎസ്എസ് എന്നിവിടങ്ങളിൽ നടത്തുന്ന ഇൻഗ്രേറ്റഡ് എംഎസ്‌സി/ഇന്‍റഗ്രേറ്റഡ് എംഎ പ്രോഗ്രാമുകളിലേക്കുള്ള ഓണ്‍ലൈൻ രജിസ്ട്രേഷൻ ഇന്ന് ആരംഭിക്കും. ഇന്‍റഗ്രേറ്റഡ് എംഎസ്‌സി പ്രോഗ്രാം കെമിസ്ട്രി, ഫിസിക്സ്, ലൈഫ് സയൻസസ്, കന്പ്യൂട്ടർ സയൻസ്, എൻവയണ്‍മെന്‍റൽ സയൻസസ് എന്നി വിഷയങ്ങളിലും എംഎ പ്രോഗ്രാം ഇക്കണോമിക്സ്, ഹിസ്റ്ററി, പൊളിറ്റിക്കൽ സയൻസ് എന്നീ വിഷയങ്ങളിലും ലഭിക്കും.
വികലാംഗ ക്വോട്ടയിൽ സംവരണം ചെയ്ത സീറ്റുകളിലേക്ക് ഓണ്‍ലൈനായി അപേക്ഷിക്കണം. പ്രൊവിഷണൽ റാങ്ക് ലിസ്റ്റ് സർവകലാശാല പ്രസിദ്ധീകരിക്കും. കോവിഡ് 19 വൈറസ് വ്യാപനത്തിന്‍റെ പശ്ചാത്തലത്തിൽ പ്രവേശനപ്രക്രിയ പൂർണമായും ഓണ്‍ലൈനായായിരിക്കും. അപേക്ഷകൻ ഫോട്ടോ, ഒപ്പ്, മറ്റ് സാക്ഷ്യപത്രങ്ങൾ എന്നിവയുടെ ഡിജിറ്റൽ പകർപ്പ് അപേക്ഷയോടൊപ്പം അപ്ലോഡ് ചെയ്യണം.
എസ്‌സി/എസ്ടി വിഭാഗത്തിന് 1000 രൂപയും മറ്റുള്ളവർക്ക് 2000 രൂപയുമാണ് രജിസ്ട്രേഷൻ ഫീസ്. ഓണ്‍ലൈൻ രജിസ്ട്രേഷനും വിശദവിവരങ്ങൾക്കും www. cap.mgu.ac.in എന്ന വെബ്സൈറ്റ് സന്ദർശിക്കുക.
പരീക്ഷാഫലം
2020 ജനുവരിയിൽ സ്കൂൾ ഓഫ് ഇന്ത്യൻ ലീഗൽ തോട്ടിൽ നടന്ന ഒന്നാം സെമസ്റ്റർ പഞ്ചവത്സര ബിബിഎ എൽഎൽബി (ഓണേഴ്സ് സിഎസ്എസ് 20192024 ബാച്ച് റെഗുലർ, സപ്ലിമെന്‍ററി) പരീക്ഷയുടെ ഫലം പ്രസിദ്ധീകരിച്ചു.
2020 ഓഗസ്റ്റിൽ സ്കൂൾ ഓഫ് കന്പ്യൂട്ടർ സയൻസസിൽ നടന്ന നാലാം സെമസ്റ്റർ എംഎസ്‌സി കന്പ്യൂട്ടർ സയൻസ് (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
വൈൽഡ് ലൈഫ് ഫോട്ടോഗ്രഫി, പ്രഫഷണൽ ഫോട്ടോഗ്രഫി; വെബിനാർ 23ന്
മഹാത്മാഗാന്ധി സർവകലാശാല എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയുടെ ആഭിമുഖ്യത്തിൽ വൈൽഡ് ലൈഫ് ഫോട്ടോഗ്രഫി, പ്രഫഷണൽ ഫോട്ടോഗ്രഫി എന്നീ മേഖലകളെക്കുറിച്ചും അതിന്‍റെ കോഴ്സുകളെക്കുറിച്ചും തൊഴിൽ സാധ്യതകളെക്കുറിച്ചും വെബിനാർ സംഘടിപ്പിക്കും. 23നാണ് വെബിനാർ. 04812731025.