യു.ജി പ്രവേശനം: എയ്ഡഡ് കോളേജുകളിൽ കമ്മ്യൂണിറ്റി ക്വാട്ട സീറ്റുകളിലേക്ക് അപേക്ഷിക്കാനുളള അവസാന തീയതി 17
എയ്ഡഡ് കോളജുകളിലെ കമ്മ്യൂണിറ്റി ക്വാട്ട സീറ്റുകളിലേക്ക് ബന്ധപ്പെട്ട വിഭാഗത്തിലെ വിദ്യാർഥികൾക്ക് ഓണ്ലൈനായി 17 വരെ അപേക്ഷിക്കാം. കേന്ദ്രീകൃത അലോട്ട്മെന്റിനായി ഓണ്ലൈൻ അപേക്ഷ പൂർത്തിയാക്കിയവർക്ക് വീണ്ടും ലോഗിൻ ചെയ്ത ശേഷം പ്രൊഫൈലിലെ കമ്മ്യൂണിറ്റി ക്വാട്ട ലിങ്ക് ഉപയോഗിച്ച് താൽപര്യമുള്ള വിഷയങ്ങൾ/കോളജുകൾ പ്രത്യേക ഓപ്ഷനായി നൽകാം. വിദ്യാർഥിയുടെ കമ്മ്യൂണിറ്റി അടിസ്ഥാനമാക്കി അവർക്ക് അപേക്ഷിക്കാൻ സാധിക്കുന്ന കോളജുകൾ മാത്രമേ ഇവിടെ ഓപ്ഷനായി കാണിക്കുകയുള്ളൂ. ഓപ്ഷനുകൾ നൽകിയതിനുശേഷം സേവ് ചെയ്ത് അതിന്റെ പ്രിന്റൗട്ടെടുത്ത് തുടർ ആവശ്യങ്ങൾക്കായി സൂക്ഷിക്കുക. പ്രിന്റൗട്ടിന്റെ പകർപ്പ് കോളജിലോ സർവകലാശാലയിലോ അയയ്ക്കരുത്. അഡ്മിഷൻ സമയത്ത് കോളജിൽ ഹാജരാക്കണം.
പരീക്ഷാഫലം
2019 ഡിസംബറിൽ നടത്തിയ അഞ്ചാം സെമസ്റ്റർ യൂണിറ്ററി ത്രിവത്സര എൽഎൽബി പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുളള അപേക്ഷകൾ 13ന് മുൻപായി ഓണ്ലൈനായി സമർപ്പിക്കണം. വിശദവിവരങ്ങൾ വെബ്സൈറ്റിൽ.
2019 ഡിസംബറിൽ നടത്തിയ ആറാം സെമസ്റ്റർ എംബിഎൽ പരീക്ഷാഫലം പ്രസിദ്ധീകരിച്ചു. സൂക്ഷ്മപരിശോധനയക്കുള്ള അപേക്ഷകൾ 13ന് മുൻപായി സർവകലാശാല ഓഫീസിൽ ഓഫ്ലൈനായി സമർപ്പിക്കണം. വിശദവിവരങ്ങൾ വെബ്സൈറ്റിൽ.
ഫാക്കൽറ്റി ഡെവലപ്മെന്റ് പ്രോഗ്രാം
കാര്യവട്ടം, യൂണിവേഴ്സിറ്റി കോളജ് ഓഫ് എൻജിയറിംഗ് എമർജിംഗ് ട്രെൻഡ്സ് ഇൻ മെഷീൻ ലേണിംഗ് എന്ന വിഷയത്തിൽ സംഘടിപ്പിക്കുന്ന ഓണ്ലൈൻ ഫാക്കൽറ്റി ഡെവലപ്മെന്റ് പ്രോഗ്രാമിന്റെ ഉദ്ഘാടനം സിൻഡിക്കേറ്റംഗവും യുസിഇകെ കണ്വീനറുമായ ജെ.ജയരാജ് ഇന്ന് ഉച്ചകഴിഞ്ഞ് രണ്ടിന് നിർവഹിക്കും. കോളജ് പ്രിൻസിപ്പൽ ഡോ.ബിഷാരത്ത് ബീവി. എ അധ്യക്ഷത വഹിക്കും.