യുജി പ്രവേശനം: എലിജിബിലിറ്റി സർട്ടിഫിക്കറ്റിന് അപേക്ഷിക്കാം
ബിരുദ പ്രവേശനത്തിന് അപേക്ഷിക്കുന്ന കേരള സ്റ്റേറ്റ് ഹയർ സെക്കൻഡറി, വൊക്കേഷണൽ ഹയർ സെക്കൻഡറി, സിബിഎസ്ഇ, ഐസിഎസ്ഇ എന്നിവ ഒഴികെ മറ്റ് ബോർഡുകളിൽ നിന്നും പ്ലസ്ടു പാസായവർക്ക് അഡ്മിഷൻ സമയത്ത് സമർപ്പിക്കേണ്ട എലിജിബിലിറ്റി സർട്ടിഫിക്കറ്റിനുളള അപേക്ഷ തപാൽ വഴിയോ പാളയം ഓഫീസിൽ നേരിട്ടോ സർപ്പിക്കാം.
അപേക്ഷാ ഫോം സർവകലാശാല വെബ്സൈറ്റിൽ ലഭ്യമാണ്. അപേക്ഷകർ അപേക്ഷാഫോമിനു പുറമേ ഗസറ്റഡ് ഓഫീസർ സാക്ഷ്യപ്പെടുത്തിയ എസ്എസ്എൽസി, പ്ലസ്ടു പരീക്ഷയുടെ മാർക്ക്ലിസ്റ്റുകൾ, ട്രാൻസ്ഫർ സർട്ടിഫിക്കറ്റ്/കോഴ്സ് കംപ്ലീഷൻ സർട്ടിഫിക്കറ്റ് എന്നിവയുടെ പകർപ്പുകൾ സഹിതം അയയ്ക്കേണ്ട താണ്. 30 രൂപയുടെ പോസ്റ്റേജ് സ്റ്റാന്പ് ഒട്ടിച്ച് മേൽവിലാസം രേഖപ്പെടുത്തിയ എൻവലപ്പും ഇതിനോടൊപ്പം അയയ്ക്കണം. അപേക്ഷാഫീസായ 235 രൂപ സർവകലാശാലയുടെ ഓണ്ലൈൻ പേമെന്റ് പോർട്ടൽ വഴി ഒടുക്കാം. അപേക്ഷകന്റെ മുഴുവൻ മേൽവിലാസം, പിൻകോഡ്, മൊബൈൽ ഫോണ് നന്പർ, ഇമെയിൽ ഐഡി എന്നിവ കൃത്യമായും അപേക്ഷയിൽ രേഖപ്പെടുത്തണം. വിലാസം: രജിസ്ട്രാർ, കേരള സർവകലാശാല . ‘Application for Eligibility Certificate’
എന്ന് എൻവലപ്പിൽ രേഖപ്പെടുത്തേണ്ട താണ്.
പിജി പ്രോജക്ട് സബ്മിഷനും വൈവയും ഓണ്ലൈനിൽ
പിജി പ്രോജക്ട് സബ്മിഷനും, വൈവയും ഓണ്ലൈനായി നടത്താൻ സർവകലാശാല തീരുമാനിച്ചു. വിദ്യാർഥികൾക്ക് പിഡിഎഫ് ഫോർമാറ്റിൽ പ്രോജക്ട് റിപ്പോർട്ട് ഡിപ്പാർട്ട്മെന്റ് തലവൻ വഴി എക്സാമിനേഷൻ പോർട്ടലിലേക്ക് അപ്ലോഡ് ചെയ്യാം.