ഇന്റേണൽ മാർക്ക് മെച്ചപ്പെടുത്താം
ബിടെക് ഡിഗ്രി കോഴ്സ് (2013 സ്കീം, 2014 അഡ്മിഷൻ) അഞ്ച് വർഷം പൂർത്തിയാക്കിയ പരാജയപ്പെട്ട വിദ്യാർഥികൾക്ക് (40 മാർക്ക് യൂണിവേഴ്സിറ്റി പരീക്ഷയിൽ ലഭിക്കാത്തവർ) ഈവൻ/ഓഡ് (Even/Odd) സെമസ്റ്ററുകളുടെ ഇന്റേണൽ മാർക്ക് മെച്ചപ്പെടുത്താൻ അപേക്ഷ നൽകുന്നതിനുളള അവസാന തീയതി ഫെബ്രുവരി 15. 2013 സ്കീം പാർട്ട് ടൈം വിദ്യാർഥികൾക്കും അപേക്ഷിക്കാം. അപേക്ഷയോടൊപ്പം 735/ രൂപ ഫീസ് ഓരോ സെമസ്റ്ററിനും അടയ്ക്കേണ്ടതാണ്. അപേക്ഷയുടെ പകർപ്പും വിശദവിവരങ്ങളും വെബ്സൈറ്റിൽ ലഭ്യമാണ്. നിശ്ചിത തീയതിക്കുശേഷം ലഭിക്കുന്ന അപേക്ഷകൾ നിരസിക്കും.
പരീക്ഷാഫലം
കാര്യവട്ടം സൈക്കോളജി വിഭാഗം നടത്തിയ പി.ജി ഡിപ്ലോമ ഇൻ കൗണ്സിലിംഗ് (ജറിയാട്രിക്) പരീക്ഷാഫലം (ഓഗസ്റ്റ് 2019) പ്രസിദ്ധീകരിച്ചു. വിശദവിവരങ്ങൾ വെബ്സൈറ്റിൽ. 2020 ഫെബ്രുവരി 23 മുതൽ സൈക്കോളജി വിഭാഗം കാര്യവട്ടത്തു നിന്നും മാർക്ക് ലിസ്റ്റുകൾ കൈപ്പറ്റാം.
ഐയുസിജിജിടി, ഡിപ്പാർട്ട്മെന്റ് ഓഫ് ബയോടെക്നോളജിയിൽ, 2019 സെപ്റ്റംബറിൽ നടത്തിയ പി.ജി ഡിപ്ലോമ പ്രോഗ്രാം ഇൻ മോളിക്യുലാർ ഡയഗ്നസ്റ്റിക്സ് 2018 2019 ബാച്ച്, 2019 നവംബറിൽ നടത്തിയ എംഫിൽ അഡ്വാൻസ്ഡ് ബോട്ടണി 20182019 ബാച്ച്, 2019 ജൂണിൽ നടത്തിയ എംടെക് ടെക്നോളജി മാനേജ്മെന്റ് (ഫ്യൂച്ചേഴ്സ് സ്റ്റഡീസ്) 20172019 ബാച്ച് (സിഎസ്എസ്) എന്നീ പരീക്ഷാഫലങ്ങൾ പ്രസിദ്ധീകരിച്ചു.
പരീക്ഷാഫീസ്
ഫെബ്രുവരി 25ന് ആരംഭിക്കുന്ന ഒന്നാം സെമസ്റ്റർ ഇന്റഗ്രേറ്റഡ് (പഞ്ചവത്സരം) ബിഎ എൽഎൽബി/ബികോം എൽഎൽബി/ബിബിഎ എൽഎൽബി പരീക്ഷകൾക്ക് 27 വരെയും 150 രൂപ പിഴയോടെ 30 വരെയും 400 രൂപ പിഴയോടെ ഫെബ്രുവരി ഒന്നുവരെയും ഫീസടച്ച് രജിസ്റ്റർ ചെയ്യാം. വിശദവിവരങ്ങൾ വെബ്സൈറ്റിൽ.
2020 ഫെബ്രുവരി അഞ്ചിന് ആരംഭിക്കുന്ന ഒന്നാം സെമസ്റ്റർ ത്രിവത്സര എൽഎൽബി പരീക്ഷ 2012 അഡ്മിഷൻ (മേഴ്സിചാൻസ്) വിദ്യാർഥികൾക്ക് പിഴകൂടാതെ 25 വരെയും 150 രൂപ പിഴയോടെ 28 വരെയും 400 രൂപ പിഴയോടെ 30 വരെയും പരീക്ഷാഫീസ് ഒടുക്കി അപേക്ഷകൾ ഓഫ്ലൈനായി സമർപ്പിക്കാം..
പിഎച്ച്ഡി നൽകി
വി.എസ് .ലക്ഷ്മി (ബയോകെമിസ്ട്രി), ആശ ലക്ഷ്മി (ബയോടെക്നോളജി), എസ്.സ്റ്റെഫിൻ, പി.എസ്. പ്രിൻസി, കൃഷ്ണ ആർ. നായർ, ടി.ജി.പൊന്നി, കെ.വി .രാകേഷ് (ബോട്ടണി), എസ്. അനൂപ് (ജിയോളജി), എസ്.ഷംന, എസ്.അശ്വതി (ഹിന്ദി), നിഷ മാത്യു (ഇംഗ്ലീഷ്), ആർ. ശിവകുമാർ , എസ്.കെ . ബീന കൃഷ്ണൻ (മലയാളം), കെ.എസ് .വിനീത് ചന്ദ്ര (കൊമേഴ്സ്), എസ്.വി .സോജ (തമിഴ്) എന്നിവർക്ക് പിഎച്ച്ഡി നൽകാൻ സിൻഡിക്കേറ്റ് യോഗം തീരുമാനിച്ചു.
ഇന്റർവ്യൂ മാറ്റി
യുഐടികളിൽ കരാറടിസ്ഥാനത്തിൽ കന്പ്യൂട്ടർ ലാബ് ഇൻസ്ട്രക്ടർമാരെ തെരഞ്ഞെടുക്കുന്നതിലേക്കായി 2020 ജനുവരി ആറിന് നടത്തുന്നതിന് നിശ്ചയിച്ചിരുന്ന ഇന്റർവ്യൂ 23ന് ഉച്ചകഴിഞ്ഞ് രണ്ടുമുതൽ നടത്തും. അഭിമുഖത്തിന് ഹാജരാകുന്നവർ മെമ്മോയും ബന്ധപ്പെട്ട സർട്ടിഫിക്കറ്റുകളുടെ ഒറിജിനലുകളുമായി 11ന് റിപ്പോർട്ട് ചെയ്യണം.