മാറ്റിവച്ച ഐടിഐ പരീക്ഷ 27ന്
തിരുവനന്തപുരം: ഓഗസ്റ്റ് ഒൻപതിന് നടത്തേണ്ടിയിരുന്ന അഖിലേന്ത്യാ ട്രേഡ് ടെസ്റ്റ്, 27ന് നടത്തുമെന്ന് ട്രെയിനിംഗ് ഡയറക്ടർ എസ്. ചന്ദ്രശേഖർ അറിയിച്ചു. അഖിലേന്ത്യാ ട്രേഡ് ടെസ്റ്റ് ഓഗസ്റ്റ് ഒൻപതിന് നടത്തേണ്ടിയിരുന്ന പരീക്ഷകൾ തിരുവനന്തപുരം, കൊല്ലം എന്നീ ജില്ലകൾ ഒഴികെയുള്ള മറ്റ് ജില്ലകളിൽ മാറ്റിവച്ചിരുന്നു. ഈ പരീക്ഷകളാണ് 27ന് അതാത് പരീക്ഷാ കേന്ദ്രങ്ങളിൽ നടത്തുന്നത്. ബന്ധപ്പെട്ട എല്ലാ പരിശീലനാർഥികളും നിശ്ചിത സമയത്ത് നിലവിൽ ലഭിച്ചിട്ടുളള ഹാൾ ടിക്കറ്റുമായി അവർക്ക് അനുവദിച്ചിട്ടുള്ള പരീക്ഷാ കേന്ദ്രങ്ങളിൽ ഹാജരാകണം.