ഒന്നാം സെമസ്റ്റർ എൽഎൽഎം പരീക്ഷയുടെ ഫലം പ്രസിദ്ധീകരിച്ചു
2019 ജനുവരിയിലെ ഒന്നാം സെമസ്റ്റർ എൽഎൽഎം (റെഗുലർ, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 16 വരെ അപേക്ഷിക്കാം.
2019 മേയിലെ അഞ്ചാം സെമസ്റ്റർ മാസ്റ്റർ ഓഫ് സയൻസ് മെഡിക്കൽ ബയോകെമിസ്ട്രി (റെഗുലർ, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. സൂക്ഷ്മപരിശോധന16 വരെ.
ഓണം അവധി
ആറു മുതൽ 15 വരെ എംജി സർവകലാശാലയ്ക്ക് കീഴിലുള്ള കോളജുകൾ ഓണം അവധിക്കായി ആറിന് അടയ്ക്കും. അവധിക്കു ശേഷം 16ന് തുറക്കും.
ബിഫാം സപ്ലിമെന്ററി വൈവാവോസി
2019 ഏപ്രിലിലെ രണ്ടാം വർഷ ബിഫാം സപ്ലിമെന്ററി പരീക്ഷയുടെ വൈവാവോസി രണ്ടുമുതൽ ഏഴുവരെ ചെറുവാണ്ടൂർ സീപാസിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ.
രണ്ടാം സെമസ്റ്റർ ബിരുദ മൂല്യനിർണയം മൂന്നു മുതൽ
രണ്ടാം സെമസ്റ്റർ ബിരുദ പരീക്ഷയുടെ (സിബിസിഎസ്) ഉത്തരക്കടലാസ് മൂല്യനിർണയം (ഹോം വാല്യുവേഷൻ സ്പെഷൽ സ്കീം) എട്ട് മേഖലാ ക്യാന്പുകളിലായി മൂന്നിനു തുടങ്ങും.
ആലുവ യുസി കോളജ്, തൃപ്പൂണിത്തുറ ചിന്മയ വിദ്യാപീഠം, മൂവാറ്റുപുഴ നിർമല കോളജ്, ചങ്ങനാശേരി ക്രിസ്തുജ്യോതി കോളജ്, കോട്ടയം ബിസിഎം കോളജ്, പാലാ അൽഫോൻസ കോളജ്, കട്ടപ്പന ലബ്ബക്കട ജെപിഎം കോളജ്, കോഴഞ്ചേരി സെന്റ് തോമസ് കോളജ് എന്നിവിടങ്ങളിലാണ് ക്യാന്പ്.
മൂന്നിനു ബികോം, നാലിന് കോമണ് കോഴ്സുകൾ (ഇംഗ്ലീഷ്, മലയാളം, ഹിന്ദി), അഞ്ചിന് ബിഎ (എല്ലാ വിഷയങ്ങളും), ബിബിഎ, ബിസിഎ തുടങ്ങി എല്ലാ പുതുതലമുറ കോഴ്സുകളും, ആറിന് ബിഎസ്സി (എല്ലാ വിഷയങ്ങളും) എന്ന നിലയിലാണ് ക്രമീകരണം.
അധ്യാപകർ അതതു ദിവസങ്ങളിൽ രാവിലെ 9.30ന് ക്യാന്പിലെത്തി ഉത്തരക്കടലാസ് ഏറ്റുവാങ്ങണം.
വിവിധ വിഷയങ്ങളിൽപിഎച്ച്ഡി നൽകി
സൈക്കോളജിയിൽ റ്റെസി ഗ്രേസ് മാത്യൂസ്, മാനേജ്മെന്റ് സ്റ്റഡീസിൽ പി.സി. ഭാഗ്യലക്ഷ്മി, സൈക്കോളജിയിൽ എം.എസ്. ഗായത്രി ദേവി, കെമിസ്ട്രിയിൽ അർച്ചന അരവിന്ദ്, സിജോ ഫ്രാൻസീസ്, അശ്വതി ജോസഫ്, ഗ്രേയ്സ് മോനി, കെ. കീർത്തി കൃഷ്ണൻ, ബിഹേവിയറൽ സയൻസസിൽ (റീഹാബിലിറ്റേഷൻ മെഡിസിൻ) എസ്. ഗിരിജ, ഫിസിക്സിൽ ഹെയ്സൽ മാത്യു, റിജു കെ. തോമസ്, വി.പി. പ്രകാശൻ, കന്പ്യൂട്ടർ സയൻസസിൽ രാജ വർമ്മ പന്പ, ബയോസയൻസസിൽ (സുവോളജി) വി.എസ്. സുനിത, ബയോസയൻസസിൽ (ബയോകെമിസ്ട്രിയിൽ) റൂബി വർഗീസ്, പി. ബിനു, ഇലക്ട്രോണിക്സിൽ കെ.കെ. അജു ജോണ്, മൈക്രോബയോളജിയിൽ സ്മിത വിജയൻ, ബോട്ടണിയിൽ പി. അന്പിളി, ബയോസയൻസസിൽ (മെഡിക്കൽ മൈക്രോബയോളജി) ഷിജി മാത്യു, ഫാർമസിയിൽ ആർ. കണ്ണൻ, റീഹാബിലിറ്റേഷൻ നഴ്സിംഗിൽ എം. നന്ദിനി, ലോയിൽ എച്ച്. സുമയ്യ എന്നിവർക്ക് പിഎച്ച്ഡി നൽകാൻ എംജി സർവകലാശാല സിൻഡിക്കേറ്റ് തീരുമാനിച്ചു.