പുതുക്കിയ പരീക്ഷാ തീയതി
30 മുതൽ നടത്താൻ നിശ്ചയിച്ചിരുന്ന നാലാം സെമസ്റ്റർ എംഎ/എംഎസ്സി/എംകോം/എംപിഎ/എംഎസ്ഡബ്ല്യൂ/എംഎഎച്ച്ആർഎം/എംഎംസിജെ റെഗുലർ/സപ്ലിമെന്ററി/മേഴ്സിചാൻസ് പരീക്ഷകൾ സെപ്റ്റംബർ മൂന്നു മുതൽ പുനഃക്രമീകരിച്ചു. ഓഗസ്റ്റ് 30, സെപ്റ്റംബർ രണ്ട്, നാല്, 16, 18 തീയതികളിലെ പരീക്ഷകൾ യഥാക്രമം സെപ്റ്റംബർ മൂന്ന്, അഞ്ച്, 16, 18, 20 തീയതികളിൽ നടത്തും. പ്രോജക്ട് സമർപ്പിക്കുന്നതിനുളള അവസാന തീയതി 26ൽ നിന്നും സെപ്റ്റംബർ 25 ലേക്ക് മാറ്റിവച്ചു.
പരീക്ഷാഫലം
2019 ജൂണിൽ നടത്തിയ എംഎ ഫിലോസഫി, ഹിസ്റ്ററി, മ്യൂസിക്, ഇക്കണോമിക്സ്, ഹിന്ദി ലാംഗ്വേജ് ആൻഡ് ലിറ്ററേച്ചർ, എംഎസ്സി കന്പ്യൂട്ടർ സയൻസ് 2017 2019 ബാച്ച് (സിഎസ്എസ്) പരീക്ഷാഫലം പ്രസിദ്ധീകരിച്ചു. വിദൂര വിദ്യാഭ്യാസ പഠന കേന്ദ്രം 2018 ഡിസംബറിൽ നടത്തിയ ഒന്നും രണ്ടും സെമസ്റ്റർ എംകോം പരീക്ഷാഫലം വെബ്സൈറ്റിൽ. 2019 ജൂണിൽ നടത്തിയ ഏഴാം സെമസ്റ്റർ ഇന്റഗ്രേറ്റഡ് പഞ്ചവത്സര ബിഎ എൽഎൽബി/ബികോം എൽഎൽബി/ബിബിഎ എൽഎൽബി പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും 30 വരെ അപേക്ഷിക്കാം. 2019 ഏപ്രിലിൽ നടന്ന ബികോം ആന്വൽ (പ്രൈവറ്റ്, എസ്ഡിഇ) പാർട്ട് മൂന്ന് അവസാന വർഷ പരീക്ഷയുടെ സപ്ലിമെന്ററി വിദ്യാർഥികളുടെ തടഞ്ഞു വെച്ചിരുന്ന പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 29 വരെ അപേക്ഷിക്കാം. 2018 ഒക്ടോബറിൽ നടന്ന അഞ്ച്, ആറ് സെമസ്റ്റർ ബിബിഎ 195 (2013 അഡ്മിഷന് മുൻപുള്ളത്), 2010 & 2011 അഡ്മിഷൻ മേഴ്സിചാൻസ് പരീക്ഷാഫലം വെബ്സൈറ്റിൽ. പുനർമൂല്യനിർണയത്തിനും സൂക്ഷ്മപരിശോധനയ്ക്കും 27വരെ ഓണ്ലൈനായി അപേക്ഷിക്കാം.
പരീക്ഷാഫീസ്
2019 സെപ്റ്റംബറിൽ നടത്തുന്ന ബികോം (എസ്ഡിഇ 2017 അഡ്മിഷൻ) മൂന്നും നാലും സെമസ്റ്ററ് പരീക്ഷയ്ക്ക് 24 വരെയും 150 രൂപ പിഴയോടെ 29 വരെയും 400 രൂപ പിഴയോടെ 31 വരെയും രജിസ്റ്റർ ചെയ്യാം.
യുജി/പിജി പ്രവേശനം 2019; ഒഴിവുള്ള കമ്മ്യൂണിറ്റി ക്വാട്ട സീറ്റുകളിലേയ്ക്ക് പ്രവേശനം
സർവകലാശാലയോട് അഫിലിയേറ്റ് ചെയ്തിട്ടുള്ള എയ്ഡഡ് കോളജുകളിലെ യുജി/ പിജി പ്രോഗ്രാമുകളിലെ ഒഴിവുള്ള കമ്മ്യൂണിറ്റി ക്വാട്ട സീറ്റുകളിലേയ്ക്ക് പ്രവേശനം നടത്തുന്നു. നിലവിലെ റാങ്ക് ലിസ്റ്റിൽ ഉൾപ്പെട്ട പ്രവേശനം ആഗ്രഹിക്കുന്ന എല്ലാ വിദ്യാർഥികളും സർട്ടിഫിക്കറ്റുകൾ സഹിതം 21ന് രാവിലെ 11നു മുൻപായി കോളജിൽ ഹാജരാകണം. അപേക്ഷയിൽ നൽകിയിരിക്കുന്ന വിവരത്തിൽ തെറ്റുകൾ കണ്ടെത്തുകയോ മേൽ നിർദേശിച്ച സമയത്തിനുള്ളിൽ കോളജുകളിൽ ഹാജരാകാതെയിരുന്നാലോ റാങ്ക് ലിസ്റ്റിലെ അടുത്ത അപേക്ഷകനെ പരിഗണിക്കും.
കമ്മ്യൂണിറ്റി ക്വാട്ടയിലെ വിവിധ വിഷയങ്ങളിലെ ഒഴിവുള്ള കമ്മ്യൂണിറ്റി ക്വാട്ട സീറ്റുകളുടെ എണ്ണം കോളജ് നോട്ടീസ് ബോർഡിൽ പ്രസിദ്ധീകരിക്കും. നിശ്ചിത സമയം കഴിഞ്ഞ് ഹാജരാകുന്നവരെ ഒരു കാരണവശാലും പരിഗണിക്കുന്നതല്ല. നിലവിലെ റാങ്ക് ലിസ്റ്റിൽ നിന്നായിരിക്കും പ്രവേശനം നടത്തുക. പുതിയ അപേക്ഷകൾ സ്വീകരിക്കുന്നതല്ല.