ഓഗസ്റ്റ് ഏഴ്, ഒന്പത് തീയതികളിലെ പരീക്ഷകൾ 16 നും 19 നും
അഫിലിയേറ്റഡ് കോളജുകളിൽ ഓഗസ്റ്റ് ഏഴിന് നടത്താനിരുന്നതും ഓഗസ്റ്റ് ഒന്പതിലേക്ക് മാറ്റിവച്ചതുമായ ഒന്നാം സെമസ്റ്റർ എൽഎൽബി പരീക്ഷ ഓഗസ്റ്റ് 16ലേക്കും ഓഗസ്റ്റ് ഒന്പതിന് നടത്താനിരുന്ന ഒന്നാം സെമസ്റ്റർ പഞ്ചവത്സര ഇന്റഗ്രേറ്റഡ് ഡബിൾ ഡിഗ്രി ബികോം എൽഎൽബി (ഓണേഴ്സ് 2013, 2014 അഡ്മിഷൻ സപ്ലിമെന്ററി ലോക്കൽ സെൽഫ് ഗവേണൻസ് ആൻഡ് പഞ്ചായത്ത് അഡ്മിനിസ്ട്രേഷൻ) പരീക്ഷ 19നും നടത്തുന്നതിനായി പുതുക്കി നിശ്ചയിച്ചു.
പരീക്ഷാഫലം
2018 ഡിസംബറിൽ നടന്ന ഏഴാം സെമസ്റ്റർ ഡ്യുവൽ ഡിഗ്രി മാസ്റ്റർ ഓഫ് കംപ്യൂട്ടർ ആപ്ലിക്കേഷൻസ് (ഡിഡിഎംസിഎ 2015 അഡ്മിഷൻ റഗുലർ, 2014 അഡ്മിഷൻ സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 19 വരെ അപേക്ഷിക്കാം.
2018 ഓഗസ്റ്റിൽ സ്കൂൾ ഓഫ് പെഡഗോഗിക്കൽ സയൻസസിൽ നടന്ന രണ്ടാം സെമസ്റ്റർ എംഎഡ് (സിഎസ്എസ്) പരീക്ഷയുടെ ഫലം പ്രസിദ്ധീകരിച്ചു.
ഡിഎഎസ്പി ഹ്രസ്വകാല കോഴ്സുകൾ
ഡയറക്്ടറേറ്റ് ഫോർ അപ്ലൈഡ് ഷോർട് ടേം പ്രോഗ്രാംസ് (ഡിഎഎസ്പി) നടത്തുന്ന ഹ്രസ്വകാല കോഴ്സുകൾക്ക് 12 വരെ അപേക്ഷിക്കാം. വിശദവിവരം dasp.mgu.ac.in എന്ന വെബ്സൈറ്റിൽ ലഭിക്കും. 04812731066.
ത്രിദിന രാജ്യാന്തര കോണ്ഫറൻസ്
ഇന്റർ യൂണിവേഴ്സിറ്റി സെന്റർ ഫോർ ഡിസെബിലിറ്റി സ്റ്റഡീസ്, ന്യൂയോർക്കിലെ അഡൽഫി യൂണിവേഴ്സിറ്റി, ഓട്ടിസം കെയർ സൊസൈറ്റി, നേപ്പാളിലെ കാഠ്മണ്ഡു യൂണിവേഴ്സിറ്റി, ഡിസെബിലിറ്റി റിസർച്ച് സെന്റർ എന്നിവയുടെ സഹകരണത്തോടെ നടത്തുന്ന ത്രിദിന സിആർഇ അക്രഡിറ്റഡ് രാജ്യാന്തര കോണ്ഫറൻസ് 12 മുതൽ 14 വരെ സർവകലാശാലയിൽ നടക്കും.
’റിസർച്ച് ബേസ്ഡ് പ്രാക്്ടീസസ് ഫോർ മാനേജിംഗ് ചിൽഡ്രൻ വിത്ത് ഓട്ടിസം സ്പെക്്ട്രം ഡിസോഡേഴ്സ്’ എന്ന വിഷയത്തിലാണ് കോണ്ഫറൻസ്. 3000 രൂപയാണ് രജിസ്ട്രേഷൻ ഫീസ്. ഗവേഷകർ, സ്പെഷൽ എജ്യൂക്കേറ്റേഴ്സ്, റീഹാബിലിറ്റേഷൻ മേഖലയിൽ പ്രവർത്തിക്കുന്നവർ, അധ്യാപകർ എന്നിവർക്ക് പങ്കെടുക്കാം. ഗവേഷണ പ്രബന്ധങ്ങൾ അവതരിപ്പിക്കുവാൻ താത്പര്യമുള്ളവർ ഡയറക്്ടർ, ഇന്റർ യൂണിവേഴ്സിറ്റി സെന്റർ ഫോർ ഡിസെബിലിറ്റി സ്റ്റഡീസ്, എംജി യൂണിവേഴ്സിറ്റി, കോട്ടയം എന്ന വിലാസത്തിൽ ബന്ധപ്പെടണം. 04812731580.