സർവകലാശാല പഠന വകുപ്പുകളിലെ അഞ്ച് വർഷ ഇന്‍റഗ്രേറ്റഡ് ബിരുദാനന്തര ബിരുദ (എഫ്‌വൈഐഎംപി.) പ്രോഗ്രാമുകളുടെ രണ്ടാം സെമസ്റ്റർ (സിബിസിഎസ്എസ് റഗുലർ), മേയ് 2025 പരീക്ഷാ ഫലം പഠന വകുപ്പുകൾക്ക് അവരുടെ കെ റീപ് ലോഗിനിൽ നിന്നും, വിദ്യാർഥികൾക്ക് മൊബൈൽ ആപ്പിൽ (കണ്ണൂർ യൂണിവേഴ്സിറ്റി സ്റ്റുഡൻറ്) നിന്നും ലഭ്യമാണ്. ഉത്തരക്കടലാസുകളുടെ പുനഃപരിശോധന / സൂക്ഷ്മ പരിശോധന /ഫോട്ടോകോപ്പി എന്നിവയ്ക്ക് 04/06/2025 നു വൈകുന്നേരം അഞ്ചുവരെ വരെ അപേക്ഷിക്കാം.
എംഎ ട്രൈബൽ ആൻഡ് റൂറൽ സ്റ്റഡീസ് പ്രോഗ്രാം
കണ്ണൂർ യൂണിവേഴ്സിറ്റി മാനന്തവാടി കാന്പസ് ഗോത്രവർഗ ഗ്രാമീണ പഠനം എംഎ പ്രോഗ്രാമിലേക്ക് അപേക്ഷ ക്ഷണിക്കുന്നു. ഇന്ത്യയിലെ പാർശ്വവത്കൃത സമൂഹങ്ങളായ ഗോത്രഗ്രാമീണ ജനതയെകുറിച്ച് ആഴത്തിലുള്ള പഠനങ്ങൾ നടത്തുകവഴി പുതുഅറിവുകളും പുതിയ ദിശാബോധങ്ങളും ഉണ്ടാക്കിയെടുക്കുക എന്നതാണ് ഈ പ്രോഗ്രാമിന്‍റെ പ്രധാന ലക്ഷ്യം. 45% മാർക്കിൽ കുറയാതെയുള്ള ബിരുദമാണ് പ്രോഗ്രാമിന് അപേക്ഷിക്കാനുള്ള അടിസ്ഥാന യോഗ്യത. നിലവിൽ ഫലം പ്രതീക്ഷിച്ചിരിക്കുന്നവർക്കും അപേക്ഷിക്കാം. അപേക്ഷ സമർപ്പിക്കേണ്ട അവസാന തീയതി 31 . കൂടുതൽ വിവരങ്ങൾക് സർവകലാശാല വെബ്സൈറ്റ് സന്ദർശിക്കുക.
ഹാൾടിക്കറ്റ്
28ന് ആരംഭിക്കുന്ന പ്രൈവറ്റ് രജിസ്ട്രേഷൻ ഒന്നാം സെമസ്റ്റർ എംഎ/ എംകോം ഡിഗ്രി (റഗുലർ/ സപ്ലിമെന്‍ററി/ ഇംപ്രൂവ്മെന്‍റ് ) നവംബർ 2024 പരീക്ഷകളുടെ ഹാൾടിക്കറ്റ് വിദ്യാർഥികൾക്ക് സർവകലാശാല വെബ്സൈറ്റിൽ നിന്ന് ഡൗൺലോഡ് ചെയ്തെടുക്കാം. പ്രിന്‍റൗട്ടിൽ ഫോട്ടോ പതിച്ച് സാക്ഷ്യപ്പെടുത്തി ഹാൾടിക്കറ്റിൽ പറഞ്ഞിരിക്കുന്ന പരീക്ഷാകേന്ദ്രത്തിൽ ഹാജരാകണം. ഫോട്ടോ സ്വയം സാക്ഷ്യപ്പെടുത്തുന്നവർ ഫോട്ടോ പതിച്ച ഏതെങ്കിലും ഗവ.അംഗീകൃത അസൽ തിരിച്ചറിയൽ കാർഡ് കൈവശം കരുതണം.
പ്രായോഗിക പരീക്ഷകൾ/ പ്രോജക്ട് മൂല്യനിർണയം/വൈവവോസി
അഫിലിയേറ്റഡ് കോളജുകളിലെ നാലാം സെമസ്റ്റർ പിജി ഡിഗ്രി (റഗുലർ/സപ്ലിമെന്‍ററി) ഏപ്രിൽ 2025, വിവിധ വിഷയങ്ങളുടെ (ന്യൂജനറേഷൻ പ്രോഗ്രാമുകൾ ഉൾപ്പെടെ) പ്രായോഗിക പരീക്ഷകൾ/ പ്രോജക്ട് മൂല്യനിർണയം/വൈവവോസി എന്നിവ താഴെപറയുന്ന തീയതികളിൽ അതത് കോളജുകളിൽ നടക്കും. വിശദമായ ടൈംടേബിൾ സർവകലാശാല വെബ്സൈറ്റിൽ ലഭ്യമാക്കിയിട്ടുണ്ട്. രജിസ്റ്റർ ചെയ്ത വിദ്യാർഥികൾ പരീക്ഷാ കേന്ദ്രവുമായി ബന്ധപ്പെടണം.
എംഎസ്‌സി കംപ്യൂട്ടർ സയൻസ് : 2025 ജൂൺ മൂന്ന്, നാല്. എംഎസ്‌സി മാത്തമാറ്റിക്സ്ജൂൺ മൂന്ന്, നാല്, എംഎസ്‌സി ബോട്ടണി ജൂൺ നാലു മുതൽ 11 വരെ, എംഎസ്‌സി ഇലക്ട്രോണിക്സ്ജൂൺ ഒൻപത്, പത്ത്.