കണ്ണൂർ സർവകലാശാല പഠന വകുപ്പുകളിലെ രണ്ടാം സെമസ്റ്റർ എംഎ/ എംഎസ്‌സി / എംസിഎ/ എംഎൽ ഐഎസ്‌സി/ എൽഎൽഎം/ എംബിഎ/എംപിഇഎസ് (സിബിസിഎസ്എസ് റെഗുലർ/ സപ്ലിമെന്‍ററി), മേയ് 2025 പരീക്ഷകൾക്ക് പിഴയില്ലാതെ 2025 മാർച്ച് മൂന്നു മുതൽ 10 വരെയും പിഴയോടു കൂടി മാർച്ച് 12 വരെയും അപേക്ഷിക്കാം. പരീക്ഷാ പുനർ വിജ്ഞാപനം സർവകലാശാല വെബ്സൈറ്റിൽ ലഭ്യമാണ്.

പരീക്ഷാ വിജ്ഞാപനം

ഏപ്രിൽ രണ്ടിന് ആരംഭിക്കുന്ന, അഫിലിയേറ്റഡ് കോളജുകളിലെ നാലാം സെമസ്റ്റർ ബിരുദാനന്തര ബിരുദം (റെഗുലർ /സപ്ലിമെന്‍ററി /ഇംപ്രൂവ്മെന്‍റ്) ഏപ്രിൽ 2025 പരീക്ഷകൾക്ക് മാർച്ച് അഞ്ചു മുതൽ 11 വരെ പിഴയില്ലാതെയും മാർച്ച് 13 വരെ പിഴയോടു കൂടിയും അപേക്ഷിക്കാം.
ഏപ്രിൽ ഒന്നിന് ആരംഭിക്കുന്ന നാലാം സെമസ്റ്റർ ഇന്‍റഗ്രേറ്റഡ് എംഎസ്‌സി ഇൻ കംപ്യൂട്ടർ സയൻസ് വിത്ത് സ്പെഷലൈസേഷൻ ഇൻ ആർട്ടിഫിഷ്യൽ ഇന്‍റലിജൻസ് ആൻഡ് മെഷീൻ ലേണിംഗ് (റെഗുലർ / സപ്ലിമെന്‍ററി /ഇംപ്രൂവ്മെന്‍റ്) ഏപ്രിൽ 2025 പരീക്ഷകൾക്ക് 28 മുതൽ മാർച്ച് അഞ്ചുവരെ പിഴയില്ലാതെയും ഏഴു വരെ പിഴയോടു കൂടിയും അപേക്ഷിക്കാം. പരീക്ഷാ വിജ്ഞാപനങ്ങൾ സർവകലാശാല വെബ്‌സൈറ്റിൽ ലഭ്യമാണ് .

പ്രോജക്ട് മൂല്യനിർണയം/ വൈവ വോസി

ആറാം സെമസ്റ്റർ ബിഎ പൊളിറ്റിക്കൽ സയൻസ് ഡിഗ്രി (റെഗുലർ /സപ്ലിമെന്‍ററി ) (ഏപ്രിൽ 2025) പ്രോജക്ട് മൂല്യനിർണയം/വൈവവോസ്‌ പരീക്ഷകൾ മാർച്ച് അഞ്ചു മുതൽ 10 വരെ അതാത് കോളജുകളിൽ നടക്കും. വിശദമായ ടൈം ടേബിൾ സർവകലാശാല വെബ്സൈറ്റിൽ ലഭ്യമാണ് .

ആറാം സെമസ്റ്റർ ബിസിഎ ഡിഗ്രി (റെഗുലർ/സപ്ലിമെന്‍ററി ) (ഏപ്രിൽ 2025) പ്രാക്ടിക്കൽ/പ്രോജക്ട് മൂല്യനിർണയം/വൈവ വോസ്‌ പരീക്ഷകൾ ഫെബ്രുവരി 27 മുതൽ മാർച്ച് ഏഴുവരെ അതാത് കോളജുകളിൽ നടക്കും. വിശദമായ ടൈം ടേബിൾ സർവകലാശാല വെബ്സൈറ്റിൽ ലഭ്യമാണ്.

പ്രായോഗിക/പ്രോജക്ട് /വാചാ പരീക്ഷകൾ

ആറാം സെമസ്റ്റർ ബിഎസ്‌സി മാത്തമാറ്റിക്സ് ഓണേഴ്സ് ഡിഗ്രി ഏപ്രിൽ 2025 പ്രായോഗിക/ പ്രോജക്ട്/വാചാ പരീക്ഷകൾ 27 , 28 തീയതികളിൽ നടക്കും. വിശദമായ ടൈം ടേബിൾ സർവകലാ ശാല വെബ്സൈറ്റിൽ ലഭ്യമാണ്.