കണ്ണൂർ: സർവകലാശാല 202425 അധ്യയന വർഷത്തെ സുധാകൃഷ്ണൻ എൻഡോവ്മെന്‍റ് സ്കോള ർഷിപ്പിന് അപേക്ഷ ക്ഷണിച്ചു. കണ്ണൂർ സർവകലാശാലയിൽ അഫിലിയേറ്റ് ചെയ്തിട്ടുള്ള ഗവൺ മെന്‍റ് /എയിഡഡ്‌ കോളജുകളിൽ ഒന്നാം സെമസ്റ്റർ ബിരുദത്തിന് പഠിക്കുന്ന സാമ്പത്തികമായി പിന്നോക്കം നില്ക്കുന്ന മത്സ്യത്തൊഴിലാളി കുടുംബങ്ങളിൽ നിന്നുള്ള വിദ്യാർഥികൾക്ക് അപേക്ഷി ക്കാം. സാമ്പത്തികമായി പിന്നോക്കം നില്ക്കുന്ന മത്സ്യത്തൊഴിലാളി കുടുംബങ്ങളിൽ നിന്നുള്ള സമർഥരായ വിദ്യാർഥികൾക്കായി വി.കൃഷ്ണൻ, തന്‍റെ പത്നി സുധാ കൃഷ്ണന്‍റെ പേരിൽ ഏർപ്പെടുത്തിയ സ്കോളർഷിപ്പാണിത്. വിശദ വിവരങ്ങൾ സർവകലാശാല വെബ്സൈറ്റിൽ ലഭ്യമാണ്. അപേക്ഷകൾ സ്വീകരിക്കുന്ന അവസാന തീയതി ഡിസംബർ 15.

പുതുക്കിയ പരീക്ഷാ വിജ്ഞാപനം

കണ്ണൂർ സർവകലാശാല പഠന വകുപ്പിലെ മൂന്നാം സെമസ്റ്റർ എംകോം (ഫൈവ് ഇയർ ഇന്‍റഗ്രേറ്റഡ്) ഡിഗ്രി (സിബിസിഎസ്എസ് റെഗുലർ/സപ്ലിമെന്‍ററി/ഇംപ്രൂവ്മെന്‍റ്), നവംബർ 2024 പരീക്ഷകളുടെ പുതുക്കിയ പരീക്ഷാ വിജ്ഞാപനം സർവകലാശാല വെബ്‌സൈറ്റിൽ ലഭ്യമാണ്.

പരീക്ഷാ ഫലം

തളിപ്പറമ്പ ഇൻസ്റ്റിറ്റ്യൂട്ട് ഓഫ് പബ്ലിക് പോളിസി ആൻഡ് ലീഡർഷിപ്പിലെ രണ്ടാം സെമസ്റ്റർ ബിരുദാ നന്തര ബിരുദ (ഏപ്രിൽ 2024 ) പരീക്ഷാഫലം സർവകലാശാല വെബ്സൈറ്റിൽ ലഭ്യമാണ്. ഫോട്ടോ കോപ്പി, സ്ക്രൂട്ടിനി (റെഗുലർ 2023 അഡ്മിഷൻ) പുനർമൂല്യനിർണയം, ഫോട്ടോകോപ്പി, സ്‌ക്രൂട്ടിനി (ഇംപ്രൂവ്മെന്‍റ്2022അഡ്മിഷൻ) എന്നിവയ്ക്ക് ഡിസംബർ 13 ന് വൈകുന്നേരം അഞ്ചു വരെ അപേക്ഷിക്കാം.

ടൈം ടേബിൾ

അഫിലിയേറ്റഡ് കോളജുകളിലെയും സെന്‍ററുകളിലെയും, 01.01.2025 ന് ആരംഭിക്കുന്ന ഒന്നാം സെമസ്റ്റർ എംസിഎ (റെഗുലർ /സപ്ലിമെന്‍ററി/ ഇംപ്രൂവ്മെന്‍റ്), നവംബർ 2024 പരീക്ഷകളുടെ ടൈം ടേബിൾ സർവകലാശാല വെബ്‌സൈറ്റിൽ പ്രസിദ്ധീകരിച്ചു.

പിജി മേഴ്‌സി ചാൻസ്: പരീക്ഷാ രജിസ്ട്രേഷൻ

ഒന്ന്, രണ്ട് വർഷ ബിരുദാനന്തര ബിരുദം (വിദൂര വിദ്യാഭ്യാസം 2011 മുതൽ 2019 അഡ്മിഷൻ വരെ ) മേഴ്‌സി ചാൻസ് (ജൂൺ 2024 ) പരീക്ഷകൾക്ക് ഡിസംബർ അഞ്ചു മുതൽ 18 വരെ പിഴയില്ലാതെയും ഡിസംബർ 20 വരെ പിഴയോടു കൂടിയും അപേക്ഷിക്കാം മേഴ്‌സി ചാൻസ് പരീക്ഷകൾക്ക് അപേക്ഷി ക്കുന്ന വിദ്യാർഥികൾ അപേക്ഷയോടൊപ്പം റീ രജിസ്ട്രേഷൻ നടത്തുന്നതിനുള്ള നിശ്ചിത മാതൃക യിലുള്ള അപേക്ഷ, ഫീസ് അടച്ച രസീത് സഹിതം സമർപ്പിക്കേണ്ടതാണ്.

പ്രഫഷണൽ അസിസ്റ്റന്‍റ് : നിയമനം

കണ്ണൂർ സർവകലാശാല മാനന്തവാടി കാന്പസ് ലൈബ്രറിയിൽ പ്രഫഷണൽ അസിസ്റ്റൻറ് തസ്തികയിലെ ഒരു ഒഴിവിലേക്ക് താത്കാലിക ദിവസവേതന അടിസ്ഥാനത്തിൽ നിയമനം നടത്തുന്നു. ലൈബ്രറി സയൻസിൽ ബിരുദമോ (ബിഎൽഐഎസ്‌സി) ബിരുദാനന്തര ബിരുദമോ (എംഎൽഐഎസ്‌സി ) യോഗ്യതയുള്ള18 നും 36 നും ഇടയിൽ പ്രായമുള്ള (സംവരണ വിഭാഗത്തിൽ പെട്ടവർക്ക് അംഗീകൃത പ്രായ ഇളവിന് അർഹതയുണ്ടവും) ഉദ്യോഗാർഥികൾ അഞ്ചിന് രാവിലെ 11.30 ന് മാനന്തവാടി കാമ്പസ് ഡയറക്ടറുടെ ഓഫീസിൽ നടക്കുന്ന അഭിമുഖത്തിൽ അസൽ സർട്ടിഫിക്ക റ്റുകൾ സഹിതം ഹാജരാകണം. പ്രവർത്തി പരിചയമുള്ളവർക്ക് മുൻഗണന ലഭിക്കുന്നതിന് പ്രവർത്തി പരിചയ സർട്ടിഫിക്കറ്റ് ഹാജരാക്കേണ്ടതാണ്.