കണ്ണൂർ: സർവകലാശാല മാനന്തവാടി കാമ്പസിലെ വനിത ഹോസ്റ്റലിൽ മേട്രൺ തസ്തികയിൽ ദിവസവേതന അടിസ്ഥാനത്തിൽ താത്കാലിക നിയമനം നടത്തുന്നു. യോഗ്യത: എസ്എസ്എൽസി പാസായിരിക്കണം. പ്രായം18 36 (സംവരണ വിഭാഗത്തിൽ പെട്ടവർക്ക് നിയമാനുസൃത ഇളവിന് അർഹതയുണ്ടവും) പ്രവർത്തി പരിചയമുള്ളവർക്ക് മുൻഗണന ലഭിക്കുന്നതാണ്. താത്പര്യമുള്ള ഭിന്നശേഷിക്കാരല്ലാത്ത സ്ത്രീകളായ ഉദ്യോഗാർഥികൾ ഡിസംബർ മൂന്നിന് രാവിലെ 11:30ന് കാമ്പസ് ഡയറക്ടറുടെ ഓഫീസിൽ നടക്കുന്ന അഭിമുഖത്തിന് അസൽ സർട്ടിഫിക്കറ്റുകൾ സഹിതം പങ്കെടുക്കേ ണ്ടതാണ്.

പരീക്ഷ ടൈംടേബിൾ

കണ്ണൂർ സർവകലാശാല പഠന വകുപ്പിലെ ഒന്ന്, മൂന്ന് സെമസ്റ്റർ എംകോം (ഫൈവ് ഇയർ ഇന്‍റഗ്രേറ്റഡ്) (സിബിസിഎസ്എസ് റെഗുലർ/സപ്ലിമെന്‍ററി/ഇംപ്രൂവ്മെന്‍റ്) നവംബർ 2024 പരീക്ഷകളുടെ ടൈംടേബിൾ സർവകലാശാല വെബ് സൈറ്റിൽ ലഭ്യമാണ്.

ഹാൾ ടിക്കറ്റ്

ഡിസംബർ ഒന്പതിന് ആരംഭിക്കുന്ന മൂന്നാം സെമസ്റ്റർ ബിഎഡ് ഡിഗ്രി (റെഗുലർ/സപ്ലിമെൻറ്ററി /ഇംപ്രൂവ്മെന്‍റ്) നവംബർ 2024 പരീക്ഷയുടെ ഹാൾടിക്കറ്റ് സർവകലാശാല വെബ്‌സൈറ്റിൽ ലഭ്യമാണ്.

തീയതി നീട്ടി

അഫിലിയേറ്റഡ് കോളജുകളിലെയും സെന്‍ററുകളിലെയും ഒന്നാം സെമസ്റ്റർ ബിഎഡ് (നവംബർ 2024), ഒന്നാം സെമസ്റ്റർ എംസിഎ (നവംബർ 2024) പരീക്ഷകൾക്ക് പിഴയില്ലാതെ നവംബർ 28 വരെയും പിഴയോടു കൂടി നവംബർ 29 വരെയും അപേക്ഷിക്കാവുന്നതാണ്.