കണ്ണൂർ സർവകലാശാല പഠന വകുപ്പുകളിലെ അധ്യാപക തസ്തികകളിലേക്കുള്ള നിയമനത്തിന് 19.10.2024 തീയതിയിലെ വിജ്ഞാപന പ്രകാരം ഓൺലൈൻ അപേക്ഷകൾ സമർപ്പിക്കേണ്ട അവസാന തീയതി ഡിസംബർ 15 വരെ നീട്ടി. അപേക്ഷയുടെ പ്രിന്‍റ് ഡിസംബർ 20 വൈകുന്നേരം അഞ്ചിനകം സർവകലാശാലയിൽ ലഭിക്കേണ്ടതാണ്. വിശദ വിവരങ്ങൾ സർവകലാശാലാ വെബ്സൈറ്റിൽ ലഭ്യമാണ്. (www.kannuruniversity.ac.in)

പരീക്ഷ പുനക്രമീകരിച്ചു

നവംബർ 22 ലേക്ക് മാറ്റിവച്ച മൂന്നാം സെമസ്റ്റർ ബിരുദ പരീക്ഷകൾ അന്നേദിവസം ഉച്ചയ്ക്ക് രണ്ടു മുതൽ വൈകുന്നേരം അഞ്ചു വരെ നടക്കുന്നതായിരിക്കും.


ഹാൾ ടിക്കറ്റ്

സർവകലാശാല പഠനവകുപ്പുകളിലെ അഞ്ച് വർഷ ഇന്‍റഗ്രേറ്റഡ് ബിരുദാനന്തര ബിരുദ
(എഫ്‌വൈഐഎംപി) പ്രോഗ്രാമുകളുടെ ഒന്നാം സെമസ്റ്റർ (സിബിസിഎസ്എസ് റെഗുലർ), നവംബർ 2024 പരീക്ഷയുടെ ഹാൾ ടിക്കറ്റ്, പഠനവകുപ്പുകൾക്ക് അവരുടെ കെറീപ് ലോഗിനിൽ നിന്നും വിദ്യാർഥികൾക്ക് മൊബൈൽ ആപ്പിൽ നിന്നും (കണ്ണൂർ യൂണിവേഴ്സിറ്റി സ്റ്റുഡൻറ്) ലഭ്യമാകുന്നതാണ്.