കണ്ണൂർ സർവകലാശാലയുടെ ധർമശാല കാന്പസിലെ ബിഎഡ് സെന്‍ററിൽ കോമേഴ്സ് ബിഎഡ് പ്രോഗ്രാമിൽ പട്ടിക ജാതി വിഭാഗത്തിന് സംവരണം ചെയ്ത ഒരു സീറ്റിലേക്കുള്ള ഒരു ഒഴിവിലേക്ക് പ്രവേശനത്തിനായി നാളെ രാവിലെ പത്തിന് സ്പോട്ട് അഡ്മിഷൻ നടത്തുന്നു. എംകോം ബിരുദമാണ് യോഗ്യത. താത്പര്യമുള്ളവർ അസൽ സർട്ടിഫിക്കറ്റുകൾ സഹിതം ഹാജരാകണം.ഫോൺ: 9947988890.
ഹാൾടിക്കറ്റ്
അഞ്ചിന് ആരംഭിക്കുന്ന മൂന്നാം സെമസ്റ്റർ ബിരുദം (റഗുലർ/ സപ്ലിമെന്‍ററി / ഇംപ്രൂവ്മെന്‍റ്) , നവംബർ 2024, അഫിലിയേറ്റഡ് കോളജുകളിലെയും / ഐ ടി എഡ്യൂക്കേഷൻ സെന്‍ററുകളിലെയും 06/11/2024 നു ആരംഭിക്കുന്ന മൂന്നാം സെമസ്റ്റർ എംസിഎ (റഗുലർ/ സപ്ലിമെന്‍ററി / ഇംപ്രൂവ്മെന്‍റ് / എം സി എ ലാറ്ററൽ എൻട്രി) നവംബർ 2024, മൂന്നാം സെമസ്റ്റർ ഇന്‍റഗ്രേറ്റഡ് എം എസ് സി ഇൻ കംപ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്‍റലിജൻസ് (റഗുലർ/ സപ്ലിമെന്‍ററി / ഇംപ്രൂവ്മെന്‍റ്) ഒക്ടോബർ 2024 പരീക്ഷകളുടെ ഹാൾടിക്കറ്റ് സർവകലാശാല വെബ്സൈറ്റിൽ ലഭ്യമാണ്.
പരീക്ഷാ വിജ്ഞാപനം
22ന് ആരംഭിക്കുന്ന ഒന്നാം സെമസ്റ്റർ ഇന്‍റഗ്രേറ്റഡ് എംഎസ് സി ഇൻ കംപ്യൂട്ടർ സയൻസ് വിത്ത് സ്പെഷ്യലൈസേഷൻ ഇൻ ആർട്ടിഫിഷ്യൽ ഇന്‍റലിജൻസ് (റഗുലർ/ സപ്ലിമെന്‍ററി / ഇംപ്രൂവ്മെന്‍റ് ) ഒക്ടോബർ 2024 പരീക്ഷകൾക്ക് ആറു മുതൽ എട്ടു വരെ പിഴയില്ലാതെയും 11 വരെ പിഴയോടു കൂടിയും അപേക്ഷിക്കാം പരീക്ഷാ വിജ്ഞാപനം സർവകലാശാല വെബ്സൈറ്റിൽ ലഭ്യമാണ്
എബിസിഐഡി. സമർപ്പിക്കണം
2021 വർഷം പ്രവേശനം നേടിയ ബിരുദ വിദ്യാർഥികൾ അടിയന്തരമായി എബിസിഐഡി സംബന്ധിച്ച വിശദാംശങ്ങൾ അവരവരുടെ കോളജുകളിൽ 11ന് മുമ്പ് സമർപ്പക്കണം. ഇക്കാര്യത്തിൽ വീഴ്ച വരുത്തിയാൽ വിദ്യാർഥികൾക്ക് പിന്നീട് ബുദ്ധിമുട്ടുണ്ടാകുകയും സർവകലാശാലക്ക് വിദ്യാർഥികളെ സഹായിക്കാൻ പറ്റാത്ത സാഹചര്യം ഉണ്ടാവുകായും ചെയ്യും. അതിനാൽ ഇക്കാര്യത്തിൽ വിദ്യാർഥികൾ പ്രത്യേകം ശ്രദ്ധിക്കണം. എബിസിഐഡി തയാറാക്കുന്ന രീതി സംബന്ധിച്ച വിശദാംശങ്ങൾ സർവകലാശാല വെബ്സൈറ്റിൽ ലഭ്യമാണ്.