കണ്ണൂർ സർവകലാശാലയുടെ പാലയാട് കാമ്പസിലെ നിയമ പഠന വകുപ്പിൽ ബിഎ എൽഎൽബി പ്രോഗ്രാമിന് പട്ടികവർഗ വിഭാഗത്തിൽ സീറ്റ് ഒഴിവുണ്ട്. താത്പര്യമുള്ള വിദ്യാർഥികൾ ഇന്നു രാവിലെ 10ന് യോഗ്യത തെളിയിക്കുന്ന സർട്ടിഫിക്കറ്റുകൾ സഹിതം വകുപ്പ് മേധാവിക്ക് മുന്നിൽ ഹാജരാകണം. യോഗ്യത പ്ലസ്ടു പരീക്ഷയിൽ 45ശതമാനം മാർക്ക് ഉണ്ടായിരിക്കണം. നിയമാനുസൃത ഇളവുകൾ ബാധകം.
കണ്ണൂർ സർവകലാശാല കാമ്പസ് യൂണിയൻ തെരഞ്ഞെടുപ്പ്
കണ്ണൂർ സർവകലാശാല കാമ്പസുകളിലെ 202425 വർഷത്തെ വിദ്യാർഥി യൂണിയൻ തെരഞ്ഞെടുപ്പ് ഒക്ടോബർ എട്ടിന് നടക്കും. തെരഞ്ഞെടുപ്പ് വിജ്ഞാപനം ഇന്ന് അതത് കാമ്പസുകളിൽ പ്രസിദ്ധീകരിക്കും. തെരഞ്ഞെടുപ്പ് ഷെഡ്യുൾ സർവകലാശാല വെബ്സൈറ്റിൽ പ്രസിദ്ധീകരിക്കും. ക്യാമ്പസ് ഡയറക്ടർമാർ/കാമ്പസ് അഡ്മിനിസ്ട്രേറ്റീവ് ഓഫീസർമാർ വെബ്സൈറ്റിൽ പ്രസിദ്ധീകരിച്ച ഷെഡ്യൂൾ പ്രകാരം തെരഞ്ഞെടുപ്പ് നടത്തുന്നതിനുള്ള നടപടികൾ സ്വീകരിക്കേണ്ടതാണ്.
പ്രാഥമിക വോട്ടർപട്ടിക സെപ്റ്റംബർ 30ന് രാവിലെ 11നും അന്തിമ വോട്ടർപട്ടിക വൈകുന്നേരം നാലിനും പ്രസിദ്ധീകരിക്കും. ഒക്ടോബർ ഒന്നിന് ഉച്ചയ്ക്ക് ഒന്നിന് വരെ നോമിനേഷൻ സമർപ്പിക്കാം. ഒക്ടോബർ മൂന്നിന് രാവിലെ 10 മുതൽ ഉച്ചകഴിഞ്ഞ് രണ്ടു വരെ നോമിനേഷന്റെ സൂക്ഷ്മ പരിശോധന നടത്തും.
നാമനിർദേശ പത്രിക പിൻവലിക്കാനുള്ള അവസാന സമയം ഒക്ടോബർ നാലിന് രാവിലെ 11 ആണ്. ഒക്ടോബർ നാലിന് വൈകുന്നേരം നാലിന് അന്തിമ സ്ഥാനാർഥി പട്ടിക പ്രസിദ്ധീകരിക്കും.
എട്ടിന് രാവിലെ 10 മുതൽ ഉച്ചയ്ക്ക് ഒന്നു വരെ വരെ തെരഞ്ഞെടുപ്പും ഉച്ചകഴിഞ്ഞ് 2.30ന് വോട്ടെണ്ണലും തുടർന്ന് ഫലപ്രഖ്യാപനവും നടക്കും.