തേഞ്ഞിപ്പലം: കാലിക്കട്ട് സർവകലാശാല എൻജിനീയറിംഗ് വകുപ്പിൽ പി.എം. ഉഷ പ്രോജക്ടിനു കീഴിൽ കരാറടിസ്ഥാനത്തിൽ പ്രോജക്ട് എൻജിനീയർ നിയമനത്തിനുള്ള വാക് ഇൻ ഇന്‍റർവ്യൂ ഏപ്രിൽ ഏഴിന് നടക്കും. പ്രോജക്ട് എൻജിനീയർ സിവിൽ (നാല്), പ്രോജക്ട് എൻജിനിയർ ഇലക്ട്രിക്കൽ (ഒന്ന്) എന്നീ വിഭാഗങ്ങളിലാണ് നിയമനം. യോഗ്യത: പ്രസ്തുത വിഷയത്തിൽ ബിടെക്/ ബിഇ അല്ലെങ്കിൽ ഡിപ്ലോമ, 10 വർഷത്തെ പ്രവൃത്തി പരിചയം. ഉയർന്ന പ്രായപരിധി 45 വയസ്. യോഗ്യരായവർ മതിയായ രേഖകൾ സഹിതം രാവിലെ ഒൻപത് മണിക്ക് സർവകലാശാലാ ഭരണകാര്യാലയത്തിൽ ഹാജരാകണം. വിശദമായ വിജ്ഞാപനം വെബ്സൈറ്റിൽ.
പിഎച്ച്ഡി പ്രവേശന പരീക്ഷാ ഹാൾടിക്കറ്റ് കാലിക്കട്ട് സർവകലാശാല ഏപ്രിൽ അഞ്ചിന് നടത്തുന്ന 2024 അധ്യയന വർഷത്തേക്കുള്ള പിഎച്ച്ഡി പ്രവേശന പരീക്ഷയുടെ ഹാൾടിക്കറ്റ് പ്രവേശന വിഭാഗം വെബ്സൈറ്റിലെ ( https://admission.uoc.ac.in/ ) പിഎച്ച്ഡി. സ്റ്റുഡന്‍റ് ലോഗിനിൽ ലഭ്യമാണ്. ഫോൺ: 0494 2407016, 2407017.
ഒറ്റത്തവണ റഗുലർ സപ്ലിമെന്‍ററി പരീക്ഷ എല്ലാ അവസരങ്ങളും നഷ്ടമായവർക്കുള്ള വിദൂര വിഭാഗം നാലാം സെമസ്റ്റർ (സിസിഎസ്എസ് യുജി 2011, 2012, 2013 പ്രവേശനം ) ബിഎ, ബിഎസ്‌സി, ബികോം, ബിബിഎ, ബിഎംഎംസി, ബിഎ അഫ്സൽ ഉൽ ഉലമ സെപ്റ്റംബർ 2021 ഒറ്റത്തവണ റഗുലർ സപ്ലിമെന്‍ററി പരീക്ഷകൾ മെയ് 31ന് തുടങ്ങും. കേന്ദ്രം : ടാഗോർ നികേതൻ കാലിക്കട്ട് സർവകലാശാലാ ക്യാമ്പസ്, സർവകലാശാലാ എൻജിനീയറിംഗ് കോളജ്. വിശദമായ സമയക്രമം വെബ്സൈറ്റിൽ.
സൂക്ഷ്മപരിശോധനാഫലം ഒന്നാം സെമസ്റ്റർ ( സിബിസിഎസ്എസ് പിജി) എംഎ ഇക്കണോമിക്സ്, എംഎസ്‌സി മാത്തമാറ്റി ക്സ്, എംഎസ്‌സി കെമിസ്ട്രി നവംബർ 2024 പരീക്ഷകളുടെ സൂക്ഷ്മപരിശോധനാ ഫലം പ്രസിദ്ധീകരിച്ചു.
വിദൂര വിഭാഗം മൂന്നാം സെമസ്റ്റർ ( സിബിസിഎസ്എസ് പിജി എസ്ഡിഇ ) എംഎസ്‌സി മാത്തമാറ്റിക്സ് നവംബർ 2023, എംകോം, എംഎ അറബിക്, എംഎസ്‌സി മാത്തമാറ്റിക്സ് നവംബർ 2024 പരീക്ഷകളുടെ സൂക്ഷ്മപരിശോധനാ ഫലം പ്രസിദ്ധീകരിച്ചു.
പുനർമൂല്യനിർണയഫലം ബികോം എൽഎൽബി ഹോണേഴ്‌സ് ഒന്നാം സെമസ്റ്റർ (2021, 2022, 2023 പ്രവേശനം) ഒക്ടോബർ 2023, രണ്ടാം സെമസ്റ്റർ (2022, 2023 പ്രവേശനം) മാർച്ച് 2024, അഞ്ചാം സെമസ്റ്റർ (2021 പ്രവേശനം) പരീക്ഷകളുടെ പുനർമൂല്യനിർണയഫലം പ്രസിദ്ധീകരിച്ചു.
ഒന്നാം സെമസ്റ്റർ (സിബിസിഎസ്എസ് യുജി) ബികോം, ബിബിഎ നവംബർ 2024 സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ പുനർമൂല്യനിർണയഫലം പ്രസിദ്ധീകരിച്ചു.
വേനൽക്കാല കായിക പരിശീലന ക്യാമ്പ് കാലിക്കട്ട് സർവകലാശാല കായിക പഠനവകുപ്പ് 6 മുതൽ 15 വയസുവരെയുള്ള കുട്ടികൾക്കായി സംഘടിപ്പിക്കുന്ന വേനൽക്കാല കായിക പരിശീലന ക്യാമ്പ് ഏപ്രിൽ ഏഴിന് തുടങ്ങും. പരിശീലനം നൽകുന്ന കായിക ഇനങ്ങൾ കോച്ചിംഗ് നൽകുന്ന പരിശീലകർ / അസിസ്റ്റന്‍റ് പ്രഫസർമാർ എന്നിവ ക്രമത്തിൽ : ബാഡ്മിന്‍റൺ ഫെബിൻ ദിലീപ്, ഹാൻഡ്ബോൾ പി. ഫുഹാദ് സനീൻ, വോളിബോൾ എസ്. അർജുൻ, അത്‌ലറ്റിക്സ് എസ്. ജയകുമാർ (മുൻ ഇന്ത്യൻ ടീം പരിശീലകൻ), ഡോ. എസ്. അശ്വിൻ, സോഫ്റ്റ്ബോൾ / ബേസ്ബോൾ ടി.സി. വിഷ്ണു, ഖോഖോ പ്രബീഷ്, ഫുട്ബോൾ എം. മുഹമ്മദ് ഷഫീഖ്, പി. മുനീർ, ക്രിക്കറ്റ് പി.പി. പ്രതീഷ്, അജ്മൽ ഖാൻ, കബഡി ആർ. ശ്രീജിത്ത്, ജൂഡോ ഡോ. എ.കെ. രാജ്‍കിരൺ, തയ്ക്വോണ്ടോ അജ്മൽ ഖാൻ, ബാസ്കറ്റ്ബോൾ കെ. അഞ്ജന കൃഷ്ണ, റോളർ സ്കേറ്റിംഗ് ടി.ജെ. സിദ്ധാർഥ്. റോളർ സ്കേറ്റിംഗിന് 1,200/ രൂപയും മറ്റ് കായിക ഇനങ്ങൾക്ക് 800/ രൂപയുമാണ് രജിസ്ട്രേഷൻ ഫീസ്. രണ്ടു ബാച്ചുകളിലായി സംഘടിപ്പിക്കുന്ന ക്യാമ്പിന്‍റെ ആദ്യ ബാച്ച് ഏപ്രിൽ ഏഴ് മുതൽ മേയ് മൂന്ന് വരെയും രണ്ടാം ബാച്ച് മേയ് അഞ്ച് മുതൽ മേയ് 31 വരെയുമാണെന്ന് കായിക പഠനവകുപ്പ് മേധാവി ഡോ. വി.പി. സക്കീർ ഹുസൈൻ അറിയിച്ചു. രജിസ്‌ട്രേഷനും കൂടുതൽ വിവരങ്ങൾക്കും ഫോൺ: 0494 2407501, 9446781753, ഇ മെയിൽ :
[email protected]