വിദ്യാർഥി യൂണിയൻ തെരഞ്ഞെടുപ്പ് ഒക്ടോബർ പത്തിന്
കാലിക്കട്ട് സർവകലാശാലയ്ക്ക് കീഴിലെ അഫിലിയേറ്റഡ് കോളജുകൾ / സെന്ററുകൾ / പഠനവകുപ്പുകൾ എന്നിവയിലെ 2024 2025 അധ്യയന വർഷത്തെ വിദ്യാർഥി യൂണിയൻ തെരഞ്ഞെടുപ്പ് ഒക്ടോബർ പത്തിന് നടക്കും. തെരഞ്ഞെടുപ്പ് വിജ്ഞാപനവും ഷെഡ്യൂളും സർവകലാശാല വെബ്സൈറ്റിൽ.
എംപിഎഡ് പ്രവേശനം: മാറ്റിവച്ചു
2024 2025 അധ്യയന വര്ഷത്തെ കാലിക്കട്ട് സർവകലാശാല സെന്റർ ഫോർ ഫിസിക്കൽ എജ്യുക്കേഷൻ, ഗവൺമെന്റ് കോളജ് ഓഫ് ഫിസിക്കൽ എജ്യുക്കേഷൻ കോഴിക്കോട് എന്നിവിടങ്ങളിലേക്ക് സെപ്റ്റംബർ 30 ന് നടത്താൻ നിശ്ചയിച്ചിരുന്ന എംപിഎഡ് പ്രോഗ്രാം ( കുസാറ്റ് 2024 ) പ്രവേശനം മാറ്റിവെച്ചു. പുതുക്കിയ തീയതി പിന്നീടറിയിക്കും.
സിസിഎസ്ഐടികളിൽ എംസിഎ / എംഎസ്സി സീറ്റൊഴിവ്
മഞ്ചേരിയിലുള്ള കാലിക്കട്ട് സർവകലാശാല സെന്റർ ഫോർ കമ്പ്യൂട്ടർ സയൻസ് ആൻഡ് ഇൻഫർമേഷൻ ടെക്നോളജിയിൽ എംസിഎ പ്രോഗ്രാമിന് ജനറൽ / സംവരണ വിഭാഗങ്ങളിൽ സീറ്റൊഴിവുണ്ട്. ക്യാപ് രജിസ്ട്രേഷൻ ഇല്ലാത്തവർ സ്പോട്ട് രജിസ്ട്രേഷൻ നടത്തി ഒക്ടോബർ മൂന്നിന് രാവിലെ 11ന് സെന്ററിൽ ഹാജരാകേണ്ടതാണ്. സംവരണ വിഭാഗങ്ങൾക്ക് നിയമാനുസൃത ഫീസിളവ് ലഭിക്കും. കൂടുതൽ വിവരങ്ങൾക്ക് ഫോൺ: 7907495814.
പാലക്കാട് മണ്ണാർക്കാടുള്ള എംഇഎസ് കല്ലടി കോളജിൽ പ്രവർത്തിക്കുന്ന കാലിക്കട്ട് സർവകലാശാല സെന്റർ ഫോർ കമ്പ്യൂട്ടർ സയൻസ് ആൻഡ് ഇൻഫർമേഷൻ ടെക് നോളജിയിൽ എംസിഎ / എംഎസ്സി കമ്പ്യൂട്ടർ സയൻസ് കോഴ്സുകളിൽ ജനറൽ / സംവരണ വിഭാഗങ്ങളിൽ സീറ്റൊഴിവുണ്ട്. താത്പര്യമുള്ളവർക്ക് ലേറ്റ് രജിസ്ട്രേഷൻ നടത്തി പ്രവേശനം നേടാം. കൂടുതൽ വിവരങ്ങൾക്ക് ഫോൺ: 8281665557, 9446670011.
എൻഎസ്എസ് ഗ്രേസ് മാർക്ക്:ഒക്ടോബർ 14 വരെ വിവരങ്ങൾ രേഖപ്പെടുത്താം
അഫിലിയേറ്റഡ് കോളജുകളിലെ എൻഎസ്എസ് ഗ്രേസ് മാർക്കിന് (സിബിസിഎസ്എസ് യുജി 2022 പ്രവേശനം മാത്രം) അർഹരായവരുടെ വിവരങ്ങൾ കേന്ദ്രീകൃത കോളജ് പോർട്ടലിൽ രേഖപ്പെടുത്തുന്നതിനുള്ള ലിങ്ക് സെപ്റ്റംബർ 30 മുതൽ ഒക്ടോബർ 14 വരെ ലഭ്യമാകും.
ഒറ്റത്തവണ റഗുലർ സപ്ലിമെന്ററി പരീക്ഷ
എല്ലാ അവസരങ്ങളും നഷ്ടമായ (2000 മുതൽ 2011 വരെ പ്രവേശനം) ഒന്ന് മുതൽ നാല് വരെ വർഷ ബിഎസ്സി മെഡിക്കൽ ബയോകെമിസ്ട്രി, ബിഎസ്സി മെഡിക്കൽ മൈക്രോബയോളജി സെപ്റ്റംബർ 2023 ഒറ്റത്തവണ റഗുലർ സപ്ലിമെന്ററി പരീക്ഷകൾ പുതുക്കിയ സമയക്രമം പ്രകാരം ഒക്ടോബർ ഒൻപതിന് തുടങ്ങും. കേന്ദ്രം: ടാഗോർ നികേതൻ, സർവകലാശാല ക്യാമ്പസ്. വിശദമായ സമയക്രമം വെബ്സൈറ്റിൽ.
പരീക്ഷാഫലം
ഒന്നാം വർഷ അഫ്സൽ ഉൽ ഉലമ പ്രിലിമിനറി മെയ് 2024 പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ഒക്ടോബർ 10 വരെ അപേക്ഷിക്കാം. ലിങ്ക് സെപ്റ്റംബർ 28 മുതൽ ലഭ്യമാകും.
വിദൂര വിഭാഗം രണ്ടാം സെമസ്റ്റർ ( സിബിസിഎസ്എസ്) എംഎ ഫിലോസഫി (2022 ആൻഡ് 2023 പ്രവേശനം) ഏപ്രിൽ 2024, (2019 ആൻഡ് 2021 പ്രവേശനം) ഏപ്രിൽ 2023 പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ഒക്ടോബർ 11 വരെ അപേക്ഷിക്കാം.
രണ്ടാം സെമസ്റ്റർ ( സിസിഎസ്എസ്) എംഎ ഫിലോസഫി ഏപ്രിൽ 2024 പരീക്ഷയുടെ ഫലം പ്രസിദ്ധീകരിച്ചു.
പുനർമൂല്യനിർണയഫലം
നാലാം സെമസ്റ്റർ എംഎസ്സി അക്വാകൾച്ചർ ആൻഡ് ഫിഷറി മൈക്രോ ബയോളജി ഏപ്രിൽ 2024 പരീക്ഷയുടെ പുനർമൂല്യനിർണയ ഫലം പ്രസിദ്ധീകരിച്ചു.