ഫിനാൻസ് കമ്മിറ്റി: കരട് വോട്ടർപട്ടിക പ്രസിദ്ധീകരിച്ചു
തേഞ്ഞിപ്പലം: കാലിക്കട്ട് സർവകലാശാലയുടെ ഓഗസ്റ്റ് 13 ലെ വിജ്ഞാപന പ്രകാരം സെനറ്റ്, സിൻഡിക്കേറ്റ്, അക്കാഡമിക്ക് കൗൺസിൽ എന്നീ മണ്ഡലങ്ങളിൽ നിന്നും ഓരോ അംഗങ്ങളെ വീതം ഫിനാൻസ് കമ്മിറ്റിയിലേക്ക് തെരഞ്ഞെടുക്കുന്നതിനായുള്ള കരട് വോട്ടർപട്ടികകൾ പ്രസിദ്ധീകരിച്ചു. പകർപ്പ് സർവകലാശാല വെബ്‌സൈറ്റിൽ ലഭ്യമാകും. വോട്ടർപട്ടികകൾ സംബന്ധിച്ചുള്ള തിരുത്തലുകൾക്കും കൂട്ടിച്ചേർക്കലുകൾക്കും ഒഴിവാക്കലുകൾക്കും വോട്ടർപട്ടിക പ്രസിദ്ധീകരിച്ച് 15 ദിവസത്തിനുള്ളിൽ വരണാധികാരിയെ അറിയിക്കേണ്ടതാണ്.
സീറ്റൊഴിവ്
തേഞ്ഞിപ്പലം: കാലിക്കട്ട് സർവകലാശാല സ്കൂൾ ഓഫ് ഹെൽത് സയൻസിൽ സ്വാശ്രയ എംഎസ്‌സി ഫുഡ് സയൻസ് ആൻഡ് ടെക്‌നോളജി പ്രോഗ്രാമിന് സ്പോർട്സ് ക്വാട്ട 2, ലക്ഷ്വദീപ് 1, എസ്‌സി 5, എസ്ടി 2, ഇഡബ്ല്യൂഎസ് 2, ഒബിഎക്സ് 1, പിഡബ്ല്യൂഡി 3 എന്നീ വിഭാഗങ്ങളിൽ സീറ്റൊഴിവുണ്ട്. യോഗ്യത: ബിഎസ്‌സി ഫുഡ് ടെക്‌നോളജി. ക്യാപ് ഐഡി ഉള്ളവർ ആവശ്യമായ രേഖകൾ സഹിതം സെപ്റ്റംബർ 23 ന് രാവിലെ 10.30 ന് സ്കൂൾ ഓഫ് ഹെൽത് സയൻസിൽ ഹാജരാകേണ്ടതാണ്. ഫോൺ: 0494 2407345.
ജോൺ മത്തായി സെന്‍ററിൽ എംസിഎ സീറ്റൊഴിവ്
തൃശൂർ അരണാട്ടുകരയിലുള്ള കാലിക്കട്ട് സർവകലാശാല ജോൺ മത്തായി സെന്‍ററിലെ സെന്‍റർ ഫോർ കമ്പ്യൂട്ടർ സയൻസ് ആൻഡ് ഇൻഫർമേഷൻ ടെക്‌നോളജിയിൽ എംസിഎ കോഴ്‌സിന് എസ്‌സി / എസ്ടി / ഇഡബ്ല്യൂഎസ് എന്നീ വിഭാഗങ്ങളിൽ സീറ്റൊഴിവുണ്ട്. താത്പര്യമുള്ളവർ ലേറ്റ് രജിസ്ട്രേഷൻ നടത്തിയ ശേഷം യോഗ്യതാ സർട്ടിഫിക്കറ്റുകൾ സഹിതം സെപ്റ്റംബർ 23ന് രാവിലെ 11 ന് സെന്‍ററിൽ ഹാജരാകേണ്ടതാണ്. എസ്‌സി / എസ്ടി / ഒഇസി വിഭാഗത്തിൽപ്പെട്ടവർക്ക് ഫീസിളവ് ലഭിക്കും. ഫോൺ: 9745644425, 9946623509.
ബികോം അഡീഷണൽ സ്പെഷലൈസേഷൻ പരീക്ഷാ രജിസ്ട്രേഷൻ
കാലിക്കട്ട് സർവകലാശാലയിൽ 2024 വർഷത്തിൽ ബികോം അഡീഷണൽ സ്പെഷലൈസേഷന് പ്രവേശനം നേടിയവർ സർവകലാശാല വെബ്‌സൈറ്റിൽ ലഭ്യമായിട്ടുള്ള പരീക്ഷാ രജിസ്ട്രേഷൻ ലിങ്ക് ഉപയോഗിച്ച് നിർദിഷ്ട തിയതിക്കകം അഞ്ചാം സെമസ്റ്ററിലേക്കുള്ള പരീക്ഷാ രജിസ്ട്രേഷൻ നടത്തേണ്ടതാണ്. വിദ്യാർഥികളുടെ എൻറോൾമെന്‍റ് നമ്പർ, രജിസ്റ്റർ നമ്പർ എന്നിവയടങ്ങിയ ലിസ്റ്റും അതോടൊപ്പം നൽകിയിട്ടുണ്ട്. ഫോൺ: 0494 2407356, 0494 2400288.
പരീക്ഷാഫലം
രണ്ടാം സെമസ്റ്റർ എംഎഡ് ജൂലൈ 2024 പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 24 വരെ അപേക്ഷിക്കാം.
ഒന്നാം സെമസ്റ്റർ എംഎച്ച്എം നവംബർ 2023 പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ഒക്ടോബർ ഒന്ന് വരെ അപേക്ഷിക്കാം.
വിദൂര വിഭാഗം രണ്ടാം സെമസ്റ്റർ എംകോം ഏപ്രിൽ 2024 (2023 ആൻഡ് 2022 പ്രവേശനം), ഏപ്രിൽ 2023 (2019, 2020, 2021 പ്രവേശനം) റഗുലർ / സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ഒക്ടോബർ മൂന്ന് വരെ അപേക്ഷിക്കാം.
പുനർമൂല്യനിർണയഫലം
ഒന്നാം സെമസ്റ്റർ ബിഎസ്‌സി, ബിസിഎ (സിസിഎസ്എസ്) സെപ്റ്റംബർ 2021 പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.