തൃശൂർ പേരാമംഗലത്തുള്ള കാലിക്കട്ട് സർവകലാശാല സ്കൂൾ ഓഫ് മാനേജ്‌മെന്‍റ് സ്റ്റഡീസിൽ എംബിഎ പ്രോഗ്രാമിന് സീറ്റൊഴിവുണ്ട്. താത്പര്യമുള്ളവർ 12ന് ഉച്ചയ്ക്ക് മൂന്നിന് മുൻപായി അസൽ സർട്ടിഫിക്കറ്റുകൾ സഹിതം ഹാജരാകണം. ക്യാപ് ഐഡി ഇല്ലാത്തവർക്കും പങ്കെടുക്കാം. കൂടുതൽ വിവരങ്ങൾക്ക് 7012812984, 8848370850.
പരീക്ഷാ അപേക്ഷ
പത്താം സെമസ്റ്റർ ബിബിഎ എൽഎൽബി ഹോണേഴ്‌സ് (2016 മുതൽ 2018 വരെ പ്രവേശനം) നവംബർ 2024 സപ്ലിമെന്‍ററി പരീക്ഷകൾക്ക് പിഴ കൂടാതെ 24 വരെയും 190 രൂപ പിഴയോടെ 30 വരെയും അപേക്ഷിക്കാം.
മൂന്നാം സെമസ്റ്റർ എംഎഡ്, ലോ കോളജുകളിലെ നാലാം സെമസ്റ്റർ എൽഎൽഎം, സർവകലാശാല പഠനവകുപ്പിലെ മൂന്നാം സെമസ്റ്റർ എംഎസ്‌സി ബയോടെക്‌നോളജി (നാഷണൽ സ്ട്രീം) ഡിസംബർ 2024, സർവകലാശാലാ നിയമ പഠനവകുപ്പിലെ മൂന്നാം സെമസ്റ്റർ രണ്ടു വർഷ എൽഎൽഎം നവംബർ 2024 (2021 പ്രവേശനം മുതൽ) റഗുലർ / സപ്ലിമെന്‍ററി / ഇംപ്രൂവ്മെന്‍റ് പരീക്ഷകൾക്ക് പിഴ കൂടാതെ ഒക്ടോബർ ഏഴ് വരെയും 190 രൂപ പിഴയോടെ 14 വരെയും അപേക്ഷിക്കാം. ലിങ്ക് 23 മുതൽ ലഭ്യമാകും.
മൂന്നാം സെമസ്റ്റർ എംഎസ്‌സി ഹെൽത് ആൻഡ് യോഗാ തെറാപ്പി (2021 മുതൽ 2023 വരെ പ്രവേശനം) ഡിസംബർ 2024 റഗുലർ / സപ്ലിമെന്‍ററി പരീക്ഷകൾക്ക് പിഴ കൂടാതെ 26 വരെയും 190 രൂപ പിഴയോടെ ഒക്ടോബർ മൂന്ന് വരെയും അപേക്ഷിക്കാം.
ഒറ്റത്തവണ റഗുലർ സപ്ലിമെന്‍ററി പരീക്ഷ
വിദൂര വിഭാഗം അവസാന വർഷ എംഎ ഹിസ്റ്ററി (1996 മുതൽ 2007 വരെ പ്രവേശനം) വിദ്യാർഥികൾക്കുള്ള ഏപ്രിൽ 2022 ഒറ്റത്തവണ റഗുലർ സപ്ലിമെന്‍ററി പരീക്ഷ ഒക്ടോബർ നാലിന് തുടങ്ങും. കേന്ദ്രം: ടാഗോർ നികേതൻ, സർവകലാശാല ക്യാമ്പസ്. വിശദമായ സമയക്രമം വെബ്‌സൈറ്റിൽ.
പുനർമൂല്യനിർണയഫലം
ഒന്ന്, നാല്, ആറ്, ഒൻപത് സെമസ്റ്റർ (2013 പ്രവേശനം) ബിബിഎ എൽബിബി സെപ്റ്റംബർ 2023, അഞ്ചാം സെമസ്റ്റർ (2015 പ്രവേശനം) എൽഎൽബി യൂണിറ്ററി സെപ്റ്റംബർ 2023, അഞ്ചു വർഷ എൽഎൽബി എല്ലാ സെമസ്റ്ററുകളും ഒന്ന്, മൂന്ന്, നാല്, അഞ്ച് സെമസ്റ്റർ മൂന്ന് വർഷ എൽഎൽബി (2003 മുതൽ 2007 വരെ പ്രവേശനം) സെപ്റ്റംബർ 2021 ഒറ്റത്തവണ റഗുലർ സപ്ലിമെന്‍ററി പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.
നാലാം സെമസ്റ്റർ ( സിബിസിഎസ്എസ്പിജി) എംഎസ്‌സി കെമിസ്ട്രി, സുവോളജി ഏപ്രിൽ 2024 പരീക്ഷകളുടെ പുനർമൂല്യനിർണയഫലം പ്രസിദ്ധീകരിച്ചു.
മൂന്നാം സെമസ്റ്റർ ബിടെക് ( 2014 സ്‌കീം ) നവംബർ 2022 പരീക്ഷയുടെ പുനർമൂല്യനിർണയഫലം പ്രസിദ്ധീകരിച്ചു.
സൂക്ഷ്മപരിശോധനാഫലം
നാലാം സെമസ്റ്റർ (സിബിസിഎസ്എസ്പിജി) എംഎസ്‌സി സൈക്കോളജി, കമ്പ്യൂട്ടർ സയൻസ്, ഫിസിക്സ്, മാത്തമാറ്റിക്സ്, ബോട്ടണി, കെമിസ്ട്രി, സുവോളജി ഏപ്രിൽ 2024 പരീക്ഷകളുടെ സൂക്ഷ്മപരിശോധനാഫലം പ്രസിദ്ധീകരിച്ചു.