കാലിക്കട്ട് സർവകലാശാലയുടെ 2024 2025 അധ്യായന വർഷത്തെ ഏകജാലകം മുഖേനയുള്ള പിജി പ്രവേശനത്തോടനുബന്ധിച്ച് ( PG CAP) വിവിധ അഫിലിയേറ്റഡ് കോളജുകളിലെ പ്രോഗ്രാം റിസർവേഷൻ എന്നിവ തിരിച്ചുള്ള സീറ്റൊഴിവുകൾ പ്രവേശന വിഭാഗം വെബ്സൈറ്റിൽ ലഭ്യമാണ്. ഒഴിവുള്ള സീറ്റുകളിലേക്ക് ലേറ്റ് ഫീസോടുകൂടി ഓണ്‍ലൈൻ രജിസ്ട്രേഷൻ നടത്താനുള്ള സൗകര്യം ഇപ്പോൾ ലഭ്യമാണ്. പ്രവേശനം ആഗ്രഹിക്കുന്നവർ അതത് കോളജ്/ സെന്‍ററുകളുമായി ബന്ധപ്പെട്ട് ഒഴിവ് വിവരങ്ങൾ ഉറപ്പാക്കിയ ശേഷം മാത്രം അപേക്ഷ പൂർത്തിയാക്കണം. പ്രവേശന വിഭാഗം വെബ്സൈറ്റിൽ ലഭ്യമായ റാങ്ക് ലിസ്റ്റിൽ ഉൾപ്പെട്ടവരുടെ അഭാവത്തിൽ മാത്രമേ ലേറ്റ് രജിസ്ട്രേഷൻ അപേക്ഷകരെ പരിഗണിക്കൂ. മുൻപ് പിഴ കൂടാതെ രജിസ്ട്രേഷൻ പൂർത്തിയാക്കിയവർക്ക് തിരുത്തൽ സൗകര്യം ഉണ്ടായിരിക്കും, എന്നാൽ അവരെ നിലവിലുള്ള റാങ്ക് ലിസ്റ്റിലേക്ക് പരിഗണിക്കില്ല. അപേക്ഷാ ഫീസ്: ജനറൽ വിഭാഗത്തിന് 780 രൂപ. എസ്.സി./ എസ്.ടി. വിഭാഗത്തിന് 505 രൂപ. 2024 2025 അധ്യയന വർഷത്തെ ഏകജാലകം മുഖേനയുള്ള പി.ജി. പ്രവേശനത്തിനുള്ള അവസാന തീയതി ഒക്ടോബർ മൂന്ന്. കൂടുതൽ വിവരങ്ങൾ പ്രവേശന വിഭാഗം വെബ്സൈറ്റിൽ. ഫോണ് : 0494 2407016, 2660600.
ബിടെക് സ്പോട്ട് അഡ്മിഷൻ
കാലിക്കട്ട് സർവകലാശാലാ എൻജിനീയറിംഗ് കോളജിൽ അലോട്ട്മെന്റിന് ശേഷം ഒഴിവുള്ള സീറ്റുകളിലേക്ക് സ്പോട്ട് അഡ്മിഷൻ 12, 13 തീയതികളിൽ നടക്കും. കന്പ്യൂട്ടർ സയൻസ് ആൻഡ് എൻജിനീയറിംഗ്, ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനീയറിംഗ്, ഇലക്ട്രോണിക്സ് ആൻഡ്് കന്പ്യൂട്ടർ സയൻസ് എൻജിനീയറിംഗ്, ഇലക്ട്രിക്കൽ ആൻഡ്് ഇലക്ട്രോണിക്സ് എൻജിനീയറിംഗ്, മെക്കാനിക്കൽ എൻജിനീയറിംഗ്, പ്രിന്‍റിംഗ് ടെക്നോളജി എന്നീ ബ്രാഞ്ചുകളിലേക്കാണ് സ്പോട്ട് അഡ്മിഷൻ നടത്തുന്നത്. കന്പ്യൂട്ടർ സയൻസ് ബ്രാഞ്ചിലേക്കുള്ള സ്പോട്ട് അഡ്മിഷൻ 12നു രാവിലെ 11നും മറ്റു ബ്രാഞ്ചുകളിലേക്കുള്ള സ്പോട്ട് അഡ്മിഷൻ രണ്ടുദിവസങ്ങളിലും നടക്കും. KEAM റാങ്ക് ലിസ്റ്റിൽ ഉൾപ്പെടാത്തവർക്കും മാർക്ക് അടിസ്ഥാനമാക്കി പ്രവേശനത്തിന് അവസരമുണ്ടാകും. കൂടുതൽ വിവരങ്ങൾക്ക് 9567172591.
എംബിഎ സീറ്റൊഴിവ്
വടകരയിലുള്ള കാലിക്കട്ട് സർവകലാശാലാ സ്കൂൾ ഓഫ് മാനേജ്മന്‍റ് സ്റ്റഡീസിൽ എംബിഎ പ്രോഗ്രാമിന് ജനറൽ/ സംവരണ വിഭാഗങ്ങളിൽ സീറ്റൊഴിവുണ്ട്. ബിരുദ തലത്തിൽ 50 ശതമാനം മാർക്ക് (എസ്സി/എസ്ടി വിഭാഗങ്ങൾക്ക് ബിരുദം പാസ്, പിന്നോക്ക വിഭാഗക്കാർക്ക് അഞ്ചു ശതമാനം മാർക്ക് ഇളവ്) നേടിയവർക്ക് സെപ്റ്റംബർ 12 വരെ പ്രവേശന വിഭാഗം വെബ്സൈറ്റ് വഴി അപേക്ഷ സമർപ്പിക്കാം. താല്പര്യമുള്ളർ അപേക്ഷയുടെ പ്രിന്‍റ്ഒൗട്ട്, യോഗ്യതാ സർട്ടിഫിക്കറ്റുകൾ, കമ്മ്യൂണിറ്റി സർട്ടിഫിക്കറ്റ് (സംവരണ വിഭാഗക്കാർ) മുതലായവ സഹിതം 13ന് വൈകീട്ട് അഞ്ചിനു മുൻപായി കരിന്പനപ്പാലത്തുള്ള എസ്എംഎസ് ഓഫീസിൽ നേരിട്ട് ഹാജരാകണം. കൂടുതൽ വിവരങ്ങൾ പ്രവേശന വിഭാഗം വെബ്സൈറ്റിൽ. ഫോണ്: 6282478437, 9497835992.
കുറ്റിപ്പുറത്തുള്ള കാലിക്കട്ട് സർവകലാശാലാ സ്കൂൾ ഓഫ് മാനേജ്മന്‍റ് സ്റ്റഡീസിൽ എംബിഎ. പ്രോഗ്രാമിന് ഈഴവ/ എസ്സി/എസ്ടി/ ഒബിഎച്ച്/ വികലാംഗർ/ സ്പോർട്സ്/ ലക്ഷദ്വീപ്/ ഇഡബ്ല്യൂഎസ് വിഭാഗങ്ങളിൽ സീറ്റൊഴിവുണ്ട്. യോഗ്യരായവർ (ബിരുദ തലത്തിൽ 50 ശതമാനത്തിൽ കുറയാത്ത മാർക്ക്) അസൽ സർട്ടിഫിക്കറ്റുകൾ സഹിതം 11ന് വൈകീട്ട് മൂന്നിനു മുൻപായി കോളജ് ഓഫീസിൽ ഹാജരാകേണ്ടതാണ്. KMAT / CMAT യോഗ്യത ഇല്ലാത്തവർക്കും അപേക്ഷിക്കാം. എസ്സി/എസ്ടി/ഒബിസി വിഭാഗങ്ങളിലുള്ളവർക്ക് ഫീസിളവ് ലഭിക്കും. സംവരണ വിഭാഗക്കാരുടെ അഭാവത്തിൽ സീറ്റുകൾ പരിവർത്തനം ചെയ്യും. ഫോണ്: 8943129076, 8281730002, 9562065960.
അഭിമുഖം മാറ്റി
സെപ്റ്റംബർ ഒൻപതിനു നടത്താൻ നിശ്ചയിച്ചിരുന്ന കാലിക്കട്ട് സർവകലാശാലയുടെ തൃശൂരുള്ള സ്കൂൾ ഓഫ് ഡ്രാമ ആൻഡ്് ഫൈൻ ആർട്സിലെ കോ ഓർഡിനേറ്റർ ഇൻ മ്യൂസിക് കോഴ്സസ് തസ്തികയിലേക്ക് കരാർ അടിസ്ഥാനത്തിലുള്ള നിയമനത്തിനായി 12.06.2024 തീയതിയിലെ വിജ്ഞാപന പ്രകാരം അപേക്ഷിച്ചവരിൽ യോഗ്യരായവർക്കുള്ള അഭിമുഖം 19 ലേക്ക് മാറ്റി. കൂടുതൽ വിവരങ്ങൾ വെബ്സൈറ്റിൽ.
ഗസ്റ്റ് അധ്യപക നിയമനം
കാലിക്കട്ട് സർവകലാശാലാ പ്രധാന ക്യാന്പിൽ പ്രവർത്തിക്കുന്ന സെന്‍റർ ഫോർ കന്പ്യൂട്ടർ സയൻസ് ആൻഡ് ഇൻഫർമേഷൻ ടെക്നോളജിയിൽ ജാവ പഠിപ്പിക്കുന്നതിന് മണിക്കൂർ വേതനാടിസ്ഥാനത്തിലുള്ള ഒരു ഗസ്റ്റ് അധ്യാപക ഒഴിവുണ്ട്. അടിസ്ഥാന യോഗ്യത: എംസിഎ/ എം എസ് സി കന്പ്യൂട്ടർ സയൻസ്. നെറ്റ്/പിഎച്ച്ഡി ഉള്ളവർക്ക് മുൻഗണന. യോഗ്യരായവർ അസൽ സർട്ടിഫിക്കറ്റുകൾ സഹിതം 12ന് രാവിലെ 10നു മുൻപായി സെന്‍ററിൽ അഭിമുഖത്തിനു ഹാജരാകണം. കൂടുതൽ വിവരങ്ങൾക്ക് ഫോണ്: 8891301007.
പൊസിഷൻ ലിസ്റ്റ് പ്രസിദ്ധീകരിച്ചു
എംഎ മ്യൂസിക്, എംഎ ഇംഗ്ലീഷ് ലാംഗ്വേജ് ആൻഡ്് ലിറ്ററേച്ചർ (CCSS) ഏപ്രിൽ 2024, വിദൂര വിഭാഗം എംഎ ഇംഗ്ലീഷ് (CBCSS) ഏപ്രിൽ 2023 പരീക്ഷകളുടെ പൊസിഷൻ ലിസ്റ്റ് വെബ്സൈറ്റിൽ.
ഒറ്റത്തവണ റഗുലർ സപ്ലിമെന്‍ററി പരീക്ഷ അപേക്ഷ
വിദൂര വിദ്യാഭ്യാസ വിഭാഗത്തിന് കീഴിൽ കോഴ്സ് പൂർത്തിയാക്കിയതും എല്ലാ സപ്ലിമെന്‍ററി അവസരങ്ങളും അവസാനിച്ചതുമായ ( CBCSS SDE 2019 പ്രവേശനം) മൂന്നാം സെമസ്റ്റർ എംഎ, എംഎസ് സി, എംകോം സെപ്റ്റംബർ 2023 ഒറ്റത്തവണ റഗുലർ സപ്ലിമെന്‍ററി പരീക്ഷകൾക്ക് സെപ്റ്റംബർ 30 വരെ അപേക്ഷിക്കാം.
പരീക്ഷാ അപേക്ഷ
അഫിലിയേറ്റഡ് കോളജുകളിലെ മൂന്നാം സെമസ്റ്റർ (2019 പ്രവേശനം മുതൽ) ബിഎ, ബിഎസ് സി, ബിഎസ്‌സി ഇൻ ആൾട്ടർനേറ്റ് പാറ്റേണ്‍, ബികോം, ബിബിഎ, ബികോം വൊക്കേഷണൽ സ്ട്രീം, ബിസിഎ, ബിഎസ്ഡബ്ല്യൂ, ബിടിഎച്ച്എം, ബിഎച്ച്എ, ബിഎ വിഷ്വൽ കമ്മ്യൂണിക്കേഷൻ, ബിഎ ഫിലിം ആൻഡ് ടെലിവിഷൻ, ബിഎ മൾട്ടി മീഡിയ, ബിഎ അഫ്സൽ ഉൽ ഉലമ, ബിജിഎ, ബികോം ഹോണേഴ്സ്, ബികോം പ്രൊഫഷണൽ, സ്കൂൾ ഓഫ് ഡ്രാമ ആൻഡ് ഫൈൻ ആർട്സിലെ ബിടിഎ നവംബർ 2024 റഗുലർ/സപ്ലിമെന്‍ററി/ ഇംപ്രൂവ്മെന്‍റ് പരീക്ഷകൾക്ക് നീട്ടിയ തീയതി പ്രകാരം പിഴ കൂടാതെ 23 വരെയും 190 രൂപ പിഴയോടെ 25 വരെയും അപേക്ഷിക്കാം.
സിഡിഒഇ/ പ്രൈവറ്റ് രജിസ്ട്രേഷൻ വിദ്യാർഥികൾക്കുള്ള ( CBCSS UG) മൂന്നാം സെമസ്റ്റർ (2019 മുതൽ 2023 വരെ പ്രവേശനം) ബിഎ, ബിഎ പൊളിറ്റിക്കൽ സയൻസ്, ബിഎ അഫ്സൽ ഉൽ ഉലമ, ബിഎ മൾട്ടിമീഡിയ, ബിഎസ് സി, ബികോം ബിബിഎ നവംബർ 2024, (2019 ആൻഡ് 2020 പ്രവേശനം) ബിഎ മൾട്ടിമീഡിയ നവംബർ 2023 റെഗുലർ/സപ്ലിമെന്‍ററി/ ഇംപ്രൂവ്മെന്‍റ് പരീക്ഷകൾക്ക് പിഴ കൂടാതെ 30 വരെയും 190 രൂപ പിഴയോടെ ഒക്ടോബർ നാലു വരെയും അപേക്ഷിക്കാം. ലിങ്ക് 11 മുതൽ ലഭ്യമാകും.
സൂക്ഷ്മപരിശോധനാഫലം
നാലാം സെമസ്റ്റർ എംഎ ഇക്കണോമെട്രിക്സ്, ഇക്കണോമിക്സ്, പോസ്റ്റ് അഫ്സൽ ഉൽ ഉലമ, സാൻസ്കൃത് സാഹിത്യ (സ്പെഷ്യൽ), ഇംഗ്ലീഷ്, പൊളിറ്റിക്കൽ സയൻസ്, ഹിസ്റ്ററി, മലയാളം, മലയാളം വിത്ത് ജേണലിസം, മാസ്റ്റർ ഓഫ് സോഷ്യൽ വർക്ക് ഏപ്രിൽ 2024 പരീക്ഷകളുടെ സൂക്ഷ്മപരിശോധനാഫലം പ്രസിദ്ധീകരിച്ചു.
പുനർമൂല്യനിർണയഫലം
രണ്ടാം സെമസ്റ്റർ ബിഎഡ് സ്പെഷൽ എജ്യുക്കേഷൻ (ഐഡി) ഏപ്രിൽ 2023 പരീക്ഷയുടെ പുനർമൂല്യനിർണയഫലം പ്രസിദ്ധീകരിച്ചു.