ബിരുദ പ്രവേശം 2024: 23 വരെ അപേക്ഷ പൂർത്തീകരിക്കാം
2024 25 അധ്യയന വർഷത്തേക്കുള്ള ബിരുദ പ്രവേശനത്തിന്റെ മൂന്നാം അലോട്മെന്റിനെ തുടർന്നുള്ള പ്രവേശനത്തിനു ശേഷം ഒഴിവുള്ള സീറ്റുകൾ നികത്തുന്നതിനുള്ള സപ്ലിമെന്ററി അലോട്മെന്റ്/റാങ്ക് ലിസ്റ്റ് എന്നിവയിലേക്ക് പരിഗണിക്കപ്പെടുന്നതിനായി 15 മുതൽ 18ന് വൈകിട്ടു അഞ്ചുവരെ വിദ്യാർഥികൾക്ക് എഡിറ്റിംഗ് സൗകര്യം അനുവദിച്ചിരുന്നു. അതു പ്രകാരം എഡിറ്റിംഗ് സൗകര്യം ഉപയോഗിക്കുകയും എന്നാൽ അപേക്ഷ പൂർത്തീകരിക്കാത്തതുമായ വിദ്യാർഥികൾക്ക് അപേക്ഷ പൂർത്തീകരിക്കുന്നതിനുള്ള സൗകര്യം 23ന് ഉച്ചയ്ക്ക് രണ്ടുവരെ ലഭ്യമാകും. ഇവർ പൂർത്തീകരിച്ച അപേക്ഷയുടെ പ്രിന്റൗട്ട് എടുത്തു സൂക്ഷിക്കേണ്ടതുമാണ്. അപേക്ഷ പൂർത്തീകരിക്കാത്ത പക്ഷം പ്രസ്തുത വിദ്യാർഥികളെ സപ്ലിമെന്ററി അലോട്മെന്റുകളിലേക്കോ റാങ്ക് ലിസ്റ്റുകളിലേക്കോ പരിഗണിക്കില്ല. കൂടുതൽ വിവരങ്ങൾ പ്രവേശന വിഭാഗം വെബ്സൈറ്റിൽ.
സർവകലാശാലാ പഠന വകുപ്പുകളിലെ അധ്യാപക നിയമനം: ഓഗസ്റ്റ് 12 വരെ അപേക്ഷിക്കാം
കാലിക്കട്ട് സർവകലാശാലാ പഠന വകുപ്പുകളിലെ പ്രൊഫസർ, അസോസിയേറ്റ് പ്രൊഫസർ, അസിസ്റ്റന്റ് പ്രൊഫസർ ( എൻസിഎ ഒഴിവുകൾ ഉൾപ്പെടെ) തസ്തികകളിലേക്കുള്ള നിയമനത്തിന് ഓണ്ലൈൻ അപേക്ഷ സമർപ്പിക്കുന്നതിനുള്ള അവസാന തീയതി ഓഗസ്റ്റ് 12 വരെ നീട്ടി. അപേക്ഷയുടെ ഹാർഡ് കോപ്പി സമർപ്പിക്കേണ്ട അവസാന തീയതി ഓഗസ്റ്റ് 22.
പിഎച്ച്ഡി അപേക്ഷ ക്ഷണിച്ചു
കാലിക്കട്ട് സർവകലാശാലാ ഫിസിക്കൽ എജ്യുക്കേഷൻ പഠനവകുപ്പ് ഡയറക്ടർ ഡോ. കെ.പി. മനോജിന്റെ കീഴിൽ ജെആർഎഫ് കാറ്റഗറിയിൽ പിഎച്ച്ഡി പ്രവേശനത്തിന് അപേക്ഷ ക്ഷണിച്ചു. ഒരൊഴിവാണുള്ളത്. അഭിമുഖത്തിന്റെ അടിസ്ഥാനത്തിലാണ് പ്രവേശനം. യോഗ്യരായവർ അസൽ സർട്ടിഫിക്കറ്റുകൾ സഹിതം 29ന് രാവിലെ 11 ന് പഠനവകുപ്പ് ഡയറക്ടറുടെ ചേന്പറിൽ അഭിമുഖത്തിന് ഹാജരാകണം. കൂടുതൽ വിവരങ്ങൾക്ക് പഠനവകുപ്പുമായി ബന്ധപ്പെടാം.
പരീക്ഷാ അപേക്ഷ
നാലാം സെമസ്റ്റർ എംപിഎഡ് (2019 പ്രവേശനം മുതൽ) ഏപ്രിൽ 2024 റഗുലർ/ സപ്ലിമെന്ററി പരീക്ഷകൾക്ക് പിഴ കൂടാതെ ഓഗസ്റ്റ് 12 വരെയും 190 രൂപ പിഴയോടെ 17 വരെയും അപേക്ഷിക്കാം. ലിങ്ക് ജൂലൈ 29 മുതൽ ലഭ്യമാകും.
പുനർമൂല്യനിർണയഫലം
ഒന്നാം സെമസ്റ്റർ എംഎ പൊളിറ്റിക്കൽ സയൻസ് നവംബർ 2023, വിദൂര വിഭാഗം ഒന്ന്, മൂന്ന് സെമസ്റ്റർ എംഎ പൊളിറ്റിക്കൽ സയൻസ് നവംബർ 2022/ 2023, മൂന്നാം സെമസ്റ്റർ എംഎ സോഷ്യോളജി, എംഎ ഇക്കണോമിക്സ് നവംബർ 2022 / 2023, ഒന്നാം സെമസ്റ്റർ എംഎ അറബിക് നവംബർ 2022/ 2023 പരീക്ഷകളുടെയും ഒന്നാം വർഷ എംഎ അറബിക് ഏപ്രിൽ 2022 ഒറ്റത്തവണ റഗുലർ സപ്ലിമെന്ററി പരീക്ഷയുടെയും പുനർമൂല്യനിർണയ ഫലം പ്രസിദ്ധീകരിച്ചു.
വിദൂര വിദ്യാഭ്യാസ വിഭാഗം ഒന്നാം സെമസ്റ്റർ എംകോം നവംബർ 2023 പരീക്ഷയുടെ സൂക്ഷ്മപരിശോധനാ, പുനർമൂല്യനിർണയ ഫലം പ്രസിദ്ധീകരിച്ചു.