പിജി നോൺ ഇംഗ്ലീഷ് പ്രവേശനപരീക്ഷ
കാലിക്കട്ട് സര്‍വകലാശാലക്കു കീഴിലുള്ള അഫിലിയേറ്റഡ് കോളജുകളിലേക്ക് 2024 2025 അധ്യയന വര്‍ഷത്തെ പിജി ഇംഗ്ലീഷ് പ്രവേശനത്തിന് ഓണ്‍ലൈന്‍ അപേക്ഷ സമര്‍പ്പിച്ച, ബിരുദ തലത്തില്‍ ഇംഗ്ലീഷ് കോര്‍ വിഷയമായി പഠിച്ചിട്ടില്ലാത്തവര്‍ക്കുള്ള പ്രവേശന പരീക്ഷക്ക് ഹാജരാകാന്‍ താത്പര്യമുള്ളവര്‍ സര്‍വകലാശാല വെബ്‍സൈറ്റില്‍ ലഭ്യമാക്കിയിട്ടുള്ള ലിങ്ക് വഴി, 23ന് വൈകുന്നേരം നാലിനുള്ളിൽ ലോഗിന്‍ ചെയ്ത് പരീക്ഷയ്ക്ക് ഹാജരാകാന്‍ കണ്‍ഫര്‍മേഷന്‍ നല്‍കേണ്ടതാണ്. പരീക്ഷാ കേന്ദ്രം, തീയതി, സമയം എന്നിവയെകുറിച്ചുള്ള വിവരങ്ങള്‍ പിന്നീട് ലഭ്യമാക്കും.
വുമൺ സ്റ്റഡീസ് പഠനവകുപ്പിൽ പിജി പ്രവേശനം
കാലിക്കട്ട് സർവകലാശാലാ വുമൺ സ്റ്റഡീസ് പഠനവകുപ്പിൽ 2024 2025 അധ്യയന വർഷത്തേക്കുള്ള പിജി പ്രവേശനത്തിന് നിലവിൽ ഒഴിവുള്ള സീറ്റുകളിലേക്കുള്ള പ്രവേശനം 23 ന് നടക്കും. യോഗ്യരായവർക്ക് പ്രവേശന മെമ്മോ ഇ മെയിൽ ചെയ്തിട്ടുണ്ട്. വിദ്യാർഥികൾ അസൽ സർട്ടിഫിക്കറ്റുകൾ സഹിതം രാവിലെ 10.30 ന് വുമൺ സ്റ്റഡീസ് പഠനവകുപ്പിൽ ഹാജരാകേണ്ടതാണ്. ഫോൺ: 8848620035, 9497785313.
വൈവ
ജൂലൈ 24 ന് നടത്താൻ നിശ്ചയിച്ചിരുന്ന വിദൂര വിദ്യാഭാസ വിഭാഗം വിദ്യാർഥികൾക്കുള്ള നാലാം സെമസ്റ്റർ എംഎ ഫിലോസഫി (എസ്ഡിഇ സിബിസിഎസ്എസ്) ഏപ്രിൽ 2024 വൈവ ജൂലൈ 30ന് നടത്തും. കേന്ദ്രം: ഫിലോസഫി പഠന വകുപ്പ് കാലിക്കട്ട് സർവകലാശാലാ ക്യാമ്പസ്. വിശദമായ സമയക്രമം വെബ്‌സൈറ്റിൽ.
പ്രാക്ടിക്കൽ പരീക്ഷ
നാലാം സെമസ്റ്റർ ബിഎ മൾട്ടിമീഡിയ ഏപ്രിൽ 2024 പ്രാക്ടിക്കൽ പരീക്ഷകൾ ജൂലൈ 29ന് തുടങ്ങും.
മൂന്നാം സെമസ്റ്റർ ബിപിഎഡ് നവംബർ 2023 ടീച്ചിംഗ് പ്രാക്ടിക്കൽ പരീക്ഷ ജൂലൈ 23, 24 തീയതികളിൽ കോഴിക്കോട് ഗവ. കോളജ് ഓഫ് ഫിസിക്കൽ എജ്യുക്കേഷനിലും 25, 26 തീയതികളിൽ സർവകലാശാലാ ക്യാമ്പസിലെ സെന്‍റർ ഫോർ ഫിസിക്കൽ എജ്യുക്കേഷനിലും നടക്കും.
നാലാം വർഷ ഇന്‍റഗ്രേറ്റഡ് ബിപിഎഡ് ഏപ്രിൽ 2024 കോച്ചിംഗ് എബിലിറ്റി പ്രാക്ടിക്കൽ പരീക്ഷ ജൂലൈ 29 ന് കോഴിക്കോട് ഗവ. കോളജ് ഓഫ് ഫിസിക്കൽ എജ്യുക്കേഷനിലും 30ന് ചക്കിട്ടപാറയിൽ സ്ഥിതിചെയ്യുന്ന സർവകലാശാലാ സെന്‍റർ ഫോർ ഫിസിക്കൽ എജ്യുക്കേഷനിലും 31ന് സർവകലാശാലാ ക്യാമ്പസിലെ സെന്‍റർ ഫോർ ഫിസിക്കൽ എജ്യുക്കേഷനിലും നടക്കും. വിശദമായ സമയക്രമം വെബ്‌സൈറ്റിൽ.
പരീക്ഷ
അഫിലിയേറ്റഡ് കോളജുകളിലെ രണ്ടാം സെമസ്റ്റർ എംഎസ്‌സി മൈക്രോബയോളജി (സിബിസിഎസ്എസ് 2020 പ്രവേശനം മുതൽ) ഏപ്രിൽ 2024 റഗുലർ / സപ്ലിമെന്‍ററി / ഇംപ്രൂവ്മെന്‍റ് പരീക്ഷകൾ പുതുക്കിയ വിജ്ഞാപന പ്രകാരം ജൂലൈ 22ന് തുടങ്ങും.
എംബിഎ ഫുൾ ടൈം /പാർട്ട് ടൈം, എംബിഎ ഇന്‍റർനാഷണൽ ഫിനാൻസ്, എംബിഎ ഹെൽത് കെയർ മാനേജ്‌മെന്‍റ് (സിയുസിഎസ്എസ് 2019 പ്രവേശനം മുതൽ) ജൂലൈ 2024 റഗുലർ / സപ്ലിമെന്‍ററി രണ്ടാം സെമസ്റ്റർ പരീക്ഷകൾ ആഗസ്റ്റ് 22 നും നാലാം സെമസ്റ്റർ പരീക്ഷകൾ 21 നും തുടങ്ങും. വിശദമായ സമയക്രമം വെബ്‌സൈറ്റിൽ.
പരീക്ഷാഫലം
നാലാം സെമസ്റ്റർ എംഎസ്‌സി റേഡിയേഷൻ ഫിസിക്സ് (2022 പ്രവേശനം) ഏപ്രിൽ 2024 റഗുലർ പരീക്ഷകളുടെ ഫലം പ്രസിദ്ധീകരിച്ചു.
എട്ടാം സെമസ്റ്റർ ബിടെക് ഏപ്രിൽ 2024 റഗുലർ, നവംബർ 2023 (2019 സ്‌കീം) സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് ആഗസ്റ്റ് ഏഴ് വരെ അപേക്ഷിക്കാം.
പുനർമൂല്യനിർണയഫലം
വിദൂര വിഭാഗം ഒന്നാം വർഷ എംഎസ്‌സി മാത്തമാറ്റിക്സ് ഏപ്രിൽ 2022 ഒറ്റത്തവണ റഗുലർ സപ്ലിമെന്‍ററി പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.
വിദൂര വിഭാഗം ഒന്നാം സെമസ്റ്റർ ബിഎ, ബിഎസ്‌സി, ബിഎ അഫ്സൽ ഉൽ ഉലമ (സിബിസിഎസ്എസ്, സിയുസിബിസിഎസ്എസ്) നവംബർ 2023 റഗുലർ / സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.
നാലാം സെമസ്റ്റർ ഇന്‍റഗ്രേറ്റഡ് എംഎസ്‌സി സ്റ്റാറ്റിസ്റ്റിക്‌സ്, ഇന്‍റഗ്രേറ്റഡ് എംഎസ്‌സി ബോട്ടണി വിത് കംപ്യൂട്ടേഷണൽ ബയോളജി ഏപ്രിൽ 2023 പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.
സൂക്ഷ്മപരിശോധനാഫലം
ഒന്നാം സെമസ്റ്റർ ഇന്‍റഗ്രേറ്റഡ് എംഎസ്‌സി സൈക്കോളജി നവംബർ 2022 പരീക്ഷയുടെ സൂക്ഷ്മപരിശോധനാ ഫലം പ്രസിദ്ധീകരിച്ചു.