ബിഎഡ് സെന്‍ററിൽ അധ്യപക നിയമനം
കോഴിക്കോട് കല്ലായിയിലുള്ള കാലിക്കട്ട് സർവകലാശാലാ ടീച്ചർ എഡ്യുക്കേഷൻ സെന്‍ററിൽ കരാറടിസ്ഥാനത്തിൽ അസിസ്റ്റന്‍റ് പ്രഫസർ അറബിക് തസ്തികയിൽ ഒരൊഴിവ് ഉണ്ട്. അഭിമുഖം 15ന് രാവിലെ 11ന്. ഫോണ്: 9447074350, 9447234113.
മഞ്ചേരിയിൽ സ്ഥിതിചെയ്യുന്ന കാലിക്കട്ട് സർവകലാശാല ബിഎഡ് സെന്‍ററിൽ ഫിസിക്കൽ എഡ്യുക്കേഷൻ, ഫൈൻ ആർട്സ്, പെർഫോമിംഗ് ആർട്സ് (മ്യൂസിക് /ഡാൻസ്/ ഡ്രാമ) എന്നീ വിഷയങ്ങളിൽ മണിക്കൂർ വേതനാടിസ്ഥാനത്തിൽ താത്കാലിക അധ്യാപക നിയമനത്തിന് അപേക്ഷ ക്ഷണിച്ചു. യോഗ്യത: ബന്ധപ്പെട്ട വിഷയത്തിൽ 55 ശതമാനം മാർക്കിൽ കുറയാത്ത ബിരുദാനന്തര ബിരുദം. ഫിസിക്കൽ എഡ്യുക്കേഷൻ അധ്യാപക നിയമനത്തിന് യോഗാ പരിശീലന യോഗ്യത അഭികാമ്യം. വയസ്, യോഗ്യത, പ്രവൃത്തിപരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകളും അവയുടെ സ്വയം സാക്ഷ്യപെടുത്തിയ പകർപ്പുകളുമായി 17ന് രാവിലെ 11ന് മഞ്ചേരി ചെരണിയിലുള്ള ഓഫീസിൽ നേരിട്ട് ഹാജരാകണം. ഫോണ് : 9447120120.
അഫിലിയേറ്റഡ് കോളേജുകളിലെ ഇന്‍റഗ്രേറ്റഡ് പിജി പ്രവേശനം
അഫിലിയേറ്റഡ് കോളജുകളിലെ 2024 2025 അധ്യയന വർഷത്തേക്കുള്ള ഇന്‍റഗ്രേറ്റഡ് പിജി പ്രോഗ്രാമുകളുടെ പ്രവേശനത്തിന് ഓണ്‍ലൈനായി രജിസ്റ്റർ ചെയ്ത വിദ്യാർഥികൾ നേരത്തെ സമർപ്പിച്ച അപേക്ഷയിൽ തെറ്റുകൾ ഉണ്ടെങ്കിൽ തിരുത്തുന്നതിനും (ഇമെയിൽ ഐഡി, മൊബൈൽ നന്പർ, പേര്, രജിസ്റ്റർ നന്പർ, ജനന തിയതി എന്നിവ ഒഴികെ) പുതുതായി കൂട്ടിച്ചേർക്കലുകൾ നടത്തുന്നതിനുമുള്ള സൗകര്യം 11 മുതൽ 15 വരെ ലഭ്യമാകും. ഫസ്റ്റ് ഓപ്ഷനിൽ അലോട്ട്മെന്‍റ് ലഭിച്ച് പ്രവേശനം നേടിയവർ, ലഭിച്ച അലോട്ട്മെന്റിൽ തൃപ്തരായി ഹയർ ഓപ്ഷനുകൾ റദ്ദ് ചെയ്ത് പ്രവേശനം നേടിയവർ എന്നിവരൊഴികെ എല്ലാവർക്കും തിരുത്തലിനുള്ള സൗകര്യം ലഭ്യമാകും. അലോട്ട്മെന്‍റ് ലഭിച്ച് സർവകലാശാല നിർദേശങ്ങൾ പാലിക്കാതെ വിവിധ ഘട്ടങ്ങളിൽ അലോട്ട്മെന്റിൽ നിന്നു പുറത്തു പോയവർ എഡിറ്റ് ചെയ്ത് അപേക്ഷ പൂർത്തീകരിച്ചാൽ മാത്രം റാങ്ക് ലിസ്റ്റിലേക്ക് പരിഗണിക്കുന്നതായിരിക്കും. 11 മുതൽ 15 വരെ ലേറ്റ് രജിസ്ട്രേഷൻ സൗകര്യം ഉണ്ടായിരിക്കുന്നതല്ല.
ഡെസർട്ടേഷൻ സമർപ്പണം
നാലാം സെമസ്റ്റർ എംബിഎ ഇന്‍റർനാഷണൽ ഫിനാൻസ്, ഹെൽത്ത് കെയർ മാനേജ്മന്‍റ് ജൂലൈ 2024 പരീക്ഷയുടെ ഡെസർട്ടേഷൻ പരീക്ഷാഭവനിൽ സമർപ്പിക്കേണ്ട അവസാന തീയതി ജൂലൈ 29.
വൈവ
വിദൂര വിദ്യാഭാസ വിഭാഗം വിദ്യാർഥികൾക്കായുള്ള നാലാം സെമസ്റ്റർ എംകോം ( ടഉഋ ഇആഇടട ) ഏപ്രിൽ 2024 വൈവ നടത്തപ്പെടുന്ന ജില്ല, കേന്ദ്രം, തീയതിൽ എന്നിവ ക്രമത്തിൽ. (1) തൃശ്ശൂർ ശ്രീ.സി. അച്യുത മേനോൻ ഗവ കോളേജ് 18, 20. (2) പാലക്കാട് എസ്.എൻ.ജി.എസ് കോളേജ് പട്ടാന്പി 18. (3) മലപ്പുറം എംഇഎസ്. കേവീയം കോളേജ് വളാഞ്ചേരി 20, 21. (4) വയനാട് ഡബ്ല്യൂഎംഒ കോളേജ് മുട്ടിൽ 23. (5) കോഴിക്കോട് ഗവ കോളേജ് മടപ്പള്ളി 20, 27.
തൃശ്ശൂർ, പാലക്കാട് ജില്ലകളിലെ വിദൂര വിദ്യാഭാസ വിഭാഗം വിദ്യാർഥികൾക്കായുള്ള നാലാം സെമസ്റ്റർ എം.എ. ഇക്കണോമിക്സ് ഏപ്രിൽ 2024 വൈവ 15, 17, 18, 19 തീയതികളിയിൽ നടക്കും. കേന്ദ്രം: പഴഞ്ഞി എംഡി കോളേജ് തൃശ്ശൂർ. കോഴിക്കോട്, മലപ്പുറം, വയനാട് ജില്ലകളിലെ വിദ്യാർഥികൾക്കായുള്ള വൈവ 17, 18, 19 തീയതികളിലും നടക്കും. കേന്ദ്രം: ഗവ. ആർട്സ് ആൻഡ് സയൻസ് കോളേജ് കോഴിക്കോട്.
വിദൂര വിദ്യാഭാസ വിഭാഗം വിദ്യാർഥികൾക്കായുള്ള നാലാം സെമസ്റ്റർ എം എ സംസ്കൃതം (ലാംഗ്വേജ് ആൻഡ് ലിറ്ററേച്ചർ, സാഹിത്യം) ഏപ്രിൽ 2024 വൈവ 19ന് നടക്കും. കേന്ദ്രം: എസ്എൻജിഎസ് കോളജ്, പട്ടാന്പി.
വിദൂര വിദ്യാഭാസ വിഭാഗം വിദ്യാർഥികൾക്കായുള്ള നാലാം സെമസ്റ്റർ എംഎ പൊളിറ്റിക്കൽ സയൻസ് ഏപ്രിൽ 2024 വൈവ 17ന് തുടങ്ങും. കേന്ദ്രം: പൊളിറ്റിക്കൽ സയൻസ് പഠന വകുപ്പ് കാലിക്കട്ട് സർവകലാശാലാ കാന്പസ്.
വിദൂര വിദ്യാഭാസ വിഭാഗം വിദ്യാർഥികൾക്കായുള്ള നാലാം സെമസ്റ്റർ എംഎ ഇംഗ്ലീഷ് (ടഉഋ ഇആഇടട) ഏപ്രിൽ 2024 വൈവ 18ന് തുടങ്ങും. കേന്ദ്രം: കോഴിക്കോട് സെന്‍റ് ജോസഫ് കോളജ്, ദേവഗിരി.
നാലാം സെമസ്റ്റർ എംടിഎച്ച്എം ഏപ്രിൽ 2024 പരീക്ഷയുടെ പ്രോജക്ട് ഇവാലുവേഷനും വൈവയും 12ന് നടക്കും. കേന്ദ്രം: എംഇഎസ് ആർട്സ് ആൻഡ്് സയൻസ് കോളജ്, പെരിന്തൽമണ്ണ. വിശദമായ സമയക്രമം വെബ്സൈറ്റിൽ.
പരീക്ഷ
മൂന്നാം വർഷ ഇന്‍റഗ്രേറ്റഡ് ബിപിഎഡ്. (2016 പ്രവേശനം മുതൽ) ഏപ്രിൽ 2024 റഗുലർ/സപ്ലിമെന്‍ററി പരീക്ഷകൾ ഓഗസ്റ്റ് 30ന് തുടങ്ങും. വിശദമായ സമയക്രമം വെബ്സൈറ്റിൽ.
പരീക്ഷാഫലം
രണ്ട്, നാല് സെമസ്റ്റർ എംസിഎ സെപ്റ്റംബർ 2023 ഒറ്റത്തവണ റഗുലർ സപ്ലിമെന്‍ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 20വരെ അപേക്ഷിക്കാം.
അഞ്ചാം സെമസ്റ്റർ ബിടെക് ( 2004 സ്കീം 2004 മുതൽ 2008 വരെ പ്രവേശനം) ഏപ്രിൽ 2022 ഒറ്റത്തവണ റഗുലർ സപ്ലിമെന്‍ററി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 29 വരെ അപേക്ഷിക്കാം.