2024 2025 അധ്യയന വര്‍ഷത്തേക്കുള്ള ബിരുദ പ്രവേശനത്തിന്‍റെ മൂന്നാമത്തെ അലോട്ട്മെന്‍റ് ലഭിച്ച എല്ലാ വിദ്യാർഥികളും മാന്‍ഡേറ്ററി ഫീസ് അടച്ച് അഡ്മിറ്റ് കാർഡ് ഡൗൺലോഡ് ചെയ്ത ശേഷം ഇന്ന് ഉച്ചയ്ക്ക് ശേഷം മൂന്നിന് മുൻപായി കോളജിൽ ഹാജരായി സ്ഥിര പ്രവേശനം നേടേണ്ടന്താണ്. അല്ലാത്ത പക്ഷം പ്രസ്തുത വിദ്യാർഥികൾക്ക് ലഭിച്ച അലോട്ട്മെന്‍റ് നഷ്ടപ്പെടുന്നതായിരിക്കും. പുതുതായി അലോട്ട്മെന്‍റ് ലഭിച്ചവർ മാന്‍ഡേറ്ററി ഫീസ് അടച്ച ശേഷമാണ് കോളജുകളിൽ പ്രവേശനം നേടേണ്ടത്. ഒന്ന്, രണ്ട് അലോട്ട്മെന്‍റ് ലഭിച്ച് മാന്‍ഡേറ്ററി ഫീസ് അടച്ചവർ (അലോട്ട്മെന്‍റ് മാറിയിട്ടുണ്ടെങ്കിലും) വീണ്ടും ഫീസ് അടയ്ക്കേണ്ടതില്ല. രണ്ടാം അലോട്ട്മെന്‍റില്‍ പ്രവേശനം നേടിയ വിദ്യാർഥികള്‍ക്ക് മൂന്നാം അലോട്ട്മെന്‍റില്‍ ഹയര്‍ ഓപ്ഷനിലേക്ക് അലോട്ട്മെന്‍റ് ലഭിച്ചിട്ടുണ്ടെങ്കില്‍ രണ്ടാം അലോട്ട്മെന്‍റില്‍ പ്രവേശനം നേടിയ കോളജില്‍നിന്നും നിര്‍ബന്ധമായും വിടുതല്‍ വാങ്ങേണ്ടതും മൂന്നാം അലോട്ട്മെന്‍റില്‍ ലഭിച്ച കോളജില്‍ പ്രവേശനം നേടണം. ലഭിച്ച ഓപ്ഷനില്‍ തൃപ്തരായവർ ഹയര്‍ ഓപ്ഷനുകള്‍ക്ക് പരിഗണിക്കേണ്ടതില്ലെങ്കില്‍ ഇന്ന് മൂന്നിന് മുൻപായി നിര്‍ബന്ധമായും ഹയര്‍ ഓപ്ഷന്‍ റദ്ദാക്കണം. ഹയര്‍ ഓപ്ഷനുകള്‍ നിലനിര്‍ത്തുന്ന പക്ഷം പ്രസ്തുത ഹയര്‍ ഓപ്ഷനുകളില്‍ ഏതെങ്കിലും ഒന്നിലേക്ക് സപ്ലിമെന്‍ററി അലോട്ട്മെന്‍റ് ലഭിച്ചാല്‍ ആയത് നിര്‍ബന്ധമായും സ്വീകരിക്കണം. ഇതോടെ മുമ്പ് അലോട്ട്മെന്‍റ് മുഖേന ലഭിച്ച അഡ്മിഷന്‍ നഷ്ടപ്പെടുന്നതും ആയത് യാതൊരു കാരണവശാലും പുനഃസ്ഥാപിച്ചു നല്‍കില്ല.
എംഎ എപ്പിഗ്രാഫി ആൻഡ് മാനുസ്ക്രിപ്റ്റോളജി പ്രവേശന പരീക്ഷ ഒഴിവാക്കി 2024 2025 അധ്യയന വര്‍ഷത്തെ കാലിക്കട്ട് സര്‍വകലാശാലാ പഠന വകുപ്പിലെ എംഎ എപ്പിഗ്രാഫി ആൻഡ് മാനുസ്ക്രിപ്റ്റോളജി പ്രോഗ്രാമിന്‍റെ പ്രവേശനത്തിനായി നടത്താനിരുന്ന പ്രവേശന പരീക്ഷ ഒഴിവാക്കി. യോഗ്യതാ പരീക്ഷയുടെ മാര്‍ക്ക് അനുസരിച്ച് തയാറാക്കുന്ന റാങ്ക് ലിസ്റ്റിന്‍റെ അടിസ്ഥാനത്തിലായിരിക്കും പ്രവേശനം. സ്വാശ്രയ രീതിയിൽ നടത്തുന്ന പ്രസ്തുത പ്രോഗ്രാമിലേക്ക് അപേക്ഷ സമർപ്പിച്ചവർ യോഗ്യതാ പരീക്ഷയുടെ മാര്‍ക്ക് ലിസ്റ്റിന്‍റെ പകര്‍പ്പ്
[email protected] എന്ന ഇമെയിൽ വിലാസത്തിലേക്ക് ജൂലൈ 12ന് മൂന്നു മണിക്ക് മുൻപായി അയക്കേണ്ടതാണ്. ഫോൺ: 0494 2407608.
വുമൺ സ്റ്റഡീസ് പഠനവകുപ്പിൽ പിജി പ്രവേശനം കാലിക്കട്ട് സർവകലാശാലാ വുമൺ സ്റ്റഡീസ് പഠനവകുപ്പിൽ 2024 2025 അധ്യയന വർഷത്തേക്കുള്ള പിജി പ്രവേശനത്തിന് വെയ്റ്റിംഗ് ലിസ്റ്റിൽ ഉൾപെട്ടവരുടെ പ്രവേശനം ജൂലൈ 12 ന് നടക്കും. യോഗ്യരായവർക്ക് പ്രവേശന മെമ്മോ ഇ മെയിൽ ചെയ്തിട്ടുണ്ട്. വിദ്യാർഥികൾ അസൽ സർട്ടിഫിക്കറ്റുകൾ സഹിതം രാവിലെ 10.30 ന് പഠനവകുപ്പിൽ ഹാജരാകേണ്ടതാണ്. ഫോൺ: 8848620035, 9497785313.
എൻഎസ്എസ് ഗ്രേസ് മാർക്ക് സർവകലാശാലാ ടീച്ചർ എജുക്കേഷൻ സെന്‍ററുകളിലെയും ( CUTEC ) അഫിലിയേറ്റഡ് കോളജുകളിലെയും 2022 പ്രവേശനം ബിഎഡ് വിദ്യാർഥികളിൽ എൻഎസ്എസ് ഗ്രേസ് മാർക്കിന് അർഹരായവർക്ക് എൻറോൾ ചെയ്യുന്നതിനുള്ള ലിങ്ക് ജൂലൈ 15 മുതൽ 19 വരെ സെൻട്രലൈസ്ഡ് കോളജ് പോർട്ടലിൽ ലഭ്യമാകും. എൻഎസ്എസ് വിദ്യാർഥികളുടെ വിവരങ്ങൾ റെക്കോർഡ് ചെയ്യുന്നതിനുള്ള ലിങ്ക് ജൂലൈ 22 മുതൽ ആഗസ്റ്റ് ഒന്ന് വരെ ലഭ്യമാകും.
പുനഃപരീക്ഷ സർവകലാശാലാ പഠന വകുപ്പുകളിലെ ( സിസിഎസ്എസ് പിജി 2022 പ്രവേശനം മാത്രം ) നാലാം സെമസ്റ്റർ എംഎസ്‌സി മാത്തമാറ്റിക്സ് MAT4E26 Graph Theory പേപ്പർ, എം.എ. ഇക്കണോമിക്സ് ECO4E12 ഇന്ത്യൻ ഫിനാൻഷ്യൽ സിസ്റ്റം പേപ്പർ ഏപ്രിൽ 2024 റഗുലർ പരീക്ഷകൾ ജൂലൈ 18ന് നടത്തും. പരീക്ഷാ കേന്ദ്രങ്ങൾക്ക് മാറ്റമില്ല.
പ്രാക്ടിക്കൽ പരീക്ഷ ഒന്നാം സെമസ്റ്റർ ബിവോക് ഡാറ്റാ സയൻസ് ആൻഡ് അനലറ്റിക്സ് (2023 പ്രവേശനം) നവംബർ 2023 പ്രാക്ടിക്കൽ പരീക്ഷകൾ ജൂലൈ 15ന് തുടങ്ങും. കേന്ദ്രം: എംഇഎസ് പൊന്നാനി കോളജ്, എംഇഎസ് കല്ലടി കോളജ്.
നാലാം സെമസ്റ്റർ ബിവോക് ഒപ്‌റ്റോമെട്രി ആൻഡ് ഒഫ്താൽമോളജിക്കൽ ടെക്‌നിക്‌സ് (2022 ബാച്ച്) ഏപ്രിൽ 2024 പ്രാക്ടിക്കൽ പരീക്ഷകൾ ജൂലൈ 11ന് തുടങ്ങും. കേന്ദ്രം: വളാഞ്ചേരി എംഇഎസ് കേവീയം കോളജ്. വിശദമായ സമയക്രമം വെബ്‌സൈറ്റിൽ.
പരീക്ഷ സർവകലാശാലാ പഠനവകുപ്പിലെ രണ്ടാം സെമസ്റ്റർ (സിസിഎസ്എസ് പിജി 2022 പ്രവേശനം ) എംഎസ്‌സി അപ്ലൈഡ് സൈക്കോളജി PSY 2E 04 Psychology of Gender പേപ്പർ ഏപ്രിൽ 2024 സപ്ലിമെന്‍ററി / ഇംപ്രൂവ്മെന്‍റ് പരീക്ഷ ജൂലൈ 18ന് നടത്തും.
ഒന്നാം സെമസ്റ്റർ വിവിധ എംവോക് നവംബർ 2022, നവംബർ 2023 റഗുലർ / സപ്ലിമെന്‍ററി / ഇംപ്രൂവ്മെന്‍റ് പരീക്ഷകൾ ജൂലൈ 31ന് തുടങ്ങും. വിശദമായ സമയക്രമം വെബ്‌സൈറ്റിൽ.
പരീക്ഷാഫലം ഒന്നാം സെമസ്റ്റർ (സിബിസിഎസ്എസ്) വിവിധ ഇന്‍റഗ്രേറ്റഡ് പിജി ( 2021 പ്രവേശനം മുതൽ ) നവംബർ 2023 റഗുലർ / സപ്ലിമെന്‍ററി / ഇംപ്രൂവ്മെന്‍റ്, ( 2020 പ്രവേശനം മാത്രം ) നവംബർ 2022 സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിന് 20 വരെ അപേക്ഷിക്കാം.
പുനർമൂല്യനിർണയഫലം വിദൂര വിദ്യാഭ്യാസ വിഭാഗം ഒന്നാം സെമസ്റ്റർ (സിബിസിഎസ്എസ് ആൻഡ് സിയുസിബിസിഎസ്എസ് യുജി) ബികോം, ബിബിഎ നവംബർ 2023 റഗുലർ / സപ്ലിമെന്‍ററി / ഇംപ്രൂവ്മെന്‍റ് പരീക്ഷകളുടെ പുനർമൂല്യനിർണയ ഫലം പ്രസിദ്ധീകരിച്ചു.