അപ്രന്‍റീസ് ട്രെയിനിംഗ്: രണ്ടായിരത്തോളം ഒഴിവുകൾ
തിരുവനന്തപുരം: സംസ്ഥാനത്തെ വിവിധ സര്‍ക്കാര്‍ / പൊതുമേഖലാ സ്വകാര്യ സ്ഥാപനങ്ങളിലെ രണ്ടായിരത്തോളം ഒഴിവുകളിലേക്ക് കളമശേരി സൂപ്പര്‍വൈസറി ഡെവലപ്മെന്‍റ് സെന്‍ററും ചെന്നൈയിലെ ദക്ഷിണമേഖലാ ബോര്‍ഡ് ഓഫ് അപ്രന്‍റീസ്ഷിപ്പ് ട്രെയിനിംഗും ചേ‍ര്‍ന്ന് 28നു രാവിലെ ഒന്പതിന് പാലക്കാട് പോളിടെക്നിക് കോളജില്‍വച്ച് അപ്രന്‍റീസുകളെ തെരഞ്ഞെടുക്കുന്നു.
കൊച്ചി മെട്രോ, കൊച്ചിന്‍ ഷിപ്പിയാര്‍ഡ്, ബിപിസിഎല്‍ കൊച്ചിന്‍ റിഫൈനറി, എഫ്എസിടി, ഡിപി വേള്‍ഡ്, കെഎസ്ഇബി, ബിഎസ്എന്‍എല്‍, കേന്ദ്ര പ്രതിരോധവകുപ്പിന് കീഴിലുള്ള സ്ഥാപനങ്ങള്‍, കൊച്ചി ഇന്‍റർനാഷണല്‍ എയര്‍പോര്‍ട്ട്, കണ്ണൂര്‍ എയര്‍പോര്‍ട്ട്, ഹിന്ദുസ്ഥാന്‍ യൂണിലിവര്‍ തുടങ്ങി നിരവധി സ്ഥാപനങ്ങള്‍ പങ്കെടുക്കും. ത്രിവത്സര പോളിടെക്നിക് ഡിപ്ലോമ, ബിടെക്, ബിഎ, ബിഎസ്‌സി, ബികോം, ബിബിഎ, ബിസിഎ, നഴ്സിംഗ്, ബിഫാം, ഡിഫാം, ഹോട്ടല്‍ മാനേജ്‌മെന്‍റ് തുടങ്ങിയ കോഴ്സുകള്‍ പാസായി അഞ്ച് വര്‍ഷം കഴിയാത്തവര്‍ക്കും അപ്രന്‍റീസ് ആക്ട് പ്രകാരം പരിശീലനം ലഭിക്കാത്തവര്‍ക്കുമാണ് അവസരം.
താത്പര്യമുള്ളവ‍ര്‍ എസ്ഡി സെന്‍ററില്‍ രജിസ്റ്റര് ചെയ്ത് കഴിഞ്ഞതിനു ശേഷം ഇ മെയില്‍ മുഖേന ലഭിച്ച രജിസ്ട്രേഷന്‍ കാര്‍ഡും സര്‍ട്ടിഫിക്കറ്റുകളുടെയും മാര്‍ക്ക് ലിസ്റ്റുകളുടെയും അസലും പകര്‍പ്പുകളും ബയോഡാറ്റയുടെ പകര്‍പ്പുകളും സഹിതം അഭിമുഖത്തിന് ഹാജരാകണം.
അഭിമുഖത്തില്‍ പങ്കെടുക്കാന്‍ ഉദ്യോഗാര്‍ഥികള്‍ സൂപ്പര്‍വൈസറി ഡെവലപ്മെന്‍റ സെന്‍ററില്‍ 26നു മുന്‍പായി ഓണ്‍ലൈന്‍ വഴി രജിസ്റ്റര് ചെയ്യണം. കൂടുതല്‍ വിവരങ്ങള്‍ക്ക്: www.sdcentre.org, 0484 2556530,