ജർമനിയിൽ ഇലക്‌ട്രീഷൻ ഒഴിവുകൾ; നോർക്ക റൂട്ട്സ് റിക്രൂട്ട്മെന്‍റിലേക്ക് ഇപ്പോൾ അപേക്ഷിക്കാം
തിരുവനന്തപുരം: ജർമനിയിലെ ഇലക്‌ട്രീഷ്യൻമാരുടെ ഇരുപതോളം ഒഴിവുകളിലേക്കു സംസ്ഥാന സർക്കാർ സ്ഥാപനമായ നോർക്ക റൂട്ട്സ് വഴി ഇപ്പോൾ അപേക്ഷിക്കാം.
ജർമൻ സർക്കാരിന്‍റെ ഹാൻഡ് ഇൻ ഹാൻഡ് ഫോർ ഇന്‍റർനാഷണൽ ടാലന്‍റ്സ് പ്രോഗ്രാമിന്റെ ഭാഗമായി ഇന്തോജർമൻ ചേംബർ ഓഫ് കൊമേഴ്സുമായി സഹകരിച്ചാണ് റിക്രൂട്ട്മെന്‍റ്. ഇലക്‌ട്രിക്കൽ അല്ലെങ്കിൽ ഇലക്‌ട്രോണിക്സിൽ അംഗീകൃത ഡിപ്ലോമ/ഐടിഐ, ബിടെക്ക് വിദ്യാഭ്യസയോഗ്യതയും രണ്ടു മുതൽ അഞ്ചു വർഷം വരെ പ്രവൃത്തിപരിചയവും, ഇംഗ്ലീഷ് ഭാഷാ പരിജ്ഞാനവും ഉള്ളവർക്ക് അപേക്ഷിക്കാം. പത്തു വർഷത്തിലധികം പ്രവൃത്തിപരിചയമുള്ളവർ അപേക്ഷിക്കേണ്ടതില്ല.
ഇലക്‌ട്രിക്കൽ & കണ്ട്രോൾ എൻജിനിയറിംഗ്, മെഷീൻ സേഫ്റ്റി മേഖലകളിൽ തൊഴിൽ നൈപുണ്യമുള്ളവരുമാകണം അപേക്ഷകർ. ജർമൻ ഭാഷാ യോഗ്യതയുളളവർക്ക് മുൻഗണന ലഭിക്കുന്നതാണ്. വിശദമായ സിവിയും വിദ്യാഭ്യാസം, പ്രവൃത്തിപരിചയം, പാസ്പോർട്ട്, ഭാഷായോഗ്യത പരിക്ഷയുടെ ഫലം (ബാധകമെങ്കിൽ) എന്നിവയുടെ പകർപ്പുകൾ സഹിതം എന്നീ വെബ്സൈറ്റുകൾ സന്ദർശിച്ച് 24 നകം അപേക്ഷ നൽകണമെന്ന് നോർക്ക റൂട്ട്സ് ചീഫ് എക്സിക്യൂട്ടീവ് ഓഫീസർ അജിത് കോളശേരി അറിയിച്ചു.
പന്ത്രണ്ടു മാസത്തോളം നീളുന്ന ബി വണ്‍ വരെയുള്ള ജർമൻ ഭാഷാപഠനത്തിനും, കുറഞ്ഞത് അഞ്ചു വർഷത്തേക്കെങ്കിലും ജർമനിയിൽ താമസിക്കാൻ തയാറാകുന്നവരുമാകണം അപേക്ഷകർ.
കൂടുതൽ വിവരങ്ങൾക്ക് നോർക്ക റൂട്ട്സ് റിക്രൂട്ട്മെന്‍റ് വിഭാഗത്തിന്‍റെ 04712770536, 539, 540, 577 എന്നീ നന്പറുകളിലോ (ഓഫീസ് സമയത്ത്, പ്രവൃത്തിദിനങ്ങളിൽ) 24 മണിക്കൂറും പ്രവർത്തിക്കുന്ന നോർക്ക ഗ്ലോബൽ കോണ്ടാക്ട് സെന്‍ററിന്‍റെ ടോൾ ഫ്രീ നന്പറുകളായ 1800 425 3939 (ഇന്ത്യയിൽ നിന്നും) +918802 012 345 (വിദേശത്തുനിന്നും, മിസ്ഡ് കോൾ സർവീസ്) ബന്ധപ്പെടാം.