ലൈഫ് സ്‌കില്‍സ് എഡ്യുക്കേഷൻ ഓൺലൈൻ പിജി ഡിപ്ലോമ
കാസര്‍ഗോഡ്: പുതിയ കാലത്ത് ജീവിതത്തിലും തൊഴില്‍ രംഗത്തും മുന്നേറുന്നതിനാവശ്യമായ ജീവിത നൈപുണികള്‍ ആര്‍ജിക്കുന്നതിന് പ്രായപരിധിയില്ലാതെ എല്ലാവർക്കും അവസരമൊരുക്കാൻ കേരള കേന്ദ്ര സര്‍വകലാശാല.
സര്‍വകലാശാലയിലെ ഇ. ശ്രീധരന്‍ സെന്‍റര്‍ ഫോര്‍ ലൈഫ് സ്‌കില്‍സ് എഡ്യുക്കേഷന്‍ നടത്തുന്ന ഓൺലൈൻ പിജി ഡിപ്ലോമ ഇന്‍ ലൈഫ് സ്‌കില്‍സ് എഡ്യുക്കേഷന്‍ പ്രോഗ്രാമിലേക്ക് അപേക്ഷ ക്ഷണിച്ചു.
ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. നിലവില്‍ മറ്റ് കോഴ്‌സുകള്‍ പഠിക്കുന്നവര്‍ക്കും ജോലി ചെയ്യുന്നവര്‍ക്കും അപേക്ഷിക്കാം. രണ്ട് സെമസ്റ്ററുകളായി ഒരു വര്‍ഷമാണു കോഴ്സിന്‍റെ കാലയളവ്. ഓണ്‍ലൈന്‍ ക്ലാസുകള്‍ക്കു പുറമേ ഓഫ്‌ലൈനായുള്ള പരിശീലന പരിപാടികളും ഉണ്ടാകും.
4500 രൂപയാണു സെമസ്റ്റര്‍ ഫീസ്. നവംബര്‍ 30 വരെ അപേക്ഷിക്കാം. സ്വയം തിരിച്ചറിയല്‍, ആശയവിനിമയ ശേഷി വര്‍ധിപ്പിക്കല്‍, മറ്റുള്ളവരുമായുള്ള ഇടപെടല്‍ കാര്യക്ഷമമാക്കല്‍, മാനസിക സമ്മര്‍ദങ്ങളെ അതിജീവിക്കല്‍, സാങ്കേതിക വിദ്യയിലെ പ്രാവീണ്യം തുടങ്ങിയവയാണ് കോഴ്സിൽ ഉൾപ്പെടുത്തിയിട്ടുള്ളത്. കൂടുതല്‍ വിവരങ്ങള്‍ക്ക്: www.cukerala.ac.in. ഫോണ്‍: 9447596952.