ബിഎസ്സി നഴ്സിംഗ്: എസ്സി, എസ്ടി സീറ്റുകളിലേക്ക് സ്പോട്ട് അലോട്ട്മെന്റ്
തിരുവനന്തപുരം: 202425 അധ്യയന വർഷത്തെ ബിഎസ്സി നഴ്സിംഗ് കോഴ്സിന് സർക്കാർ/ സ്വാശ്രയ കോളജുകളിൽ എസ്സി, എസ്ടി വിഭാഗക്കാർക്ക് ഒഴിവുള്ള സീറ്റുകളിലേക്കു പ്രവേശനത്തിനുള്ള സ്പോട്ട് അലോട്ട്മെന്റ് 23ന് എൽബിഎസ് സെന്റർ ജില്ലാ ഫെസിലിറ്റേഷൻ സെന്ററുകളിൽ രാവിലെ 10ന് നടക്കും.
റാങ്ക് ലിസ്റ്റിൽ ഉൾപ്പെട്ട അപേക്ഷകർ എൽബിഎസ് ജില്ലാ ഫെസിലിറ്റേഷൻ കേന്ദ്രങ്ങളിൽ രാവിലെ 11നകം നേരിട്ട് ഹാജരായി രജിസ്റ്റർ ചെയ്യണം. മുൻ അലോട്ട്മെന്റുകളിലൂടെ കോളജുകളിൽ പ്രവേശനം ലഭിച്ചവർ നിരാക്ഷേപപത്രം ഹാജരാക്കണം. ഒഴിവുകളുടെ വിശദാംശങ്ങൾ www. lbscentre.kerala.gov.in വെബ്സൈറ്റിൽ അലോട്ട്മെന്റിനു മുൻപ് പ്രസിദ്ധീകരിക്കും.
അലോട്ട്മെന്റ് ലഭിക്കുന്നവർ അന്നേ ദിവസംതന്നെ നിർദ്ദിഷ്ട ഫീസ് ഒടുക്കണം. അലോട്ട്മെന്റിനു ശേഷം കോഴ്സ്/ കോളജ് മാറ്റം അനുവദിക്കുന്നതല്ല. വിശദ വിവരങ്ങൾക്ക്: 04712560363, 364.